San Juan 3:26 - Bible in Tzeltal de Oxchuc y Tenejapa

²⁶ Jich ba sc'oponic te Juane: —Maestro, te mach'a ajoinej ta stojol sloq'uib c'aal ta bay jejch' muc'ja' Jordán te la awalbotic sc'oplale, ja' yaquix ta yaq'uel ich'ja'. Spisilic xbajt'iquix ta stojol —xiic.

Nuevo Testamento Tzeltal de Amatenango

²⁶ Ba yalbeyik te Juane: —Maestro, ila awil te machꞌa ajoyinej aba sok tal ta stojil ba xlokꞌ tal kꞌajkꞌal ta jejch Jordane, te machꞌa la awalbotik skꞌoplale. Te ora to yipalix ta yakꞌel ichꞌjaꞌ, y spisil te genteetike ya stsꞌakliyik bael —xchiik.

Bible in Tzeltal Bachajón

²⁶ Talic ta stojol te Juan, hich la yalbeyic: Rabí, te mach'a la sjoquinat ta jehch Jordán, ha te la awalbe sc'oblal, ha nix hich ayix ta yaq'uel ich'-ha', soc spisilic yaquic ta bahel ta stojol, xchihic.

San Juan 3:26 Referans Kwoze

San Juan 1:7

Ja' tal yalbey sc'oplal te luz, swenta yu'un jich me ya xch'uunic te ants-winiquetique.

San Juan 12:19

Jich te fariseoetique caj yalbey sbaic: —Ilawil, ma staq'uix ta comel. Melel spisil te lume bajt'iquix ta stojol te Jesuse —xiic.

San Juan 11:48

Teme jich nax ya xjil cu'untique, spisilic me ya xba xch'uunic. Jich me ya xtal te romaetique, ya me sjinbotic te ch'ul temploe soc te nación cu'untique —xiic ta yalel.

San Juan 1:15

Te Juan la yalbey sc'oplal ta testigo, jich la yal: —Ja' in to, ja' te mach'a la calbey sc'oplal, te patil ya xtal, te cajal sc'oplal cu'un stuquele, melel stalel ayix stuquel a te c'alal ma to xchicnajone —xi' te Juane.

Isaías 45:23

Jo'onix la jta jba ta alel jtuquel, la cal ta jamal te jo'on ya caiy tsalawe, te bila caloj ta jamal, ya me xc'ot ta pasel. La cal te ya me xtal squejan sbaic ta jtojol spisil te ants-winiquetique, soc ta spisilic ya me staonic ta alel.

San Juan 3:2

Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

San Mateo 23:7

Soc ya smulanic te ya xpatbot yo'tanic ta comonsitil ta bay yolil ch'iwich, soc ya smulanic te “maestro” ya x'utotic yu'un te ants-winiquetique.

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Salmos 65:2

melel ya awaiy te jc'optique. Spisil mach'atic ayic ta balumilal ya xtalic ta atojol.

San Mateo 23:8

“Yan te ja'exe, ma me x'ac'anic te “maestro” xi' ac'oplalique. Melel awermano abaic ta apisilic soc jtul nax maestro ay awu'unic.

San Juan 4:1

Te fariseoetic la yaiyic stojol te bit'il ayix bayal jnopojeletic yu'un te Jesuse, soc c'ax jich yac ta yaq'uel ich'ja' te bit'il te Juane.

San Juan 4:2

(Ja'uc me to, ma ja'uc la yac' ich'ja' te Jesuse, ja' la yac' ich'ja' te jnopojeletic yu'une.)

San Juan 4:31

Te c'alal baem ta lum ta yalel sc'oplal Jesús a te antse, te jnopojeletique la yalbeyic wocol te Jesuse: —Maestro, we'an —xiic.

San Juan 5:33

Te ja'exe la aticunic ta jaq'uel ta stojol te Juane. Ja' la yal ta jamal ta melel te bit'il ay jc'oplale.