San Juan 3:10 - Bible in Tzeltal de Oxchuc y Tenejapa

¹⁰ La yal te Jesuse: —Te ja'ate maestroat yu'un te lum Israel, ja'uc me to, ¿ma x'ana' stojol te bila ya calbate?

Nuevo Testamento Tzeltal de Amatenango

¹⁰ Te Jesuse la sjakꞌbe: —Te jaꞌate maestroat yuꞌun te Israele, y ¿ma xꞌanaꞌbe sluwar te tut ya kalbeyate?

Bible in Tzeltal Bachajón

¹⁰ Ha'at maestrohat yu'un Israel, xchi te Jesús, ¿yu'un bal ma xana' bin ut'il ay ini?

San Juan 3:10 Referans Kwoze

San Mateo 22:29

Te Jesús la yalbey yaiyic: —Jowejemex ta c'op, yu'un ma ba c'oem ta awo'tanic te bila ts'ibubil jilel ta Sjun te Diose soc te bit'il ay yu'el te Diose.

Ezequiel 11:19

Jo'on me ya jloq'uesbey ta yo'tanic te bila tulan jichuc ton. Ya me cac'bey yach'il yo'tanic soc yach'il xcuxlejalic.

San Mateo 15:14

Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Isaías 56:10

Melel te jcananetic yu'un te lum cu'une ma'situbenic, mero ma sna'ic stojol ta jyalel. Spisilic ja'ic uma' ts'i'etic, te ma xju' yu'unic wojwonel; puro metslej ay ta yo'tanic soc swayelic, ja' bin nax yo'tanic yu'un te wayele.

Isaías 9:16

Te jtsobwanejetic, ja' la sjowtesic te lume; te mach'atic la xch'uunbey sc'opic, ch'ayic ta jc'axel.

Salmos 73:1

Mero lec yo'tan ta stojol Israel te Diose; ja' lec yo'tan ta stojolic te mach'atic pocbil yo'tanique.

Salmos 51:10

Dios cu'un, pocbon ta lec te co'tane. Ac'bon xan yach'il sbujts' co'tan te toj ya x'ainon yu'une.

Salmos 51:6

Ta mero melel ja' c'ux ta awo'tan te mach'a smelelil ya xc'opoje; ta mero yutil co'tan la awac'bon te p'ijil c'ope.

1 Crónicas 29:19

Ac'beya te junuc yo'tan te jnich'an Salomón, ts'acal xachajbanbon ta toj te yo'tane, jich me ya xju' yu'un xch'uunel ta spisil te jayeb ta jchajp mandaliletic awu'une. Ayuc bit'il ya sc'otes ta pasel spisil, soc te junuc yo'tan ta atojol, jich me ya xju' ta pasel yu'un te templo te chajbanbilix sbiluquil cu'une —xi' ta sc'oponel Dios te David.

Deuteronomio 30:6

Ya me yac'beyex ta awo'tanic smarcail te trato, soc nix te patil alnich'anetic awu'unique, swenta yu'un c'ux me ya awaiyic ta spisil awo'tanic soc ta spisil ach'ulelic. Jich me ya awich' acuxlejalic a.

Deuteronomio 10:16

“Ac'a ta awo'tanic te smarcail te trato, ma me ja'uc nax chican awo'tanic te bila ya apasic baele.

Filipenses 3:3

Yan te jo'otique quich'ojtic te mero circuncisione. Melel ta swenta nax te Espíritu te yacotic ta abatinel yu'un te Diose. Jich bayal sbujts' co'tantic ta swenta te Cristo Jesuse; ma ba ja' ya smuc'ulin co'tantic te bila ya yich' pasel ta jbaq'uetaltique.

Romanos 2:28

Chican ta jamal te ma ja'uc mero judio-winic te mach'a judio-winic ta ilele, soc ma ja'uc mero circuncisión te mach'a yich'oj nax ta sbaq'uetale.

Colosenses 2:11

Soc te bit'il jun ayex soc te Cristoe jich la awich'ic circuncisión. Ja'uc me to, ma ja'uc te circuncisión te pasbil ta sc'ab ants-winiquetic. Ja'ix te circuncisión te la awich'ic ta swenta Dios te bit'il la ach'uunic te Cristoe. Jich colex ta libre yu'un te amulawil-baq'uetalique.

San Lucas 2:46

Yoxebal to c'aal la staic ta templo, nacal ta yolilic te jts'ibojometique. Yac ta yaiyel stojol te bila ya yalique, soc ay bila ya sjojc'obeyic ta stojolic.

San Lucas 5:17

Jun c'aal te c'alal yac ta p'ijubteswanej te Jesuse, ay fariseoetic soc jts'ibojometic te nacalic tey a te talemic ta lumlumtic ta sq'uinal Galilea soc ta sq'uinal Judea soc ta lum Jerusalén. Chican ta ilel te bit'il ta swenta yu'el Dios te yac ta slamantesel jchameletic te Jesuse.

San Juan 3:9

Te Nicodemo la xcha'jojc'obey xan: —¿Bit'il ya xc'ot ta pasel in to? —xi'.

Hechos 5:34

Ja'uc me to, ay jtul fariseo ta Muc'ul Tsoblej, te Gamaliel sbiil, te maestro yu'un te mandalile soc te ich'bil ta muc' yu'un te lume. Ja' tejc'aj jajch'el ta c'op. La yac' ta ticunel loq'uel ajc'uc te jpuc-c'opetique.