San Juan 21:25 - Bible in Tzeltal de Oxchuc y Tenejapa

²⁵ Ja'uc me to, ay to bayal xan te bila la spas te Jesuse. Te spisiluc ya yich' ts'ibuyele, te ya cal te jo'one, ma tic'uc ya x'och ta balumilal te jayebuc junetic te jichuque. Jichuc.

Nuevo Testamento Tzeltal de Amatenango

²⁵ Te Jesuse ay to xan bayal tuti spas. Te spisiluk ya yichꞌ tsꞌibayel ta skajal-skaje, te ya kale max och a te balmilale te spisiluk ya yichꞌ tsꞌibayel ta june.

Bible in Tzeltal Bachajón

²⁵ Ay to xan tsobol bin la spasticlan te Jesús, te spisiluc la yich' ts'ihbaylanel ta chahpalchahp, ya cal ho'on te ma ba ya x'och ta bahlumilal te librohetic te yacuc yich' ts'ihbayele.

San Juan 21:25 Referans Kwoze

Salmos 40:5

Cajwal, Dios cu'un, mero bayal bitic jelawen yutsil apasoj, ya ana'bon yo'bolil jba soc ayon ta awo'tan. Ma'yuc mach'a pajalat soc. Co'tanuc ya calbey sc'oplal ta alel te bitic apasoje, co'tanuc ya xc'opojon ta yalel, pero ma xju' cu'un sna'el spisil, c'axem jich a te bit'il ya xju' cu'un yalel.

Salmos 71:15

Ta sjunal me c'aal ya cal te ja'at jcoltaywanejat, soc te ja' apasoj ta jtojoltic te bila stojile. Ja' te ma mero xju' cu'un sna'el bit'il aye.

Job 26:14

Pero ma ja'uc nax yat'el in to te bi la caiytiquixe. ¿Mach'a ya xju' yu'un sna'beyel te ya xt'om yip te yu'el? —xi' te Bildad.

Hebreos 11:32

Ta ora to ma xju' te ya calbeyex xan bayale, melel ma niwan xlaj cu'un ta cholel spisil te bit'il ay sc'oplal te Gedeone, te Baraque, te Sansone, te Jeftee, te Davide, te Samuele, soc te j'alwanejetic yu'un te Diose.

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

Hechos 20:35

Spisil ora la cac'beyex awilic te bit'il ya sc'an ya x'at'ejotic ta lec ta jpisiltique, swenta yu'un jich me ya jcoltaytic te mach'atic ay swocolic te ma'yuc bi ay yu'unique. Ac'a juluc ta awo'tanic te jich la yal te Cajwaltic Jesuse: “Ja' me bin nax yutsil te mach'a ay bila ya yaq'ue, ma ja'uc te mach'a ay bila ya yich'e”, te xie —xi' te Pabloe.

San Mateo 11:5

Cholbeya yaiy te yac ta jamel sit te ma'sitetique, soc te yacalic ta lecubel te coxoetique, soc yacalic ta lecubel sbaq'uetal te jc'a'el-chameletique, soc yacalic ta jamel xchiquin te jcojq'uetique, soc yacalic ta cha'cuxel te animaetique, soc yaquix ta cholel ta stojol me'baetic te lec yach'il c'ope.

Eclesiastés 12:12

Te bi ya jtatic ta swentaique, ja' te ya yal caiytic te ya sc'an ya jtsajtay jbajtique. Te spasel tsobol libroetic ma'yuc slajibal; te bayal bi ya jnoptique ya xlubotic yu'un.

Amós 7:10

Te Amasías, sacerdote ta Betel, la sticunbey ta alel te Jeroboam muc' ajwalil yu'un Israel: “Te Amós yac ta beel ta yolil israeletic, yac ta xchapel sc'op ta scontroinbelat ja'at muc' ajwalil. Te lume ma xcujch' yu'un te sc'ope.

San Mateo 19:24

Soc ya calbeyex xan: Jich bit'il ma xju' ya xc'ax ta aguja te jcojt' camelloe, c'axem to xan wocol ya x'ochic te jc'ulejetic ta banti ay ta ajwalinel te Diose —xi'.

San Marcos 5:16

Te mach'atic la yilic te bila c'ot ta pasel ta stojol te mach'a ay pucujetic ta yo'tane, soc te chitametique, caj yalbeyic sc'oplal.