San Juan 21:22 - Bible in Tzeltal de Oxchuc y Tenejapa

²² La yal te Jesuse: —Teme ya sc'an co'tan te cuxul to te c'alal ya xcha'talone, ma awentauc te ja'ate. La' me, joinawon —la yut.

Nuevo Testamento Tzeltal de Amatenango

²² Te Jesuse la sjakꞌbe: —Teme ya skꞌan koꞌtan te kuxul to a te ya xchaꞌtalone, ¿tuti wochel a te jaꞌate? Laꞌ me, laꞌ tsꞌakliyaon —xyut.

Bible in Tzeltal Bachajón

²² Halbot yu'un te Jesús: Teme ya jc'an te cuxul to a te c'alal ya xtalone, ¿bin awochel a? T'unawon te ha'ate, xchi.

San Juan 21:22 Referans Kwoze

San Marcos 9:1

Soc la yalbey xan: —Jamal ya calbeyex, ay mach'atic li' ayic to te ma ba ya xlajique ja' to teme la yilic te ayix ta mandal soc yu'el te Cajwaltic Diose —xi' te Jesuse.

Apocalipsis 2:25

Ja'uc me to, spisil ora ma me xawac' ch'ayuc te bila ach'uunejique, ja' to te c'alal ya xtalone.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Apocalipsis 3:11

Ya me xtalon ta ora nax. Canantaya me te bila ay awu'une, swenta yu'un ma'yuc mach'a yan ya yich'bat te acoronae.

Santiago 5:7

Jich yu'un, quermanotac, junuc awo'tanic ts'ijc'uc awu'unic te awocolique, ja' to teme chicnaj tel te Cajwaltique. Jich bit'il te mach'a yat'elinej sc'altayel te q'uinale te ya smaliybey yutsil sit te sc'ale, ya sc'an te jun nax yo'tan ya smaliy te bi ora ya xtal te ja'ale.

1 Corintios 11:26

Jich yu'un jujun buelta te ya awe'ic te waje soc te ya awuch'ic te bila ay ta vasoe, ja' ya awalic ta jamal a te bit'il laj te Cajwaltique, ja' to te c'alal ya xcha'tal xane.

San Juan 21:19

Te bit'il jich la yalbey te Jesuse, ja' la yac'bey sna' stojol a te bila lajel ya xc'ot ta swenta te Pedro te jich ya yac' ta ich'el ta muc' a te Diose. Te c'alal laj yo'tan ta yalbele, jich la yal xan: —La' me, joinawon bael —la yut.

San Mateo 24:44

Ja' nanix jich te ja'exe, chapaluquex me ta maliywanej. Melel ma na'biluc awu'unic te ya awil talix a te Nich'anile.

Apocalipsis 22:20

Te mach'a ya yal ta testigo spisil in to, jich ya yal: “Melel xcal, nopol ya xtalon”, xi'. Jichuc, Cajwal Jesús, la' me ta ora.

Apocalipsis 22:7

“Aiya awaiyic stojol, nopol ya xtalon. Bin nax me yutsil te mach'atic ya yac' ta yo'tanic te sc'op Dios te ts'ibubil jilel li' ta bay in jun to”, xi' te Jesuse.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

San Mateo 24:27

Melel te c'alal ya xtal te Nich'anile, jich me ya xchicnaj tel te bit'il tsantsewal te ya xlem tel ta sloq'uib c'aal c'alal to ta smalib c'aal.

San Mateo 24:3

Te c'alal ayiquix ta Wits Olivailtique, te Jesús la snajc'an sba tey a. Te jnopojeletic yu'une, stuquel nax tal sc'oponic. Jich la yalic: —Albotic caiytic te bi ora ya xc'ot ta pasel te bila la awalbotique, soc te bi señail ya xchicnaj ta ilel a te c'alal ya xtalatixe soc te ja'ix a te slajibal c'aale —xiic.

San Mateo 8:22

Jich la yalbey te Jesuse: —Te ja'ate ts'aclinawon bael. Ja' ac'a smuquic te anima te mach'atic pajal anima soque —la yut.

San Mateo 16:24

La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

San Juan 21:21

C'alal la yil te Pedroe, la sjojc'obey te Jesuse: —Cajwal, ¿ja'xan in winic to? —xi'.

1 Tesalonicenses 2:19

Melel, ¿bila a te ya jmaliye? soc ¿bila a te xbujts' co'tane? soc ¿bila a te corona te toyol q'uinal ya caiy yu'une? ¿Ma bal ja'uc te ja'exe te ayex ta stojol te Cajwaltic Jesucristoe? Jich me bin nax co'tan awu'unic te c'alal ya xchicnaj tele.

Santiago 5:8

Jich uuc te ja'exe ts'ijc'uc me awu'unic. Ac'a me yip awo'tanic, yu'un nopol ya xtalix te Cajwaltique.