San Juan 21:19 - Bible in Tzeltal de Oxchuc y Tenejapa

¹⁹ Te bit'il jich la yalbey te Jesuse, ja' la yac'bey sna' stojol a te bila lajel ya xc'ot ta swenta te Pedro te jich ya yac' ta ich'el ta muc' a te Diose. Te c'alal laj yo'tan ta yalbele, jich la yal xan: —La' me, joinawon bael —la yut.

Nuevo Testamento Tzeltal de Amatenango

¹⁹ Te tutꞌil jich a yal te Jesuse, jaꞌ a yaꞌbe snaꞌ te tutꞌ ya xkꞌo chamuk te jPedroe, yuꞌun me jich ya yakꞌ ta ilel slekilal a te Diose. Ta patil la yalbe: —Laꞌ me, tsꞌakliyaon bael —xyut.

Bible in Tzeltal Bachajón

¹⁹ Hich la yal, yu'un la ya'be sna' te bin lajelil ya ya'iy te ya yac' ta ich'el ta muc' a te Diose. C'alal laj ta halbeyel a, la yal xan: T'unawon, xchi sc'oblal.

San Juan 21:19 Referans Kwoze

2 Pedro 1:14

Yu'un yac'ojbonix jna' stojol te Cajwaltic Jesucristo te nopolix ya quijq'uitay jilel te jcuxlejal ta q'uinale.

San Juan 21:22

La yal te Jesuse: —Teme ya sc'an co'tan te cuxul to te c'alal ya xcha'talone, ma awentauc te ja'ate. La' me, joinawon —la yut.

San Mateo 10:38

Soc te mach'a ma sc'an ya xcuch scruz te ya st'unone, ma snujp'in te ja' cu'un ya xc'ote.

Filipenses 1:20

Ja' nax bayal sc'oplal ta co'tan te manchuc ayuc bila ya jta q'uexlal yu'un, soc te jamaluc co'tan ya xc'opojon jich nix te bit'il ayon tel spisil orae. Jich me c'axem to xan ya x'ich'ot ta muc' ta jwenta te Cristoe. Chican teme ya to xcuxinone, o teme tey ya xlajonix ae.

San Juan 12:33

Ja' la yac' ta na'el stojol te bila lajel ya yaiye.

1 Samuel 12:20

La sjac' te Samuel: —Ma xiwex. Melel nix a te mero ma lecuc te bi apasojique, pero yo'tic ma me xapit loq'uel abaic ta stojol te Cajwaltique. Ch'uunaic ta spisil awo'tanic.

San Juan 18:32

Jich c'ot sc'op te Jesús te bit'il la yal te bila lajel ya yaiye.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Mateo 19:28

Te Jesús jich la yalbey yaiyic: —Jamal ya calbeyex, te bi ora ya yich' pasel ta yach'il spisil te bitic aye, te c'alal ya snajc'an sba ta bay yutsil smuc'ul nactijib te Nich'anile, ja'ex uuc te ajoinejique ya me x'ac'botex anactijibinic lajchayeb muc'ul nactijibaletic, yu'un ya me awaiyic chajbanwanej ta stojol te lajchaychajp israeletique.

Números 14:24

Ja' nax me stuquel te cabat Caleb te yan yilel yutsil yo'tan stuquel, te jun yo'tan xch'uunejbon te jmandale. Ja' nax stuquel ya cac' ochel ta q'uinal te xc'otuc yilixe, soc te sts'umbal ja'ic me ya xnajc'ajic tey stuquelic a.

San Mateo 8:22

Jich la yalbey te Jesuse: —Te ja'ate ts'aclinawon bael. Ja' ac'a smuquic te anima te mach'atic pajal anima soque —la yut.

San Juan 21:18

Soc jamal me ya calbat, te c'alal jch'ielat to ae, atuquel la alap te ac'u'e soc chican banti la sc'an awo'tan te beenate. Yan te c'alal ya xmamalubate, ja' xanix ya awac' te ac'abe yu'un yan mach'a ya yac'batix alap te ac'u'e, soc tey me ya yic'at bael a te banti ma sc'an te awo'tane —xi'.