Biblia Todo Logo
Bib sou entènèt

- Piblisite -




San Juan 21:17 - Bible in Tzeltal de Oxchuc y Tenejapa

17 Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

Gade chapit la Kopi

Nuevo Testamento Tzeltal de Amatenango

17 La sjojkꞌobe xan ta yoxmelal: —Simon, te xnichꞌanat te Jonase, ¿me kꞌuxon ta awoꞌtan? —xchi. Te jPedroe la yakꞌ yajtal yoꞌtan yuꞌun; porke yoxmelalix a te jojkꞌobot teme kꞌux ya yaꞌi ta yoꞌtane. La sjakꞌ: —Kajwal, anaꞌoj spisil. Anaꞌoj te kꞌuxat ta koꞌtane —xchi. Te Jesuse la yalbe: —Kanantaybon me te jkarneraetik cheꞌe.

Gade chapit la Kopi

Bible in Tzeltal Bachajón

17 Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

Gade chapit la Kopi




San Juan 21:17
40 Referans Kwoze  

Jesús la yalbey: —¿Ya bal awac' aba ta lajel cu'un? Jamal ya calbat: Ma to x'oc' mut yo'tic a te ya amucon ta awo'tan oxeb bueltae —la yut.


Lajel to yo'tan ta c'op a te oc' ta xchebal buelta te mute. Jul ta yo'tan te Pedroe te bila albot yu'un ta neelal te Jesuse: “Ma to x'oc' cheb buelta a te mute te ya amucon ta awo'tan oxeb buelta”, te xie. C'alal la sna' ta yo'tan, jajch' yoq'uetay sba yu'un.


Ta ora to la jna'tiquix te spisil ay ta awo'tan. Jich ma puersauquix te ay mach'a ya sjojc'obat xane. C'otix ta co'tantic te talemat ta stojol te Diose —xiic.


Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.


Ma me xawaq'uic ta mel-o'tan te Ch'ul Espíritu yu'un te Diose, te melel ja' sello awich'ojic yu'un Dios, ja' to teme la sta sc'aalelal te jc'axel ya xcolex yu'une.


Te Diose, te sna'oj stuquel te o'tanile, ja' testigo yu'un te bit'il la yac'bey yiq'uic ta yo'tanic uuc te Ch'ul Espíritu, jich bit'il te jo'otique.


Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.


“Soc teme c'uxon ta awo'tanique, ya me ach'uunbonic spisil te jmandale.


Te ja'at ana'oj ta lec te bitic ya jnop ta co'tane; ta ajc'ubal ya xtal awilon spisil ora; melel apasojonix ta prueba ta c'ajc', ma'yuc ataojbon te bila amen ta jtojole. Ma'yuc caloj te bitic ma lecuc ta alel


Quermanotac te bayal c'uxex ta co'tane, ja' xchebal carta in to te yacon ta sts'ibuyele. Ta xchebal te cartae, jich la sc'an co'tan te la jpasbeyex swenta sjachjibal awo'tanic soc tac'uyel swenta yu'un lecuc me te snopjibal awu'unique.


Ja' swentail te ayuc bayal sbujts' awo'tanic, manchuc teme ayex ta woclajel jun chebuc c'aal yu'un te bayal ta jchajp yiljibal awo'tanic te ya xtal ta atojolique.


Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.


Jich la sc'oponic Dios yu'un: —Cajwaltic, ja'at awilojbey yo'tanic spisil te ants-winiquetique, jich yu'un ac'botic jna'tic stojol te mach'a tsabil awu'un jtuluc in chebic to,


La smuc xan ta yo'tan te Pedroe. Ora oc' te mute.


Te Jesús sna'oj stojol spisil te bila ya xc'ot te pasel ta stojole. Ja' neel la sjojc'obey: —¿Mach'a ya aleic? —la yut.


Melel te me'baetique spisil ora ay ta awolilic stuquelic, yan te jo'one, ma spisiluc ora te ya joinexe —xi'.


“Jich me ya yal te muc' ajwalile: “Jamal ya calbeyex, te bit'il jich la apasbeyic jtuluc in to te quermanotaque, manchuc teme peq'uel ayique, jo'on la apasbonic c'oem abi”, ya me yut.


Ta smelelil, ma jichuc yo'tan yu'un yac'beyel swocol te ants-winiquetique, ni ta yac'beyel bila c'ux ya yaiy.


Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.


Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.


Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.


—Te Cajwaltic Dios te cajal yu'un spisil te yantic diosetique, ya me sna' te ma swentauc toybail te la jpastic te scajtijib majt'anil, soc te ma yu'unuc ya jloq'ues jbajtic ta stojole. Ya me sna' stuquel, soc ya me yac'beyex ana'ic stojol te ja'exe. Yan teme ma jichuc te bit'il ya caltique, ya xju' te ma ba ya apasbotic perdón yu'un te jcuxlejaltique.


Te jo'one ya jp'ijubtes soc ya jtac'uy spisil te mach'a c'ux ya caiy ta co'tane. Junajuc me awo'tan ta jtojol, sujt'esa me awo'tan.


¿Bi yan ya xju' ya calbat, Cajwal? Melel ya ana'bon jba ta lec te awabatone.


Soc jamal me ya calbat, te c'alal jch'ielat to ae, atuquel la alap te ac'u'e soc chican banti la sc'an awo'tan te beenate. Yan te c'alal ya xmamalubate, ja' xanix ya awac' te ac'abe yu'un yan mach'a ya yac'batix alap te ac'u'e, soc tey me ya yic'at bael a te banti ma sc'an te awo'tane —xi'.


¿Bi xan yan ya calbat yu'un te ich'el ta muc' te la awac'bon te awabatone? Melel ya ana'bon jba jo'on te abaton awu'une.


Te Jesús jich la yalbey: —Baan, ic'a tel te amamlale. La' soc li'to —la yut.


Oxeb buelta te jich la spasbone. Patil ic'ot moel spisil ta ch'ulchan.


Swiv nou:

Piblisite


Piblisite