San Juan 21:15 - Bible in Tzeltal de Oxchuc y Tenejapa

¹⁵ Te c'alal lajix yo'tanic ta we'ele, te Jesús caj yalbey te Simón Pedroe: —Simón, te snich'anat Jonase, ¿c'ax bal jich c'uxon ta awo'tan a te bit'il in yantic to? —xi'. La yal te Pedroe: —C'ux, Cajwal. Ana'oj stojol te c'uxat ta co'tane —xi'. La yal te Jesuse: —Mac'linbon te alal chijetic cu'un jiche —xi'.

Nuevo Testamento Tzeltal de Amatenango

¹⁵ Lajikix ta weꞌel a, te Jesuse la sjojkꞌobe te Simon Pedroe: —Simon, te xnichꞌanat te Jonase, ¿me mas kꞌux ya awaꞌiyon ta awoꞌtan jich tutꞌ yan to? —xchi. Te jPedro la sjakꞌ: —Jich, Kajwal. Anaꞌoj te kꞌuxat ta koꞌtane —xyut. Te Jesuse la yalbe: —Kanantaybon me te jkarneraetik kuꞌun cheꞌe —xchi.

Bible in Tzeltal Bachajón

¹⁵ C'alal laj yo'tanic ta we'el, te Jesús la yalbe te Simón Pedro: Simón, snich'anat Jonás, ¿c'ax bal hich c'uxon ta awo'tan a te bin ut'il te yantic ini? xchi. C'ux, Cajwal. Ana'oj te c'uxat ta co'tan, xchi te Pedro. Mac'limbon te bic'tal tuminchijetic cu'un, xchi te Jesús.

San Juan 21:15 Referans Kwoze

Romanos 15:1

Te jo'otic te ayix quiptic ta swenta xch'uunjel co'tantique, ya sc'an ya jna'beytic yo'bolil sbaic uuc te mach'atic ma to ayuc yipique. Ma me ja'uc nax ya jle jtuqueltic te bila ya jmulantique.

1 Juan 4:19

Te jo'otique c'ux ya caiy ta co'tantic te Diose, yu'un ja' neel c'ux la yaiyotic ta yo'tan te Diose.

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

1 Pedro 1:8

Te ja'exe c'ux ta awo'tanic te Jesucristoe, manchuc teme ma ba awilojbeyic sit. Soc manchuc teme ma ba ya awilic ta asitic ta ora to, ja'uc me to, jun nax awo'tan ach'uunejic. Jich jelawen nax yutsil sbujts' awo'tanic ya awaiyic yu'un ta c'axem to xan te ma xju' ta alel sc'oplale.

Efesios 6:24

soc ac'a yac'beyex bayal yutsil yo'tan ta apisilic te c'ux ya awaiyic ta awo'tanic te Cajwaltic Jesucristoe, te xujt' ma xyanaj stuquel te sc'uxul yo'tane. Jichuc.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

1 Juan 5:1

Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

San Juan 16:27

melel te Jtate c'ux ya yaiyex ta yo'tan. Ja' c'ux ya yaiyex ta yo'tan yu'un te bit'il c'uxon ta awo'tanique soc te bit'il xch'uunej awo'tanic te talemon ta stojol te Diose.

Jeremías 3:15

Ya cac'beyex ajwaliletic awu'unic te ya yac'bonic sbujts' co'tane, soc ya me xmandalajic ta atojolic ja'ex soc sp'ijilic soc te bila sna'ojic ta leque.

Ezequiel 34:23

Ya me cac' chicnajuc xan tel te cabat David, ja' me ya cac' ochel ta jcanan-chij stuquel. Ja' me ya xcanantayotic yu'un, ja' me jcanantaywanej yu'unic ta mero melel stuquel.

1 Pedro 2:25

Yu'un ta neelal jich ayex te bit'il chijetic te jowejemique. Ja'uc me to, sujt'emexix tel ta stojol te Cristoe te ja' Jcanantaywanej awu'unic stuquel te yat'elinej scanantaybel te ach'ulelique.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

San Lucas 22:32

Ja'uc me to, la jc'anbeyix Dios te ma ba jc'axel ya xch'ay xch'uunjel awo'tan ta jtojole. Te c'alal la asujt'esix awo'tan ta jtojole, ac'beya me yip yo'tanic uuc te awermanotaque —xi'.

Hebreos 13:20

Te Dios, te ya yac' lamal q'uinale, la xcha'cuses tel ta bay animaetic te Cajwaltic Jesucristo te Muc' Jcanantaywanej yu'un te chijetique, te ja' ta swenta xch'ich'el te chajbaj a te trato te sbajt'el q'uinal aye.

Romanos 14:1

Ic'a me ta atojol te mach'a peq'uel xch'uunjel yo'tane. Ma me ayuc bi tulan xawalbey ta stojol.

San Mateo 16:17

La yal te Jesuse: —Bin nax me awutsil te ja'ate, Simón te snich'anat Jonase, te melel ma ants-winicuc te la yac'bat ana' yalel in to. Ja' la yac'bat ana' stojol te Jtat te ay ta ch'ulchane.

Jeremías 23:4

Ya cac'bey jcanantaywanej yu'un te ya scanantayic ta lec, swenta yu'un ma me ayuc xiwel ya yaiyic, ni ma me xch'ay jcojt'uc. Jo'on Ajwalilon, jich ya cal —xi'.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

1 Pedro 2:2

Jichuquex me te bit'il alaletic te ayinelic toe, c'anaic me te lequil chu'ul yu'un te Espíritu te ma'yuc bila capal ae. Jich me ya xmuc'ubex yu'un stuquel, soc jich me ya ata acolelic ta swenta.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

San Juan 21:12

La yal te Jesuse: —La' me, we'anic —xi'. In te jnopojeletique ma la sjojc'obeyic jtuluc: “¿Mach'aat a?”, ma'yuc mach'a xi', yu'un sna'ojiquix stojol te bit'il ja' te Cajwaltique.

San Juan 21:7

Jich te jnopojel te bayal c'ux sba ta yo'tan soc te Jesuse la yalbey yaiy te Pedroe: —¡Ja' te Cajwaltique! —xi'. Te c'alal la yaiy stojol te Simón Pedro te ja' te Cajwaltique, la slap sc'u' ta ora. La xch'oj sba ochel ta ja'.

San Mateo 18:10

“Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

Efesios 4:14

Ma me jichucotic xan te bit'il alaletic te jteb stael yo'tanic, soc te ora nax ya x'eanot bael yu'un yic'al te biluc yach'il nopjibal te ay ta alel ya yaiyique. Ma me jch'uuntic lo'layel yu'un te sp'ijil sc'op ants-winiquetic te ora ya xju' yu'unic lo'laywanej a te sp'ijilique.

1 Corintios 8:11

Jich ta swenta nax te bila ana'oje, te ya awac' ch'ayuc te awermano te ma'yuc yip te yo'tane, te ja' lajem Cristo yu'une.

San Juan 8:42

Te Jesús jich la yalbey yaiyic: —Te meleluc te ja' atatic te Diose, c'ux ya awaiyonic te jichuque, melel te jo'one talemon ta stojol te Diose te bit'il li' ayon to. Ma jtuquel-o'tanuc te talone. Ja' la sticunon tel te Diose.

San Marcos 14:29

Te Pedro la yal: —Manchuc teme spisilic ya xpejc'aj yo'tanic ta atojol te yantique, yan te jo'one ma ba ya xpejc'aj co'tan jtuquel —xi'.

San Lucas 12:32

“Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.

Génesis 33:13

Ja'uc me to, la yal te Jacob: —Jbanquil, te cajwalate, ya ana' stojol te ma to xju' sbeel te alaletique, melel tsailic to. Soc nix te chambalametic jmacoje, tsobol te yalataque. Teme ya xtenot ta beele, spisilic ya xlajic.

San Mateo 10:37

“Ja' te mach'a c'ax jich c'ux ya yaiy ta yo'tan sme'-stat te bit'il c'ux ya yaiyone, ma snujp'in te ja' cu'un ya xc'ote. Soc te mach'a ja' c'ax c'ux ya yaiy ta yo'tan yal-snich'an te bit'il c'ux ya yaiyone, ma snujp'in te ja' cu'un ya xc'ote.

2 Reyes 20:3

—Cajwal, jo'on ya calbat wocol, te yacuc ana' te bit'il jun co'tan la cac' jba ta abatinel awu'une, soc spisil co'tan la jpasbat te bi la sc'an awo'tane —xi'. Och ta buen oq'uel.

2 Samuel 7:20

¿Bi yan ya xju' ya calbat, Cajwal? Melel ya ana'bon jba ta lec te awabatone.

San Juan 13:37

Pedro la yal: —Cajwal, ¿bi yu'un te ma xju' ya jts'aclinat bael ta orae? Melel jun co'tan ya cac' jba ta lajel ta awenta —xi'.

San Juan 1:42

Jich la yic' bael tey a ta ba ay te Jesuse. Jesús la yil te Simone. Jich la yalbey: —Ja'at Simonat snich'anat Jonás, ja'uc me to, Cefas abiil ya xc'oat —la yut. Te Cefas te xie, Pedro, xi' c'oem.

San Mateo 26:35

La yal te Pedroe: —Ma ba ya jmucat ta co'tan. Ya xju' ya joinat ta lajel —xi'. Jich nix la yalic ta spisilic uuc te yantique.

San Mateo 26:33

Te Pedro jich la yal: —Manchuc teme spisilic ya xpejc'aj yo'tanic ta atojol, yan te jo'one ma ba ya xpejc'aj co'tan jtuquel —xi'.

Hechos 20:29

Jna'oj stojol te ay ya xtal yantic te c'alal baemonix ae, te ya xtal yuts'inex jich bit'il ya yuts'in chijetic te jti'awal ja'mal ts'i'etique.

Ezequiel 46:24

Jich la yalbon: —Te cocinaetic in to, te banti ya spayic te chambalametic te mach'atic ayic ta abatinel ta templo, ja' te ya yac' te lum yu'un milbil smajt'an te Diose —xi' te winique.