San Juan 20:29 - Bible in Tzeltal de Oxchuc y Tenejapa

²⁹ Jesús la yalbey: —Tomás, la xch'uunix awo'tan yu'un te la awilonixe. Bin nax me yutsilic te mach'atic ya xch'uune, manchuc teme ma ba ya yilonique —la yut.

Nuevo Testamento Tzeltal de Amatenango

²⁹ Te Jesuse la yalbe te jTomase: —Ya achꞌuun porke yuꞌun la awilonix. Ben tsaꞌam slekilik te machꞌa ya xchꞌuun manchuk me makꞌ ya yilone —xyut.

Bible in Tzeltal Bachajón

²⁹ Jesús la yalbe: Tomás, la ach'uhunon yu'un la awilon; ha bayel yutsil te mach'atic ya sch'uhunonic aunque ma ba yilojonic, xchi.

San Juan 20:29 Referans Kwoze

1 Pedro 1:8

Te ja'exe c'ux ta awo'tanic te Jesucristoe, manchuc teme ma ba awilojbeyic sit. Soc manchuc teme ma ba ya awilic ta asitic ta ora to, ja'uc me to, jun nax awo'tan ach'uunejic. Jich jelawen nax yutsil sbujts' awo'tanic ya awaiyic yu'un ta c'axem to xan te ma xju' ta alel sc'oplale.

2 Corintios 5:7

Melel ta swenta xch'uunjel co'tantic te yacotic ta beele, ma yu'unuc te chican ta ilel ta jsitique.

Hebreos 11:1

Te bit'il ay xch'uunjel co'tantique jich jc'axel ay ta co'tantic te ya xc'ot ta pasel te bila yacotic ta smaliyele, soc jc'axel ay ta co'tantic manchuc teme ma chicanuc ta ilel ya quiltique.

Hebreos 11:27

Ta swenta xch'uunjel yo'tan la yijq'uitay jilel te sq'uinal Egiptoe. Ma ba xiw yo'tan yu'un te yilimba te muc' ajwalile, melel ja' smuc'ulinej yo'tan te Dios te yac ta yilel ta site, manchuc teme ma chicanuc ta ilele.

San Lucas 1:45

¡Bin nax me awutsil te la ach'uunbey sc'op te Cajwaltique, te melel ya me xc'ot ta pasel te bila la yalixe! —xi' te Elisabete.

San Juan 4:48

Te Jesús jich la yalbey: —Te manchuc ya awil te señailetic soc te jchajp at'eliletique ma ba ya ach'uunon te jichuque —la yut.

San Juan 20:8

Soc och bael uuc te yan jnopojele, ja' te mach'a neel c'ot ta muquenale. La yil, soc la xch'uun yo'tan.

Hebreos 11:39

Ta spisilic in to lec c'otic ta loq'uel stuquelic ta swenta bit'il ay xch'uunjel yo'tanic. Ja'uc me to, ma to bay c'ot ta swentaic te bila yaloj Dios te ya x'ac'bot yu'uninique,

San Mateo 13:16

“Yan te ja'exe, bin nax me awutsilic, te melel ya awilic ta asitic, soc ya awaiyic stojol ta achiquinic.

San Juan 20:28

La yal te Tomase: —¡Cajwal cu'un! ¡Dios cu'un! —xi'.