San Juan 20:28 - Bible in Tzeltal de Oxchuc y Tenejapa

²⁸ La yal te Tomase: —¡Cajwal cu'un! ¡Dios cu'un! —xi'.

Nuevo Testamento Tzeltal de Amatenango

²⁸ La yal te jTomase: —¡Kajwal kuꞌun! ¡Dios kuꞌun! —xchi.

Bible in Tzeltal Bachajón

²⁸ La sjac' te Tomás: ¡Cajwal, Dios cu'un! xchi.

San Juan 20:28 Referans Kwoze

San Juan 1:1

Ta xjajch'ibal ay te C'opile. Te C'opile jun ay soc te Diose, soc ja' nix Dios te C'opile.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

San Mateo 14:33

Jich te mach'atic ayic ta barcoe la squejan sbaic ta stojol te Jesuse. Jich la yalic: —Melel nix a te ja'at Snich'anat te Diose —xiic.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

San Lucas 24:52

Soc la squejan sbaic ta yich'el ta muc'. Jich ay bayal sbujts' yo'tanic te sujt'ic bael ta Jerusalene.

Isaías 25:9

Te bi c'aalil ya xc'ot ta pasele, jich me ya yalic: “Ja' Dios cu'untic, ja' la smuc'ulin co'tantic melel ja' ya scoltayotic stuquel. Binuc nax me co'tantic, bujts'najuc me co'tantic, melel ja' la scoltayotic stuquel”, xiic me.

San Juan 20:16

La yal te Jesuse: —¡María! —xi'. Te antse la sujt'es sba. La sc'opon ta hebreo-c'op: —¡Raboni! —xi'. (“Maestro”, xi' c'oem.)

San Juan 20:31

Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Salmos 45:6

Sbajt'el q'uinal awich'oj awat'el ta muc' ajwalil, stojil ya spasawanat ta mandal.

Salmos 45:11

Melel te muc' ajwalil ya smulanbat te at'ujbilale; ja' yu'unatix, ja' yu'un, ya me ach'uunbey smandal.

San Juan 20:27

Soc la yalbey te Tomase: —La' me, ac'a tel te sbic'tal ac'abe. Ilbon awil te jc'abe. Soc ac'a tel ac'ab, ac'a ochel ta bay jmoch. Ma me chebuc awo'tan. Ch'uuna me —xi'.

San Juan 20:29

Jesús la yalbey: —Tomás, la xch'uunix awo'tan yu'un te la awilonixe. Bin nax me yutsilic te mach'atic ya xch'uune, manchuc teme ma ba ya yilonique —la yut.