San Juan 20:21 - Bible in Tzeltal de Oxchuc y Tenejapa

²¹ Jesús la yal xan: —Muc'ubenuc me q'uinal ya awaiyic. Jich te bit'il la sticunon tel te Jtate, ja' nanix jich ta jticunex uuc te ja'exe —xi'.

Nuevo Testamento Tzeltal de Amatenango

²¹ Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

Bible in Tzeltal Bachajón

²¹ Cha'halbotic xan yu'un te Jesús: Lamaluc me q'uinal yac awa'iyic. Hich te bin ut'il la sticonon tal te Tatil, ha nix hich ya jticonex bahel, xchi sc'oblalic.

San Juan 20:21 Referans Kwoze

San Juan 13:20

Te mach'a ya yic' ta stojol te mach'a jticuneje, jo'on la yic'onix ta stojol abi. In te mach'a ya yic'on ta stojole, ja' la yiq'uix ta stojol uuc te Mach'a la sticunon tele —xi' te Jesuse.

San Juan 3:17

Ma ja'uc la sticun tel Snich'an ta balumilal yu'un te ya yac' ta lajel yu'un smulic te ants-winiquetique. Ja' la sticun tel yu'un te ya scoltaye.

Hechos 1:8

Ja'uc me to, te ja'exe ya me awich' awu'elic te c'alal ya xjul ta awentaic te Ch'ul Espiritue. Jich me testigo ya xc'oex cu'un ta Jerusalén soc ta spamal sq'uinal Judea soc ta sq'uinal Samaria soc ta bayuc ta spamal te balumilale —xi'.

2 Timoteo 2:2

Spisil te bila calojbat awaiy ta stojol tsobol testigoetique, ja' me xawac'bey snopic uuc te winiquetic te jun yo'tanic ta stojol Dios, te ya xju' yu'unic yaq'uel ta nopel ta stojol uuc te yantique.

San Mateo 10:40

“Te mach'a ya yiq'uex ta snae, jo'on la yic'onix ta sna uuc, soc te mach'a ya yic'on ta snae, ja' la yiq'uix ta sna uuc te Mach'a sticunejon tele.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

San Juan 14:27

“Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.

Hebreos 3:1

Jich yu'un, quermanotac te ch'ultesbilexe soc te pajal ic'bilex yu'un te Diose, swenta yu'un ya yu'uninex, ja' me ac'a bajt'uc ta awo'tanic sna'el te Cristo Jesús te ja' mero Jpuc-c'op soc te ja' Muc' Sacerdote cu'untic te jch'uunejtique.

San Juan 20:19

Ja' nix te sba c'aalil semana te stsoboj sbaic ta ajc'ubal te jnopojeletique. Smacoj sbaic ta na scaj te ya xi'ic te judioetique. Te Jesús tal stejc'an sba ta yolilic, soc la yal: —Muc'ubenuc me q'uinal ya awaiyic —xi'.

San Lucas 24:36

Yacalic to ta yaanel a te teq'uel julel ta yolilic te Jesuse. [Jich la yal: —Muc'ubenuc me q'uinal ya awaiyic —xi'.]

San Juan 20:22

Patil la sjujch'iy soc la yalbey: —Ic'aic te Ch'ul Espiritue.

San Juan 20:26

Ta swaxaquebal c'aal ta patil stsoboj sbaic yan buelta ta na te jnopojeletique. Tey sjoinejiquix a te Tomase. Macal ta lec yu'unic te ti'nailetique, ja'uc me to, teq'uel julel ta yolilic te Jesuse. Jich la yal: —Muc'ubenuc me q'uinal ya awaiyic —xi'.

Hechos 1:2

ja' to c'alal te ic'ot moel ta ch'ulchane. Te c'alal ma to xbajt' ta ch'ulchane, la spas ta mandal ta swenta te Ch'ul Espíritu te jpuc-c'opetic te tsabil yu'une.

3 Juan 1:14

Melel jnopoj te ya xtal quilat ta orae, jich me ya x'ayanotic soc ya quilbey jba sitic.