San Juan 2:19 - Bible in Tzeltal de Oxchuc y Tenejapa

¹⁹ La yal te Jesuse: —Jinaic in templo to. Ta oxeb nax c'aal ya jcha'pas xan ta yach'il —xi'.

Nuevo Testamento Tzeltal de Amatenango

¹⁹ Te Jesuse la sjakꞌtalanbe: —Jimaik te mukꞌul templo to y ta oxeꞌ nax kꞌaal ya jpas xan ta achꞌ —xchi.

Bible in Tzeltal Bachajón

¹⁹ La sjac' te Jesús: Jinahic ha'i templo ini, ta oxeb c'ahc'al ya jcha'pas xan, xchi.

San Juan 2:19 Referans Kwoze

San Marcos 14:58

—Te jo'otique caiyojtic stojol te jich la yale: “Jo'on ya jin in templo to te pasbil ta c'abale. Ta oxeb nax c'aal ya jpas yan te ma ta c'abaluc ya yich' pasele”, xi' ta yalel la caiytic —xiic.

San Marcos 15:29

Te mach'atic yacalic ta c'axel tey a, la sjimulay sjolic ta slabanel: —¡E, ilawil xcal! Ya awal te ya ajin te templo soc te oxeb nax c'aal ya acha'pas xan ta ac'ope.

San Mateo 27:40

—Ja'at te ya ajin te templo soc te oxeb nax c'aal ya acha'pas xan ta ac'ope, coltaya aba atuquel. Teme melel te ja'at Snich'anat te Diose, coan tel ta cruz —xiic ta slabanel.

San Mateo 12:40

Melel te Jonase ain ta xch'ujt' muc'ul ballena-chay oxeb c'aal soc oxeb ajc'ubal. Ja' nanix jich uuc te Nich'anile ya me x'ain ta muquenal oxeb c'aal soc oxeb ajc'ubal.

Romanos 8:11

Soc teme nainem ta awo'tanic te Espíritu te la xcha'cuxes tel ta bay animaetic te Cristo Jesuse, ja' nanix jich te abaq'uetalic te ya xlaje, ya xcuxin ta swenta te Espíritu te nainem ta awo'tanique.

Hechos 3:15

Jich la amilic te mach'a J'ac'cuxlejale, ja'uc me to, Dios la xcha'cuxes tel ta bay te animaetique. In te jo'otique, ja' testigootic yu'un.

Hechos 2:32

Ja' bi ja' te Jesuse, te cha'cuxesot tel yu'un te Diose. In te jo'otique, jpisiltic testigootic yu'un te jich c'ot ta pasele.

Hechos 2:24

Ja'uc me to, Dios la xcha'cuxes tel te la scoltay loq'uel ta bay xc'uxul te lajele, melel te lajele, ma xju' te jc'axel ya yu'unine.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

Romanos 6:4

Melel te bit'il la quich'tic ja'e, tey la join jbatic ta muquel c'oem soc a. Jich nix te bit'il la yich' cha'cuxesel te Cristo ta bay te animaetic ta swenta yutsil yu'el te Jtatic Diose, jich me ya quich'tic yach'il jcuxlejaltic uuc.

San Juan 11:25

Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

San Marcos 8:31

Te Jesús jajch' yac'bey sna'ic stojol te jnopojeletic yu'un te puersa ya xc'ax bayal swocol: —Te Nich'anile xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetic soc te jts'ibojometique. Ya me x'ac'ot ta lajel yu'unic, soc ya xcha'cux tel ta yoxebal c'aal —xi'.

Colosenses 2:12

Yu'un la awich'ic muquel soc Cristo te bit'il ac'botex awich'ic ja'e. Soc la awich'ic cha'cuxesel soc te Cristoe, yu'un ach'uunejic te bit'il Dios la xcha'cuses tel ta yu'el ta bay animaetic te Cristoe.

1 Corintios 15:12

Te bit'il ja' yacotic ta xcholel te cha'cux tel te Cristoe, ¿bit'il ay a te ya awalic cha'oxtulex te ma'yuc te cha'cuxele?

Romanos 4:24

Jo'otic jc'oplaltic uuc te toj ya yilotic Dios teme ya jch'uuntic te Mach'a la xcha'cuxes tel ta bay animaetic te Cajwaltic Jesuse.

Hechos 3:26

Te Dios la stsa te Yabate, soc la sticun tel ta atojolic, Dios la xcha'cuxes tel swenta yu'un ya yac'botic te bendicione, ja' te ya yac'botic quijq'uitaytic spasel te bila amene —xi' te Pedroe.

San Juan 5:19

Te Jesús caj yalbey yaiyic: —Jamal ya calbeyex, te Nich'anile ma'yuc bila ya spas ta stuquel nax te bila ya sc'an te yo'tane. Ja' ya spas te bila ya yil te ya spas te Tatile, ja' nix ya spas uuc te Nich'anile.

San Mateo 27:63

Jich la yalbeyic: —Ajwalil, ya jna'tic te la yal te lo'laywanej te c'alal cuxul toe: “Ta patil ya xcha'cuxon tel ta yoxebal c'aal”, te xie.

San Mateo 16:21

Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

Hechos 6:14

Soc caiyojtic stojol te la yal te ja' ya sjin in templo to te Jesús te Nazarete, soc ya syantesbotic te costumbreetic cu'untic te la yalbotic jilel te Moisese —xiic.