San Juan 2:13 - Bible in Tzeltal de Oxchuc y Tenejapa

¹³ Nopolix yorail q'uin Pascua yu'un te judioetique. Jich te Jesuse mo bael ta Jerusalén.

Nuevo Testamento Tzeltal de Amatenango

¹³ Nopolix yorail a te skꞌin Pascua yuꞌun te juriyoetike, te Jesuse bajt ta Jerusalen.

Bible in Tzeltal Bachajón

¹³ Nopol sta yorahil Q'uin Pascua yu'un te judíohetic, hich mo bahel ta Jerusalén te Jesús.

San Juan 2:13 Referans Kwoze

San Lucas 2:41

Te sme'-stat te Jesuse c'aemic ta jujun ja'wil te ya xbajt'ic ta spasel q'uin Pascua ta Jerusalén.

San Juan 11:55

Nopolix yorail a te q'uin Pascua yu'un te judioetique. Neelajemic bael ta Jerusalén tsobol judioetic ta juju-jpam lum, swenta yu'un ya xba yac' sbaic ta utstesel ta stojol Dios neeluc te bit'il ya xjajch' spasic te q'uin Pascuae.

San Juan 2:23

Te bit'il ay ta Jerusalén ta yorail q'uin Pascua te Jesuse, bayal mach'a la xch'uun yo'tanic ta swenta yu'un la yilic te señaetic te yac ta spasele.

San Juan 6:4

Nopolix yorail te q'uin Pascua yu'un te judioetique.

San Juan 5:1

Patil la sta yorail q'uin yu'un te judioetique. Jich cha'mo xan bael ta Jerusalén te Jesuse.

Deuteronomio 16:16

“Spisil te winiquetic puersa me ya xtal stejc'an sbaic oxeb buelta ta stojol Cajwaltic Dios ta jujun ja'wil, tey me ta yawil te banti tsabil yu'un te Cajwaltique, ta yorail te q'uinetique: te q'uin yu'un Waj te ma ba yich'oj levadura, te q'uin yu'un Semanaetic, soc te q'uin yu'un Nailwamal. Ma me ayuc jtuluc te jochol sc'ab ya xtal stejc'an sbaic ta stojol te Cajwaltique.

Nehemías 13:8

Mero ma ba la jmulan te jich c'ot ta pasele. Ja' yu'un la jloq'uesbey tel ta yutil cuarto te biluquetic yu'un Tobías.

San Mateo 21:12

Te Jesús och bael ta templo. La sten loq'uel spisil te mach'atic yacalic ta chonbajel, manbajel tey a. La sbot'q'uinbey smesaic te jel-taq'uinetique, soc snactijib te mach'atic yacalic ta xchonel te stsumute.

San Marcos 11:15

C'otic ta Jerusalén. Och ta templo te Jesuse, soc caj sten loq'uel te mach'atic yacalic ta chonbajel manbajel tey a. La sbot'q'uinbey smesaic te jel-taq'uinetique, soc la sbot'q'uinbey snactijib te mach'atic yacalic ta xchonel te stsumute.

San Lucas 19:45

C'alal och ta templo te Jesuse, jajch' sten loq'uel te mach'atic yacalic ta chonbajel soc ta manbajel tey a.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.