San Juan 19:38 - Bible in Tzeltal de Oxchuc y Tenejapa

³⁸ Ta patil ay jtul winic José sbiil te talem ta ch'in lum Arimatea. Ja' nix jnopojel yu'un te Jesuse. Ja'uc me to, muquen ay, yu'un xi'oj te judioetique. Te José ba yalbey wocol te Pilato te yacuc yich'bey bael sbaq'uetal te Jesuse. Te Pilato la yac' permiso. Jich te José ba yich'bey bael sbaq'uetal te Jesuse.

Nuevo Testamento Tzeltal de Amatenango

³⁸ Ay jtul winik Jose sbiil, te talem ta chꞌin jtejklum Arimatea, te ay ta jnopojel yuꞌun Jesus. Pero mukul nax ay, yuꞌun ya xiꞌ te statal juriyoetike. Te Josee ba skꞌanbe permiso te jPilatoe te yauk yichꞌbe bael stiꞌbalul te Jesuse. Te jPilatoe la yakꞌ permiso, y te Josee ba yichꞌbe bael stiꞌbalul te Jesuse.

Bible in Tzeltal Bachajón

³⁸ Ta patil, te José talem ta Arimatea, te ha jnopojel yu'un Jesús, pero muquen sch'uhunej yu'un la xi' te judíohetic, ha la sc'ambe te Pilato te yacuc yich'be bahel sbaq'uetal te Jesús; te Pilato la ya'be. Hich la yich'be bahel te sbaq'uetal te Jesús.

San Juan 19:38 Referans Kwoze

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Filipenses 1:14

Jteb ma spisiluc quermanotactic te toyol yo'tanic ta yalel sc'op Dios yu'un te bit'il ayon ta chuquele. Ma xiwic ta yalel, soc ay stulanil yo'tanic ta swenta te Cajwaltique.

San Juan 7:13

Ja'uc me to, muquen yacalic ta yalel, scaj te ya xi'ic te judioetique.

San Juan 12:42

Ay tsobol jwolwanejetic te la xch'uunic te Jesuse, ja'uc me to, ma la yal sbaic scaj te la xi'ic te fariseoetique, yu'un ma sc'anic te ya yich'ic loq'uesel ta sinagogae.

San Juan 9:22

Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

Hechos 13:29

Te c'alal la sc'otesiquix ta pasel spisil te bila ts'ibubil jilel sc'oplal ta Sjun te Diose, la scojt'esic ta cruz te sbaq'uetale soc la smuquic.