San Juan 19:35 - Bible in Tzeltal de Oxchuc y Tenejapa

³⁵ Te mach'a la yil te bila c'ot ta pasele ja' testigo yu'un. Ma slotuc te bila ya yale. Soc sna'oj te melel te bi ya yale, swenta yu'un ya me ach'uunic te ja'exe.

Nuevo Testamento Tzeltal de Amatenango

³⁵ Te machꞌa la yil te jicha kꞌot ta pasele jaꞌ testigo yuꞌun. Ma slotuk te tut ya yale. Sok snaꞌoj te batsꞌi jich te tut ya yale, yuꞌun jich me ya achꞌuunik a te jaꞌexe.

Bible in Tzeltal Bachajón

³⁵ Te mach'a la yil yac yalbel ta testigo-c'op, soc mero melel te bin ya yal ta testigo-c'op; sna'oj te melel bin ya yal, scuenta yu'un hich nix yac ach'uhunic a te ha'exe.

San Juan 19:35 Referans Kwoze

San Juan 21:24

Ja' nix te jnopojel te la xcholix tel ta spisil soc te la sts'ibuyix ochel ta june. Jna'ojtic stojol te melel spisil te bila ts'ibubil jilel yu'une.

San Juan 15:27

Te ja'exe ya me awalbonic ta jamal jc'oplal ta testigo uuc, melel la ajoinonic ta xjajch'ibal to tel —xi' te Jesuse.

1 Pedro 5:1

Ta ora to ya jtac'uy te ancianoetic awu'unique, yu'un pajal ancianoon soc. Soc jo'on la quil ta jsit te bit'il c'ax swocol te Cristoe, soc pajal me ya quil utsilal soc te ancianoetic te c'alal ya xchicnaj tel ta patil te Cristoe.

Romanos 15:4

Spisil te bila la yal te Sjun Diose, ja' la yich' ts'ibuyel yu'un te ya sp'ijubtesotique. Swenta yu'un ya xchicnaj ta ilel te ayix smuc'ul q'uinal ya caiytic ta swenta, jich jun co'tantic ya jmaliytic.

Hechos 10:39

Jo'otic testigootic yu'un spisil te bila la spas Jesús ta bay sq'uinal te judioetique soc ta Jerusalén. Ja'uc me to, la smilic ta jijp'anel ta cruz-te'.

San Juan 20:31

Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

1 Juan 5:13

La jts'ibubeyex in to, ja'ex te ach'uunejic te sbiil te Snich'an Diose, swenta yu'un jich me ya ana'ic stojol te ay acuxlejalic sbajt'el q'uinal.

San Juan 19:26

Te c'alal Jesús la yil te sme'e, soc uuc te jnopojel te bayal c'ux sba ta yo'tan soque, la yalbey te sme'e: —Jme'tic, ilawil te awale —xi'.

San Juan 14:29

Neel me la calbeyex jilel, swenta yu'un jich me ya ach'uunic te c'alal jich ya xc'ot ta pasele.

San Juan 11:42

Jna'oj stojol te spisil ora ya awaiybon stojol te jc'ope. Ja'uc me to, ya cal ta scaj te bayal mach'atic sepoj sbaic li'to, yu'un jich me ya xch'uunic te ja'at la aticunon tele —xi'.

San Juan 11:15

ja'uc me to, ay sbujts' co'tan yu'un te ma'yucon tey a, yu'un jich me ya ach'uunonic a te ja'exe. Ya xba quiltic —xi'.

3 Juan 1:12

Yan te Demetrioe, lec ay sc'oplal yu'unic ta spisilic stuquel, soc jich ya yal uuc te smelelil c'ope. Soc jo'on testigoon yu'un uuc in to. Ja'ex ya ana'ic stojol te bit'il smelelil te bi ya cale.