San Juan 19:28 - Bible in Tzeltal de Oxchuc y Tenejapa

²⁸ Te Jesús sna'oj stojol te spisil ju'ix yu'une. Soc jich la yal swenta yu'un ya xc'ot ta pasel te bila ts'ibubil ta Sjun te Diose: —Taquin co'tan —xi'.

Nuevo Testamento Tzeltal de Amatenango

²⁸ Te Jesuse snaꞌoj te spisil a juꞌix yuꞌun ta pasele. Yuꞌun jich ya xkꞌot ta pasel a te tut tsꞌibabil jile, la yal: —Takin koꞌtan —xchi.

Bible in Tzeltal Bachajón

²⁸ Patil, te bin ut'il sna'oj Jesús te spisil hu'emix ta pasel, la yal: Taquin co'tan, xchi, scuenta yu'un hich ya xc'oht ta pasel a te bin ya yal te Shun Diose.

San Juan 19:28 Referans Kwoze

Salmos 69:21

La yac'bonic veneno ta jwe'el; soc te c'alal taquej co'tan, la yac'bonic cuch' vinagre.

Salmos 22:15

Taquinix que jich bit'il te taquin xejt'el oxom; slap'ojix sba cac' ta yutil que. La awac'on coel ta muquel ta yawil te lajele.

San Juan 19:30

Te c'alal la sts'ub te vinagre te Jesuse, jich la yal: —Ju'ix cu'un —xi'. La stinan sjol soc loc' xch'ulel.

San Lucas 22:37

Ya calbeyex te puersa ya xc'ot ta pasel te bila ts'ibubil jilel ta bay Sjun te Diose: “La sjoin ta ajtayel te jmulawiletique”, te xie. Ya me xc'ot ta pasel spisil te bit'il ts'ibubil jilel jc'oplale —xi' te Jesuse.

San Juan 19:24

Jich la yalbey sbaic: —Ma me jch'i'tic. Ja' lec ya jpastic ta número quiltic te mach'a ya xc'ot ta swentae —xiic. Jich c'ot ta pasel te bila ts'ibubil jilel ta Sjun te Diose: “La spucbey sbaic te jc'u'-jpaq'ue. La spasbeyic snumeroil ta na'el te mach'a ya xc'ot ta swenta te jc'u'e”, te xie. Jich nix la spasic te soldadoetique.

San Lucas 18:31

Te Jesús la yic' ta stojol stuquel nax te lajchaytul jnopojeletic yu'une soc la yalbey yaiyic: —Aiya awaiyic stojol: Yacotiquix ta moel bael ta Jerusalén. Tey me ya xc'ot ta pasel a te bit'il la sts'ibuyic jilel j'alwanejetic yu'un Dios te sc'oplal te Nich'anile.

San Juan 18:4

Te Jesús sna'oj stojol spisil te bila ya xc'ot te pasel ta stojole. Ja' neel la sjojc'obey: —¿Mach'a ya aleic? —la yut.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

Hechos 13:29

Te c'alal la sc'otesiquix ta pasel spisil te bila ts'ibubil jilel sc'oplal ta Sjun te Diose, la scojt'esic ta cruz te sbaq'uetale soc la smuquic.

San Lucas 9:31

Joytaybilic ta xojobil yutsilal Dios. Yacalic ta yaanel ta yoxebalic te bit'il ya xc'ax swocol ta lajel ta bay Jerusalén te Jesuse.

San Lucas 12:50

Ja'uc me to, puersa neel ya xtal tulan woclajel ta jtojol. Ayix jwocol ya caiy te bit'il yacon ta smaliyel te ya xc'ot ta pasele.

San Juan 4:34

Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

San Juan 17:4

“La caq'uix ta ilel awutsilal ta balumilal. Ju'ix ta pasel cu'un te bila la awac'bon jpase.

San Juan 19:36

Melel jich c'ot ta pasel swenta yu'un ts'acal ya xc'ot ta pasel te bila ts'ibubil jilel ta Sjun te Diose: “Xujt' ma xyich' c'asel jch'ixuc sbaquel stuquel”, te xie.