San Juan 19:19 - Bible in Tzeltal de Oxchuc y Tenejapa

¹⁹ Te Pilato la yal mandal ta ts'ibuyel: “JESUS TE NAZARETE, MUC' AJWALIL YU'UN TE JUDIOETIQUE”, xi' te ts'ibubile. La yaq'uic ta jol cruz.

Nuevo Testamento Tzeltal de Amatenango

¹⁹ Te jPilato la yal mantal te ya xba kꞌojbek jilel jun letrero ta sjol te kruse te jich ya yale: “Jesus yuꞌun Nazaret, Rey yuꞌun te juriyoetike”, xchi te letreroe.

Bible in Tzeltal Bachajón

¹⁹ Ay bin la yac' ta ts'ihbayel te Pilato te la yich' lap'el ta sjol te cruz, te hich la yal: JESÚS NAZARENO, AJWALIL YU'UN JUDÍOHETIC, xchi.

San Juan 19:19 Referans Kwoze

San Mateo 27:37

Soc la slejch'anbeyic ta bajel ta sjol te cruz te bay ts'ibubil te bila smulineje: “IN TO JA' TE JESÚS TE MUC' AJWALIL YU'UN TE JUDIOETIQUE”, xi' te ts'ibubile.

San Lucas 23:38

Soc la slejch'anbeyic ta bajel ta sjol cruz te bila ts'ibubil ta griego, ta latín, soc ta hebreo-c'op: “JA' IN TO JA' TE MUC' AJWALIL YU'UN TE JUDIOETIQUE”, xi' te ts'ibubile.

San Marcos 15:26

Soc la yaq'uic ta sjol cruz welel ch'ujte' ta bay ts'ibubil te bi swentailuc te ac'ot ta lajele: “MUC' AJWALIL YU'UN TE JUDIOETIQUE”, xi' te ts'ibubile.

San Juan 19:14

Nopol staix olil c'aal a te bi c'aalil te ya xchajban sbaic yu'un te Pascuae. Te Pilato la yalbey te judioetique: —Ilawil te muc' ajwalil awu'unique —xi'.

Hechos 3:6

La yal te Pedroe: —Ma'yuc plata soc ma'yuc oro cu'un te ya cac'bate. Te bila ay cu'une, ja' me ya cac'bat. Ta swenta sbiil te Jesucristo te Nazarete, jajch'an, beenan —xi' te Pedroe.

San Juan 19:21

Jich te jwolwanej-sacerdoteetic yu'un te judioetique ba yalbeyic te Pilatoe: —Te manchuc jich la awac' ta ts'ibuyele: “Muc' Ajwalil yu'un te judioetique”. Ja' lec te jichuc la awac' ta ts'ibuyele: “Ja' te mach'a la scuy sba ta Muc' Ajwalil yu'un te judioetique”, te xiuque —xiic.

San Juan 19:12

Te Pilato tey jajch' snop te bi ya yut ya scoltay baele. Yan te judioetique la yalic ta aw: —Teme ya acoltay baele, yu'un nanix ma junuc awo'tan ta stojol a te César. Melel te mach'a ya scuy sba ta muc' ajwalile, ja' scontroinej te Césare —xiic ta aw.

San Juan 19:3

Jich la yalbeyic: —¡Viva! ¡Mero muc' ajwalilat cati yu'un te judioetique! —xiic ta labanwanej. Soc la spac'beyic ta majel te yelawe.

San Juan 18:33

Te Pilato sujt' ochel ta Pretorio. La yic' tel sc'opon te Jesuse. Jich la yalbey: —¿Ja'at bal Muc' Ajwalilat yu'un te judioetique? —xi'.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

Hechos 26:9

“Ta neelal la jcuy te ya sc'an controinel te Jesús te Nazarete.

San Mateo 2:23

Jich c'o ainuc ta lum Nazaret te ay ta sq'uinal Galilea. Jich c'ot ta pasel te bila yaloj te j'alwanejetic yu'un Dios te ja' Nazaret sbiil ya xc'ot te Jesuse.

San Lucas 18:37

La yalbeyic te ja' te Jesús te Nazarete te yac ta c'axele.