San Juan 19:15 - Bible in Tzeltal de Oxchuc y Tenejapa

¹⁵ Cajic ta aw: —¡Bajt'uc ta milel! ¡Bajt'uc ta milel! ¡Mila ta cruz! —xiic ta aw. La yal te Pilatoe: —¿Ya bal stac' ya cac' ta milel ta cruz te muc' ajwalil awu'unique? —xi'. Te jwolwanej-sacerdoteetic la yalic: —Ma'yuc yan muc' ajwalil cu'untic, ja' nax stuquel te Césare —xiic.

Nuevo Testamento Tzeltal de Amatenango

¹⁵ Pero te juriyoetike lijkik ta aw: —¡Bajtuk ta milel! ¡Bajtuk ta milel ta krus! —xchiik. Te jPilato la sjojkꞌolanbe: —¿Me ya wan spas ya kakꞌ ta milel ta krus te rey awuꞌunike? —xchi. Te stataletik yuꞌun te saserdoteetike la sjakꞌbeyik: —Te joꞌotike maꞌyuk yan rey kuꞌuntik, jaꞌ nax te César te ay ta Romae —xchiik.

Bible in Tzeltal Bachajón

¹⁵ Pero la yalic ta aw: ¡Loc'uc! ¡Loc'uc! ¡Ac'a yich' milel ta cruz! xchihic. Halbotic yu'un te Pilato: ¿Ha bal ya cac' ta milel ta cruz te Ajwalil awu'unique? xchi. La sjac' te principal sacerdotehetic: Mayuc yan ajwalil cu'uncotic, ha nax stuquel te César, xchihic.

San Juan 19:15 Referans Kwoze

San Lucas 23:18

Spisil te lume maj nax awunic: —¡Bajt'uc ta milel me winic to! ¡Ja' me xacoltaybotic bael te Barrabase! —xiic ta aw.

Hechos 22:22

Te c'alal la yaiyic stojol in to te jich la yal te Pabloe, jajch'ic ta aw: —Bajt'uc ta milel te winique. Ma snujp'in te cuxul ta q'uinale —xiic ta aw.

Hechos 21:36

melel ts'acalic tel ta spatic spisil te lume. Yacalic ta aw ta spisilic: —¡Bajt'uc ta milel! —xiic ta aw.

San Juan 19:6

C'alal ilot yu'un te jwolwanej-sacerdoteetic soc te policiaetique, jajch'ic ta aw, jich la yalic: —¡Mila ta cruz! ¡Mila ta cruz! —xiic ta aw. La yal te Pilatoe: —Ic'aic bael jiche. Baan, milaic ta cruz atuquelic. Melel te jo'one ma'yuc smul la jtabey —xi'.

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

San Juan 18:31

La yal te Pilatoe: —Ic'aic bael te ja'exe. Baan, chajbanaic ta swenta te mandalil awu'unique —la yut. La yalic te judioetique: —Te jo'otique ma'yuc ta jwentatic te ay mach'a ya cac'tic ta lajele —xiic.

San Mateo 22:17

Ala caiytic te bit'il c'oem ta awo'tan. ¿Ya bal stac' te ya jtojtic jpatantic yu'un te Cesare o ma stac'? —xiic.

Hechos 13:28

Jich la sc'anbeyic te Pilato te ya yal mandal te ya yich' milel, manchuc teme ma'yuc smul la stabeyic te ya xju' ya x'ac'ot ta lajel yu'un.