San Juan 19:11 - Bible in Tzeltal de Oxchuc y Tenejapa

¹¹ Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

Nuevo Testamento Tzeltal de Amatenango

¹¹ Jich te Jesuse la sjakꞌbe: —Maꞌyuk awaꞌtel kuꞌun te manchuk yakꞌojbeyat awaꞌtel te Diose. Jaꞌ yuꞌun te machꞌa la yakꞌon entregale, jaꞌ mas ay smul stukel ke te jaꞌate —xchi.

Bible in Tzeltal Bachajón

¹¹ Jesús la yalbe: Mayuc awa'tel ta jtojol te manchuc a'bilat ta toyol. Ha yu'un te mach'a la yac'on ta ac'ab c'ax hich smul a stuquel, xchi.

San Juan 19:11 Referans Kwoze

Romanos 13:1

Spisil ants-winiquetic junuc me yo'tan ac'a xch'uunbeyic smandal te ajwaliletic te yich'oj yat'elique. Melel ja' ta swenta Dios te ay ajwaliletique, soc ja' nix Dios te ac'otic ta ajwalil yu'un te mach'atic yich'oj yat'elique.

San Juan 3:27

Te Juan jich la yal: —Ma'yuc jtuluc winic te ay bila ya xc'ot ta swenta spasel teme ma ja'uc ya x'ac'bot spas yu'un te Diose.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

Daniel 4:17

Ja' te castigo la yaq'uic j'il-q'uinal ch'ul abatetic in to, swenta yu'un spisil me winiquetic ya sna'ic te ja' Dios mero toyol ay yip yu'el ta stojolic te chajbalchajp ajwaliletic ch'ich'-baq'uetetique. Ja' ya yac' ochel ta ajwalil te mach'a ya sc'an yo'tane, ya yac' ochel ta jwentainwanej ta stojol jun nación te mach'a mero peq'uele, ja' te mero peq'uel yu'un te winiquetique’, xi' sc'op te j'il-q'uinal ch'ul abate.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

San Juan 7:30

Yo'tan c'an stsaquic ta ora, ja'uc me to, ma'yuc mach'a yal sc'ab, yu'un ma to xc'ot te yoraile.

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

Daniel 4:25

Te ja'at muc' ajwalil, ya me awich' pijt'esel ta stojol te ants-winiquetique, ya me xba ajoin ta nainel chambalametic. Ya me alo' wamaletic jichuc wacaxetic. Ya me yajts'esbat abaq'uetal te ts'ujule. Jich me ya x'ainat juqueb ja'wil tey a, muc' ajwalil, ja' to teme c'ot ta awo'tan te ay yip yu'el te Dios ya x'at'ej ta stojol ajwaliletic te ch'ich'-baq'uet naxe, soc te ja' nax stuquel ya yac' ochuc yat'el ta ajwalil te mach'a ya sc'an ya yac' ochel stuquele.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Santiago 4:17

Te mach'a ya sna' spasel te bila leque, teme ma jichuc la spase, ja' mulil abi.

Romanos 11:36

Te melel spisil te bitic aye, ja' yu'un. Ja' nix spasoj spisil, soc ja' swentainej stuquel. Ja' ac'a chicnajuc yutsilal ta bayuc sbajt'el q'uinal. Jichuc.

Hechos 4:28

Jich la spasic spisil te bila neel to chapal ta awo'tan te puersa jich ya xc'ot ta pasele.

San Mateo 27:2

Jich la xchuquic bael. C'o yac'beyic ta sc'ab te Gobernador Poncio Pilato.

Salmos 62:11

Ma junuc nax buelta caiyoj te jich yaloj te Diose: te yu'el soc te c'uxul-o'tanile ja' yu'un stuquel. Soc ja' ya yac'bey stojol sc'abic, chican te bila spasojic ta juju-jtul.

San Marcos 14:44

Te Judas te ac'awan ta c'abale, la yalix tel ta be te bila seña ya yac'bey yilic a te Jesuse. —Te mach'a ya xc'o jbujts'iye, ja' me abi. Tsacaic me ta ora. Chucaic bael ta lec —xi'.

Daniel 5:21

La yich' loq'uesel ta stojol te ants-winiquetique, la yich' c'atp'unel, pajal soc chambalam c'ot. Ja' la sjoin ta nainel te ja'mal burroetique. La slo' wamal jichuc wacaxetic, ajts'esot yu'un ts'ujul ta scojt'ol te sbaq'uetale, ja' to te la sna' te ja' nax te Dios mero toyol te ay yu'el ta stojol ta spisil te ajwaliletic ta balumilal, soc te ja' ya stojtes te mach'a ajwalil ya sc'an yo'tan ya stojtese.

Daniel 4:32

Ya me awich' loq'uesel ta yolil te ants-winiquetic, ya me xbaat ta nainel soc chambalametic. Ya me alo' wamal jichuc wacax. Jich me ya x'ainat juqueb ja'wil tey a, ja' to me teme c'ot ta awo'tan te ay yip yu'el ta stojol spisil nacionetic ta balumilal te Dios mero toyole, soc te ja' stuquel te ya yac'bey yat'el ta ajwalil te mach'a ya sc'an ya yac' ochele —xi'.

San Juan 18:3

Jich te Judas tal soc te jtijc' soldadoetique soc uuc te policiaetic yu'un te templo te ticunbilic tel yu'un te jwolwanej-sacerdoteetic soc te fariseoetique. Chapalic tel soc slámparaic soc sc'ajq'uic soc yat'ejibic.

San Juan 9:41

Jesús la yalbey yaiyic: —Te yu'unuc ma'situquexe, ma'yuc amulic te jichuque. Ja'uc me to, ya awalic te jamal asitique, ja' ma xch'ay amulic yu'un —xi' te Jesuse.

San Lucas 22:53

Melel jujun c'aal la joinex ta templo. Ma ba yal ac'abic ta jtojol. Ja'uc me to, la staix yorail te ya xju' awu'unic soc yip te ijc' q'uinale —xi' te Jesuse.

Daniel 4:35

Ta stojol stuquel, mero ma'yuc swentail te mach'atic ayic ta balumilale. Ja' me ya spas ta ch'ulchan soc ta balumilal te bila ya sc'an ya spase. Ma'yuc mach'a ya xju' yu'un ya scombey te yu'ele; ma'yuc mach'a ya xju' yu'un ya sjojc'obey bi yu'un jich ya spas.

Lamentaciones 3:37

Te c'alal ay bila ya x'alot, c'alal ay bila ya xc'ot ta pasel, yu'un me ja' smandal te Cajwaltique.

San Mateo 26:65

Te muc' sacerdote la xch'i' sc'u' yu'un te bila la yal te Jesuse. Jich la yal: —La stoybac'optayix te Diose. ¿Bistuc xan yan testigoetic cu'untic? Ta ora to la awaiybeyiquix stojol te stoyba c'ope.

Salmos 39:9

“La jcom jba, ma ba la jam que jichuc uma', melel ja'at jich la apasbon.

1 Crónicas 29:11

Cajwal, awu'un atuquel te ich'el ta muc', te awu'el, te xojobil awutsilal; atuquel ya xmandalajat soc atuquel ay awat'el. Melel spisil bitic ay ta ch'ulchan soc te bitic ay ta balumilal, ja'at awu'un. Atuquel ay awat'el ta mandalteswanej, cajalat yu'un spisil, Cajwal.

San Juan 18:13

Jich neel la yiq'uic bael ta stojol Anás te snialmamal te Caifase. Ja' ay ta muc' sacerdoteil te Caifás ta swenta te ja'wile.

San Juan 19:10

La yal te Pilatoe: —¿Bi yu'un te ma xajac'bon te jc'ope? ¿Yu'un bal ma x'ana' stojol te quich'oj cat'el te ya xju' ya cac'at ta lajel ta cruz soc te ya xju' ya jcoltayat baele? —xi'.