San Juan 18:33 - Bible in Tzeltal de Oxchuc y Tenejapa

³³ Te Pilato sujt' ochel ta Pretorio. La yic' tel sc'opon te Jesuse. Jich la yalbey: —¿Ja'at bal Muc' Ajwalilat yu'un te judioetique? —xi'.

Nuevo Testamento Tzeltal de Amatenango

³³ Te jPilatoe sujt ochel te ba spalasio. La yik te Jesuse y la sjojkꞌobe: —¿Me jaꞌat te Reyat yuꞌun te juriyoetike? —xchi.

Bible in Tzeltal Bachajón

³³ Hich te Pilato suht ochel ta palacio, la yic' tal sjoc'obe te Jesús: ¿Ha'at bal Ajwalilat yu'un te judíohetique? xchi.

San Juan 18:33 Referans Kwoze

San Juan 19:12

Te Pilato tey jajch' snop te bi ya yut ya scoltay baele. Yan te judioetique la yalic ta aw: —Teme ya acoltay baele, yu'un nanix ma junuc awo'tan ta stojol a te César. Melel te mach'a ya scuy sba ta muc' ajwalile, ja' scontroinej te Césare —xiic ta aw.

San Juan 19:3

Jich la yalbeyic: —¡Viva! ¡Mero muc' ajwalilat cati yu'un te judioetique! —xiic ta labanwanej. Soc la spac'beyic ta majel te yelawe.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Juan 12:13

Jich yu'un la sbojtilayic tel yabenal palmera. Jich loc' staic ta be te Jesuse. Jich la yalic ta aw: —¡Jelawen yutsil! ¡Bin nax yutsil te mach'a talem ta swenta te Cajwaltique! ¡Bin nax yutsil te Muc' Ajwalil yu'un te Israele! —xiic ta aw.

San Marcos 15:2

Te Pilato la sjojc'obey yaiy te Jesuse: —¿Ja'at bal Muc' Ajwalilat yu'un te judioetique? —xi'. La yal te Jesuse: —Jich te bit'il la awale —xi'.

San Mateo 27:11

Te Jesús la yich' tejc'anel ta stojol te Gobernador. Jich jojc'obot yu'un: —¿Ja'at bal Muc' Ajwalilat yu'un te judioetique? —xi'. La yal te Jesuse: —Ja'at te jich la awale —xi'.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

1 Timoteo 6:13

Ta ora to ya jpasat ta mandal ta stojol Dios te yac'ojbey xcuxlejal spisil te bitic aye, soc ta stojol Jesucristo te jamal la yal sba ta stojol te Poncio Pilatoe.

San Juan 19:9

Cha'och bael ta Pretorio. Jich la yalbey te Jesús: —¿Banti talemat? —xi'. Te Jesús ma la sjac'.

San Juan 12:15

“Ma me xiwat, lum yu'un Sión. Ilawilic, talix te Muc' Ajwalil awu'unique. Ya me awil cajal ya xtal ta ch'in burro te ja' yal te me' burrae”, te xie.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

Sofonías 3:15

Te bit'il chapal ac'oplal te ya awich' castigo, la slajinbeyix sc'oplal te Cajwaltic, soc la stenix bael te acontrotaque. Te Cajwaltic, te Muc' Ajwalil yu'un Israel, ay me ta awolilic; ma'yuc bila amen ya axi'ic.

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

San Mateo 27:27

Jich te soldadoetic yu'un te Gobernador la yiq'uic ochel Jesús ta bay yutil cuartel. La yiq'uic tel stejc'anic ta stojolic ta stijq'uil te soldadoetique.

San Lucas 23:2

Tey la yalic a te bila smulinej ta sc'opique, jich la yalic: —Ja' in winic to, ya sjajch'es c'op ta spamal te nación cu'untique. Ya scomotic ta stojel te patan yu'un César. Soc ya yal sba te ja' Cristo te muc' ajwalile —xiic.

San Juan 18:34

La yal te Jesuse: —¿Ja'at nax bal ya awal atuquel, o yu'un bal ay yantic te yalojbat jc'oplale? —xi'.

San Juan 18:38

La yal te Pilatoe: —¿Bila a te melele? —xi'. C'alal laj yo'tan ta yalel in to te Pilatoe, loc' bael ta sc'oponel xan te judioetique. Jich la yalbey yaiyic: —Xujt' ma'yuc smul la jtabey te winique.

San Juan 19:4

Te Pilato loc' xan tel. Jich la yal: —Ilawilic, ya me quic'beyex loq'uel awilic te winique. Tey me ya ana'ic stojol a te xujt' ma'yuc smul la jtabeye —xi'.