San Juan 18:28 - Bible in Tzeltal de Oxchuc y Tenejapa

²⁸ La yiq'uic loq'uel ta sna Caifás te Jesuse soc la yiq'uic bael ta stojol ajwalil ta bay Pretorio. Yaquix sacubel tel a te q'uinale. Te judioetic ma ba ochic bael ta bay te Pretorioe. Ja' la sna'ic te ma lecuc sc'oplalic ya xc'ot teme ya x'ochique. Jich ma xju' sti'ic te chij swenta q'uin Pascua.

Nuevo Testamento Tzeltal de Amatenango

²⁸ La yikꞌik lokꞌel te ba sna jCaifas te Jesuse, sok teꞌ ikꞌot bael te ba spalasio te gobierno romanoe. Ya sakubix tal a te kꞌinale. Te juriyoetike ma ochik bael te ba palasioe, yuꞌun la snaꞌik te ya xꞌixtaꞌa skꞌoplalik teme ya xꞌochike, y jich ma spas ya sweꞌik te weꞌelil yuꞌun te kꞌin Pascuae.

Bible in Tzeltal Bachajón

²⁸ La yiq'uic loq'uel ta sna Caifás te Jesús, la yiq'uic bahel ta pretorio. Yac ta sacubel q'uinal a, pero ma ba ochic bahel ta palacio scuenta yu'un ma ba ya sbohlobtes sc'oblalic, scuenta yu'un hich ya xhu' ya swe'ic a te Pascua.

San Juan 18:28 Referans Kwoze

San Juan 19:9

Cha'och bael ta Pretorio. Jich la yalbey te Jesús: —¿Banti talemat? —xi'. Te Jesús ma la sjac'.

San Juan 18:33

Te Pilato sujt' ochel ta Pretorio. La yic' tel sc'opon te Jesuse. Jich la yalbey: —¿Ja'at bal Muc' Ajwalilat yu'un te judioetique? —xi'.

San Juan 19:14

Nopol staix olil c'aal a te bi c'aalil te ya xchajban sbaic yu'un te Pascuae. Te Pilato la yalbey te judioetique: —Ilawil te muc' ajwalil awu'unique —xi'.

San Mateo 27:27

Jich te soldadoetic yu'un te Gobernador la yiq'uic ochel Jesús ta bay yutil cuartel. La yiq'uic tel stejc'anic ta stojolic ta stijq'uil te soldadoetique.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

San Juan 11:55

Nopolix yorail a te q'uin Pascua yu'un te judioetique. Neelajemic bael ta Jerusalén tsobol judioetic ta juju-jpam lum, swenta yu'un ya xba yac' sbaic ta utstesel ta stojol Dios neeluc te bit'il ya xjajch' spasic te q'uin Pascuae.

Hechos 11:3

Jich la yalbeyic: —¿Bistuc ochat ta sna te mach'a ma ba yich'oj circuncisione, soc bistuc la ajoin ta we'el? —la yutic.

Hechos 10:28

Jich te Pedro jajch' yalbey yaiyic: —Te ja'exe ya ana'ic stojol te ay mandalil cu'untic jo'otic te judiootic te ma xju' ya join jbatic soc te mach'a jyanlum, ni ya xju' ya x'ochotic ta sna. Ja'uc me to, Dios la yac'bonix jna' stojol te ma xju' cal te ma lecuc sc'oplal jtuluc ants-winic soc ma xju' ya quilay.

San Juan 18:39

Te ja'exe costumbre awu'unic te ya jcoltay bael jtul jchuquel ta yorail te q'uin Pascuae. ¿Ya bal ac'anic te ja' ya jcoltay bael te mach'a Muc' Ajwalil yu'un te judioetique? —xi'.

Miqueas 2:1

Ya me yil swocolic te mach'atic ayic ta swayibic te ya snopilay ta yo'tanic te muliletique. Te c'alal ya sacub q'uinal, ya xc'ot ta pasel yu'unic, melel ay yipic ta spasel.

Deuteronomio 16:2

“Ta yorail te Pascua, ya me awaq'uic tat chijetic o toroetic, ya me amilbeyic smajt'anin te Cajwaltic te Dios cu'untique. Tey me ya amilic ta yawil te banti stsaoj te Cajwaltique.

San Lucas 22:66

Ta sacubel q'uinal la stsob sbaic ta Muc'ul Tsoblej te principaletic yu'un te lume soc te jwolwanej-sacerdoteetic soc te jts'ibojometique. La yiq'uic tel ta stojolic te Jesuse. Jich la sjojc'obeyic:

San Marcos 15:16

Jich te soldadoetique la yiq'uic ochel ta yutil yamac'ul sna te ajwalile, te Pretorio sbiile. La yiq'uic tel stijq'uil te soldadoetique.

Ezequiel 45:21

Ta xchanlajunebal c'aal te sbabial u, ya me xjajch' apasic te q'uin Pascua. Juqueb me c'aal ya awe'ic waj te ma ba yich'oj levadura.

Proverbios 4:16

Melel ma sc'an slaman sbaic ja' to teme la spasic te bila amen ta pasele; asta ma ba ya xtal swayelic, teme ma'yuc mach'a ya yaq'uic yaluque.

Proverbios 1:16

Melel yac'ojic puersa ta spasel te bila amene; sujoj sbaic ta smalel ch'ich'.

Salmos 35:16

La yac'bonic c'axuc jwocol, la slabanonic; la yac' tel sit yilbelonic, bayal slab yo'tanic.

San Juan 18:13

Jich neel la yiq'uic bael ta stojol Anás te snialmamal te Caifase. Ja' ay ta muc' sacerdoteil te Caifás ta swenta te ja'wile.

San Juan 18:15

Te Simón Pedro soc te yan jnopojele, la sts'aclinic bael te Jesuse. Te yan jnopojele na'bil sba yu'un te muc' sacerdotee, jich la sjoin ochel Jesús ta bay yamac'ul sna te muc' sacerdotee.

San Juan 19:11

Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

Hechos 4:27

“Jich nix la spas a te Herodese soc te Poncio Pilatoe. La stsob sbaic li'to ta lum soc te jyanlum winiquetique soc uuc te jlumaltique. La scontroinic te Ach'ul-nich'ane te ja' te Cristo awu'une.

Hechos 10:32

Jich yu'un ticuna ta iq'uel ta lum Jope te Simón te Pedro yan sbiile, te smajanejbey sna te yan Simón te jc'a'tesej-nujc'ule te ay sna ta nopol ti'mar. [Te c'alal ya xtale, ay me bi ya yalbat]”, la yuton.