San Juan 18:20 - Bible in Tzeltal de Oxchuc y Tenejapa

²⁰ Jesús la yalbey: —Jamal c'opojon ta comonsitil ta stojol spisil te ants-winiquetique, melel la caiy p'ijubteswanej ta sinagogaetic soc ta templo te banti ya stsobilay sbaic spisil te judioetique. Ma'yuc bila muquen la cal.

Nuevo Testamento Tzeltal de Amatenango

²⁰ Te Jesuse la yalbe: —Jamal a kal ta sitil komon ta stojol spisil te genteetike, bayal buelta a nojpeswanon te ta sinagogaetik sok ta templo te ba ya stsobilan sbaik spisil te juriyoetike. Ma mukuluk a nojpeswanon.

Bible in Tzeltal Bachajón

²⁰ La sjac' te Jesús: Ta comonsitil la jc'opon te mach'atic ayic ta bahlumilal. Spisil ora la jca'iy p'ijubteswanej ta sinagoga soc ta Templo ta banti ya stsob sbahic spisil te judíohetique, mayuc bin muquen la jcal.

San Juan 18:20 Referans Kwoze

San Juan 7:26

Ilawil, jamal nax yac ta c'op, pero ma'yuc jtuluc mach'a bi ya yalbey. ¿Yu'un bal c'ot ta yo'tanic te jwolwanejetic cu'untic te ja' Cristo in winic to?

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

Isaías 48:16

Noptsajanic tel ta jtojol, aiya awaiyic stojol: C'alal ta xjajch'ibal, ma'yuc bay muquen a c'opojon; soc te c'alal c'ot ta pasel spisil, tey ayon a. Jich yu'un ta ora yo'tic te jo'on Ajwalilon la cac'beyix te cu'ele, soc la jticunix bael —xi' te Cajwaltique.

San Lucas 21:37

Jujun c'aal la yaiy p'ijubteswanej ta templo te Jesuse. Ta ajc'ubal ba wayuc ta bay Wits Olivailtic.

San Juan 7:4

Ma'yuc mach'a muquen te ya x'at'ej teme ya sc'an ya xna'bot sba ta bayuque. Te bila ya xju' ta pasel awu'une, pasa ta comonsitil ta stojol spisil te lume —xiic.

San Lucas 4:15

La yaiy p'ijubteswanej ta bay sinagogaetic ta juju-jpam lum. Spisilic bin nax yo'tanic yu'un ta bayuc.

San Mateo 26:55

Jich la sc'opon te mach'atic te talemic ta tsacawe: —¿Yu'un bal j'elec'on te tal atsaconic soc apuñalic soc ate'ic? Melel jujun c'aal nacalon ta p'ijubteswanej ta templo ta awolilic te jo'one. Ma la atsaconic tey a.

San Mateo 9:35

Te Jesús la yocliy spisil te muc'ul lumetique soc te ch'in lumetique. La yaiy p'ijubteswanej ta sinagogaetic ta juju-jpam lum. La xcholbey yaiyic te lec yach'il c'op te bit'il ay ta ajwalinel te Dios te ay ta ch'ulchane. Soc la slamantesbey biluc nax chameliluc te ay ta sbaq'uetalique, soc spisil ta jchajp te bila ay xc'uxule.

Isaías 45:19

Ma ba muquen ya xc'opojon ta bay ijc' q'uinal. Ma yu'unuc ya calbey te mach'atic sts'umbal Jacob: “Tey me ya aleon a te banti ma'yuc bi ay”, ma xoocon. Jo'on Ajwalilon smelelil ya xc'opojon, ja' ya cal te bila stojile —xi'.

San Juan 8:26

Soc ay to bayal ac'oplalic te ya calbeyexe soc sc'oplal uuc te awat'elique. Te mach'a la sticunon tele melel te bi ya yale. Te bi ya cal li'to ta balumilale, ja' nix te bila caiyoj stojol yu'une —xi'.

San Juan 8:2

Ta yan c'aal ta sab cha'tal xan ta templo. Spisil lum noptsajic tel ta stojol. Jich la snajc'an sba. Jajch' ta p'ijubteswanej.

San Juan 7:28

Te c'alal yac ta p'ijubteswanej ta templo te Jesuse, tulan caj ta c'op: —¿Melel bal te ya ana'bon jba soc te ya ana' te banti talemone? Ja'uc me to, ma jtuquel-o'tanuc te talemone. Ja' ticunbilon tel yu'un te mach'a smelelil ya xc'opoje te ma x'ana'beyic sbae.

San Juan 7:14

Te q'uine col oliluc ayix a te och bael ta templo te Jesuse. Tey jajch' ta p'ijubteswanej a.

San Mateo 26:65

Te muc' sacerdote la xch'i' sc'u' yu'un te bila la yal te Jesuse. Jich la yal: —La stoybac'optayix te Diose. ¿Bistuc xan yan testigoetic cu'untic? Ta ora to la awaiybeyiquix stojol te stoyba c'ope.

Hechos 26:26

Te muc' ajwalil Agripa te nacal li'to, sna'oj stojol spisil in to. Ja' swentail te jamal co'tan yacon ta c'op ta stojole. Melel xcal te yaiyoj stojol spisil in to, melel ma muquenuc te bay c'ot ta pasele.

San Mateo 24:26

Jich yu'un teme ay mach'a jich ya yalbeyexe: “Ilawil, ayix ta jochol q'uinal”, teme xie, ma me xbaex tey a. O teme ya yalic: “Li' ayix to ta yutil na”, teme xie, ma me xach'uunic.

Salmos 40:9

La caq'uix ta nopel ta stojol spisil te lum awu'une te bila mero stojil ta pasele. Ja'at ana'oj ta lec, Cajwal, te ma'yuc bi ora quejch'ajemon ta c'ope.

Salmos 22:22

Ya me calbat ac'oplal ta stojol te quermanotac; ya me calbat yutsil ac'oplal ta bay te tsoblej yu'unique.

San Marcos 8:32

Ja' la yal ta jamal ta stojolic. Jich te Pedro la yic' bael ta q'uejel jtebuc, soc la scom te manchuc jich ya xc'ot ta pasele.

San Juan 6:59

Jich la yal ta p'ijubteswanej te Jesús ta bay sinagoga te ay ta lum Capernaúm.

San Juan 18:21

¿Bi yu'un te jo'on ya ajojc'obonique? Ja' ac'a yalbeyex te mach'atic la yaiyboniquix stojol te jc'ope. Ja' sna'ojic te bila calojixe —xi'.