San Juan 17:19 - Bible in Tzeltal de Oxchuc y Tenejapa

¹⁹ Ta spasemal co'tan jc'axel ya cac' jba ta swentaic, swenta yu'un jich me ch'ultesbil yo'tanic yu'un te bila melele.

Nuevo Testamento Tzeltal de Amatenango

¹⁹ Y ta skajik jmel nax ya kakꞌ jba ta lajel yuꞌun jich me ya xꞌuꞌunimbot yoꞌtanik yuꞌun te tut batsꞌi jiche.

Bible in Tzeltal Bachajón

¹⁹ Ha ta scuentahic te la jch'ultes jba, scuenta yu'un hich ch'ultesbil ya xc'ohtic ta scuenta te smelelil c'ope.

San Juan 17:19 Referans Kwoze

Hebreos 2:11

Melel te mach'a Jch'ulteswaneje soc te mach'atic la yich'ic ch'ultesele, jun nax Static ta spisilic. Ja' swentail te Snich'an Dios ma ba ya xq'uexaw ta yalel te ja'ic te yermanotaque.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

San Juan 17:17

Ac'a u'uninbotuc yo'tanic yu'un te bila melele. Te bila melele ja' te ac'ope.

1 Corintios 1:2

ya jpatbeyex awo'tanic ja'ex te jch'uunjelex ta lum Corinto, te ch'ultesbilex ta swenta te Cristo Jesuse. Dios la yiq'uex, swenta yu'un ya xch'ultesex soc spisil te mach'atic ayic ta bayuc te ya yalbeyic wocol te Cajwaltic Jesucristoe, te pajal cajwalinejtic soque.

2 Timoteo 2:10

Jich yu'un spisil me ya sts'ijc' cu'un ta scaj te mach'atic tsabilic yu'un te Diose, swenta yu'un jich me ya staic scolelic soc te yutsilal sbajt'el q'uinal ta swenta te Cristo Jesuse.

1 Tesalonicenses 4:7

Melel ma ja'uc la yic'otic Dios yu'un te ja' ya cat'elintic spasel te mulile. Ja' la yic'otic Dios yu'un te jc'axel ya yutstesotic ta stojol.

2 Corintios 8:9

Melel ana'ojiquix te bit'il ay yutsil yo'tan te Cajwaltic Jesucristoe. Manchuc teme ay sc'ulejale, ta swenta xc'uxul yo'tan awu'unic te la sc'atp'un sba ta me'ba, swenta yu'un jich me ya yac'beyex ac'ulejalic ta swenta bit'il la yac' sba ta me'ba stuquel.

2 Corintios 4:15

Spisil te bila ya xc'ot ta jwentatic te jo'otique, swenta ac'uxtayelic te ja'exe, swenta yu'un ay me tsobol te ya x'ac'bot bendición yu'un te Diose soc ay me tsobol te ya yalic wocol yu'un te yutsilal te Diose.

Hebreos 9:26

Te jichuque bayal buelta la yac'ulayix sba ta lajel ta xjajch'ibal to tel balumilal te jichuque. Ja'uc me to, te bit'il slajibalix c'aale, jun nax buelta xtaluc te la yac' sba ta lajel ta xch'ayel jmultic te Cristoe.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

Hebreos 9:13

Te xch'ich'el toroetic soc te xch'ich'el tat tentsunetique soc te stanul te chic'bil alal me' wacaxe, ay nax yip ta yutstesel xcuxlejalic te ants-winiquetic ta balumilal teme ya yich'ic tsijts'anel ta utstesel a te sbaq'uetalique.

Isaías 62:1

Ta scaj xc'uxul co'tan awu'un, Sión, ma ba ya xch'abon ta c'op; ta scaj xc'uxul co'tan awu'un, Jerusalén, ma ba ya jcux co'tan ja' to me c'alal ya xojobaj awu'un te tsalawe, jich bit'il ya sacub tel te q'uinale, soc yac ta tilel jichuc tuchbil c'ajc' te acolele.

Hebreos 9:18

Ja' swentail te ay ch'ich' la sc'an la yich' malel ta swenta xchajbanel te sbabial tratoe.

San Juan 10:36

Jich yu'un teme tsabilon yu'un Dios te la sticunon tel ta balumilale, ¿bistuc ya awalbonic te yacon ta stoybac'optayel Dios a te bit'il la cal te ja' Snich'anone?

Jeremías 1:5

—C'alal ma to ayucat ta xch'ujt' ame' a, tsabilatix cu'un a; c'alal ma to x'ayinat a, na'bilatix cu'un a, te ya cac'at ta j'alwanej yu'un te nacionetique —la yuton.

San Juan 15:3

Te ja'exe utstesbilexix ta swenta te jc'op la calbeyexe.

San Juan 15:13

Ma'yuc mach'a c'ax jich ay xc'uxul yo'tan bit'il te mach'a ya yac' sba ta lajel yu'un te mach'a jun yo'tan sba soque.

San Juan 17:20

“Ma ja'uc nax ya calbat wocol yu'un te mach'atic xch'uunejone, ja' ya calbat wocol yu'un uuc te mach'atic patil ya xch'uunonic ta swenta bi ya xcholic te mach'atic xch'uunejonixe.

2 Corintios 7:14

La calbey te Titoe te mero lec te awo'tanique. Ma la jta q'uexlal yu'un te bila la calbeye. Jich bit'il smelelil te bila la calbeyexe, jich ma lotiluc spisil te bila la calbey te Titoe, te bin nax co'tan awu'unique.

Colosenses 1:6

Ja' nix in c'op to te julemix ta atojolique, ta ora to pujq'uemix ta bayuc ta spamal te balumilale. Yaquix ta sit ta bayuc, jich te bit'il jajch' sitinuc ta awolilic uuc ja'ex te c'alal la awaiyic stojol te bit'il ay yutsil yo'tan cu'untic ta mero melel te Diose.

1 Juan 3:3

Spisil mach'a yac ta smaliyel te jich ya xc'ote, ac'a me yutstes te yo'tane, jich te bit'il yo'tan te Jesucristoe.

1 Juan 3:18

Cal-jnich'nab, ma me sbauc nax jti'tic ya jmulantic yalel te c'ux ya caiy jbajtique. Ac'a me chicnajuc ta cat'eltic te bit'il c'ux ya caiy jbajtic ta melele.

Números 7:15

jcojt' toro; jcojt' tat chij; jcojt' chij jun ya'wilal, te ya yich' aq'uel ta spisilic ta swenta majt'anil te scojt'ol ya yich' chiq'uele;