San Juan 17:17 - Bible in Tzeltal de Oxchuc y Tenejapa

¹⁷ Ac'a u'uninbotuc yo'tanic yu'un te bila melele. Te bila melele ja' te ac'ope.

Nuevo Testamento Tzeltal de Amatenango

¹⁷ Lekutesbeya yoꞌtanik yuꞌun te tut batsꞌi jiche; te tut a te batsꞌi jiche jaꞌ te akꞌope.

Bible in Tzeltal Bachajón

¹⁷ Ch'ulteslana ta scuenta te smelelil c'op; ha smelelil c'op te ac'ope.

San Juan 17:17 Referans Kwoze

San Juan 15:3

Te ja'exe utstesbilexix ta swenta te jc'op la calbeyexe.

Salmos 119:160

Te ac'op ts'acal ya yal te bila smelelil; toj sbajt'el q'uinal stuquel te bitic achajbanej ta awo'tane.

Efesios 5:26

Jich la spas swenta yu'un ya xch'ultes soc ya spoc ta ja' ta swenta te sc'ope.

San Juan 17:19

Ta spasemal co'tan jc'axel ya cac' jba ta swentaic, swenta yu'un jich me ch'ultesbil yo'tanic yu'un te bila melele.

San Juan 8:32

Jich me ya ana'ic te bila melele. In te bila melele, ja' ya yaq'uex ta libre —xi'.

Santiago 1:21

Jich yu'un ijq'uitayaic te bila ilaybile soc spisil ta jchajp te bila amen ta pasele. Peq'ueluc me xawac' abaic ta yaiyel stojol te sc'op Dios te ya yich' ts'unel ta awo'tanic soc te ya xcol ach'ulelic yu'une.

2 Tesalonicenses 2:13

Jich yu'un, quermanotac, ya sc'an ya calbeytic wocol Dios ta awentaic, te c'uxex ta yo'tan te Cajwaltique, te bit'il xjajch'ibal to stsaojex Dios yu'un te ya xcolexe. Ja' ta swenta te Espíritu te ya xch'ultesbeyex awo'tanique, soc ja' ta swenta te ay xch'uunjel awo'tanic yu'un te smelelil c'ope.

Salmos 119:11

Cac'oj ta co'tan te ac'ope swenta yu'un ma jta jmul ta atojol a.

Efesios 4:21

teme melel te awaiyojbeyiquix stojol sc'oplal soc teme la awich'iquix p'ijubtesel ta swenta, jich te bit'il ay sc'oplal ta mero melel te Jesuse.

Salmos 119:9

¿Bit'il ma'yuc smul ya xbeen te quereme? Ja' to teme ya xch'uun spasel te bila ya yal te ac'ope.

Salmos 119:104

Te mandaliletic awu'un la jtaix sp'ijil jol yu'un; ja' swentail te ya quilayix spisil te lotil at'elile.

Salmos 12:6

Te bitic yaloj te Cajwaltic, ma'yuc bi scapoj ta alel; jich yutsil c'oem te bit'il mero lequil plata, te juqueb buelta lecubtesbil ta horno.

San Lucas 8:15

Yan te awalil te c'ot ta bay lequil lume, ja' sc'oplal te mach'atic jun nax yo'tanic ta yaiyel stojol te Sc'op Diose, soc te jc'axel ya yac' yo'tanic ta xch'uunel soc ma xchebaj yo'tanic. Ya me sitin ta yo'tanic ta lec c'oem te sc'op Diose.

2 Samuel 7:28

Ja'at Cajwal, ja'at Diosat, te mero smelelil te ac'ope, la awalbonix te awabaton te bayal ya ac'uxtayone.

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

Hechos 15:9

Pajal quileltic la yilotic soc te jyanlumetique, jich Dios la yutstesbey yo'tanic ta swenta te xch'uunjel yo'tanique.

San Lucas 8:11

“Jich ay swentail te seña-c'op te la calbeyexe: Te awalile ja' te sc'op Diose.

San Juan 8:40

Ja'uc me to, ya ac'an amilonic, manchuc teme la calbeyex te bila melel yac'ojbon quil te Diose. Te Abrahame ma'yuc jich la spas stuquel.

Salmos 119:144

Te mandaliletic awu'un toj ayic sbajt'el q'uinal stuquel; ac'bon jna', jich me ya xcuxinon.