Biblia Todo Logo
Bib sou entènèt

- Piblisite -




San Juan 16:33 - Bible in Tzeltal de Oxchuc y Tenejapa

33 La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

Gade chapit la Kopi

Nuevo Testamento Tzeltal de Amatenango

33 Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Gade chapit la Kopi

Bible in Tzeltal Bachajón

33 La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

Gade chapit la Kopi




San Juan 16:33
46 Referans Kwoze  

“Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.


Melel spisil mach'a ayinem ta swenta te Diose, ya stsal te balumilale. Ja' ya yaiy tsalaw ta swenta te xch'uunjel yo'tane.


Te Cajwaltic te lamal q'uinal ta swentae, ac'a slamantesbeyex awo'tanic ta spisil ora chican te bi awilelic ayexe. Ac'a sjoinex ta apisilic stuquel te Cajwaltique.


Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.


Te lamal q'uinal yu'un te Diose, c'ax jelawen yutsil stuquel a ta spisil te bila ay ta nopele, ac'a me scanantaybeyex awo'tanic soc te bila ya anopic ta swenta te Cristo Jesuse.


Aiyaic me tsalaw ta swenta te xch'uunjel awo'tanique. Na'aic me te jich nix yac ta c'oel ta pasel ta stojol te quermanotactic te ayic ta spamal balumilale.


Te Jesús la yal: —Ma me xawac' woclajuc te awo'tanique. Ch'uunaic te Diose, soc ch'uunawonic uuc te jo'one.


Ja' nanix jich ya me xc'ax swocolic ta uts'inel spisil te mach'atic yat'elinejic xch'uunel te Cristo Jesuse.


Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.


Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.


Ja' lec la yaiy te pajal ya yich' uts'inel soc te lum yu'un te Diose, soc ma la sc'an smulanbey yutsil che'oxebuc c'aal te bila swenta mulile.


La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.


Quermanotac, te bit'il caiyojtiquix stojol te ay xch'uunjel awo'tanic spisil orae, jich muc'ub q'uinal la caiytic ta awentaic, manchuc teme ay yo'bolil jbatic ta q'uinale soc teme ayotic ta uts'inele.


Te quermanotactique la stsaliquix ta swenta xch'ich'el te Alalchije soc ta swenta te sc'op Dios te la stejc'an sbaic ta testigo yu'une. Melel ma la xc'uxtay sbaic soc te xcuxlejalique. Jun nax yo'tanic la yac' sbaic ta lajel yu'un.


Soc ja' ta swenta Cristo te ya yac' junajuc ta stojol Dios spisil te bitic ay ta balumilale soc uuc te bitic ay ta ch'ulchane. Tey la yac' lamajuc q'uinal a ta swenta bit'il la smal xch'ich'el ta cruz.


Jelawen yutsil te Diose te Stat te Cajwaltic Jesucristoe. Ja' Jtatic uuc te bayal ya xc'uxtayotique, soc ja' Dios cu'untic te ya smuc'tes q'uinal caiytic spisil orae.


Lec ay, quermanotac, ayuc me sbujts' awo'tanic spisil ora. Antayaic me te lec ya xc'oexe. Muc'ubenuc me q'uinal ya awaiyic spisil ora. Junuc me awo'tan abaic soc lamaluc me q'uinal awu'unic. Ac'a sjoinex spisil ora te Diose, te lamal q'uinal ta swentae soc te bayal c'uxex ta yo'tan stuquele.


Yu'un te c'alal joinejtiquexe, jich la calbeyex te ya jtatic jwocoltic ta uts'inel, jich nix ana'ojic te bit'il yac ta c'oel ta pasel ta ora to.


Yan te jo'one, ma'yuc bi yan te toyol q'uinal ya caiy yu'une, ja' nax toyol q'uinal ya caiy yu'un stuquel te scruz te Cajwaltic Jesucristoe. Ja' ta swenta stuquel, te lajemix sc'oplal cu'un te balumilale, soc jich lajemonix ta stojol uuc te balumilale.


Mero jamal co'tan awu'unic soc toyol nax q'uinal ya caiy awu'unic. Bayal muc'uben q'uinal ya caiy awu'unic soc ay bayal sbujts' co'tan, manchuc teme bayal te uts'inele.


Jich yu'un te ja'ex winiquetic, ac'a smuc'ul awo'tanic, melel xch'uunej co'tan te spisil ya xc'ot ta pasel yu'un te Diose, jich nix te bit'il la yalbon te ch'ul abate.


Ya me yac' lamal-o'tanil stuquel. C'alal ya yochintay asiriaetic te jlumaltic soc te ya x'ochic ta muc'ul palacioetic cu'untic, ya me jticuntic bael ta yilbeyel sba soc juqueb jtsobwanejetic soc waxactul winiquetic te muc' sc'oplalique.


Dios cu'un, moat bael, ta mero toyol la awic' bael ta chuquel te jchuqueletique; la awich'bey spatan te ants-winiquetique, soc te mach'atic stoyoj sbaic la yac' sbaic ta atojol, Cajwal.


Ja' nix te Jesucristo te la yac' sba ta lajel yu'un te jmultique, swenta yu'un jich la yac'otic ta libre yu'un te bila amen ta balumilale, jich te bit'il ay sc'anjel yo'tan stuquel te Jtatic Diose.


Jich yu'un, lamal nax q'uinal la yaiyic spisil te jch'uunjeletic ta spamal sq'uinal Judea soc ta sq'uinal Galilea soc ta sq'uinal Samaria. Jich la sta yip yo'tanic ta lec soc la xi'ic spisil ora te Cajwaltique, soc esmajic xan ta swenta bit'il la yich'ic coltayel yu'un te Ch'ul Espiritue.


Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.


“¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.


Ja'uc me to, ya calbeyex ta ora to, ma me xamel awo'tanic, yu'un ma'yuc mach'a ya xlaj jtuluc. Ja' nax me ya xlaj stuquel te barcoe.


—¡Bin nax yutsil te Muc' Ajwalil te talemix ta swenta te Cajwaltique! ¡Lamalix q'uinal ta ch'ulchan! ¡Jelawen yutsil te Mach'a ay ta ch'ulchane! —xiic ta aw.


Ta ajc'ubal te Cajwaltique la stejc'an sba ta stojol te Pabloe. Jich albot yu'un: —Pablo, ac'a stulanil awo'tan. Jich te bit'il la awalbonix jc'oplal li'to ta Jerusalén, ja' nanix jich ya xc'o awalbon jc'oplal ta lum Roma —utot yu'un.


Jich te Abrahame la yac'bey jun ta slajunebal te biluc te la spoj tel te banti xc'otuc ta guerrae. Te Melquisedeque “muc' ajwalil te lec ya xchajbanwane”, xi' ta c'asesel te sbiile. Soc te bit'il ja' muc' ajwalil yu'un lum Salem, te “lamal q'uinal” xi' ta c'asesel sbiil te lume, jich “muc' ajwalil yu'un lamal q'uinal”, xi' sc'oplal.


Te castigo yu'un mulil, ja' te ya yich' castigo te ajwalil yu'un te balumilale.


Ay jtul winic tey a te chamen xchial yoc-sc'ab te la sq'uechic tel ta cajcante' ta stojol te Jesuse. C'alal la yil Jesús te bit'il ay xch'uunjel yo'tanique, jich la yalbey te jchamele: —Jnich'an, ac'a bujts'najuc awo'tan. Pasbilatix perdón yu'un te amule —xi'.


Ja'uc me to, wocol la yalbotic te Diose te spisil ora ya scoltayotic ta tsalaw ta swenta te Cristoe. Dios ya yac' ta puquel ta bayuc ta jwentatic te sc'oplal te Cristoe, jich bit'il te bila mero bujts'an nax yic' ya xbeen ta bayuque.


Ayix ta jwentatic te c'ulejalil te nojel ta pac'bil oxom te pasbil ta ajch'ale. Swenta yu'un jich ya xchicnaj te ja' nax ta swenta smuc'ul yu'el Dios te ay bila ya xju' cu'untique, ma ja'uc ta swenta te quiptique.


Jich yu'un ja' ya sc'an ya cac'beytic yilic spisil ants-winiquetic te bit'il abatotic yu'un te Diose, chican te bila ya xtal ta jtojoltique. Ya sc'an sts'ijc' cu'untic te uts'inele, te me'bale, soc te jwocoltique.


Ja'ex te me'il-tatilexe, jich la jts'ibubeyex in to, yu'un na'bilix sba awu'unic te mach'a stalel ay ta xjajch'ibale. Ja'ex te jch'iel ants-winiquexe, jich la jts'ibubeyex in to, yu'un tsalbilix awu'unic te pucuje. Ja'ex alaletic, jich la jts'ibubeyex in to, yu'un la ana'beyiquix sba te Tatile.


Te Cajwaltic la yijq'uitaybey swenta yu'un ya snopic guerra te mach'atic ma la yilic guerra ta neelale.


Swiv nou:

Piblisite


Piblisite