San Juan 16:15 - Bible in Tzeltal de Oxchuc y Tenejapa

¹⁵ Spisil te bila ay yu'un te Jtate, jo'on cu'un uuc. Ja' swentail te la calbeyex te ja' ya xc'ot ta swenta yalel te Espíritu te bila ya jc'an te ya cale, ja' me ya yac'beyex ana'ic stuquel.

Nuevo Testamento Tzeltal de Amatenango

¹⁵ Spisil te tut ay yuꞌun te jTate joꞌon kuꞌun euk. Jaꞌ yuꞌun la kalbeyex te jaꞌ te Espíritu ya xkꞌot ta skuenta yalel te tut ya jkꞌan ya kalbeyexe.

Bible in Tzeltal Bachajón

¹⁵ Spisil te bintic ay yu'un te Tatil, ha nix cu'un; ha scuentahil te la jcalbeyex te ya me yich' te bin ay cu'un, ha ya ya'beyex ana'ic.

San Juan 16:15 Referans Kwoze

San Juan 17:10

Spisil te bila ay cu'une, ja'at awu'un uuc. Te bila ay awu'une, ja' cu'un uuc. Soc te cutsilale ac'ot ta ilel ta swentaic.

San Juan 3:35

Te Tatile c'ux ta yo'tan te Snich'ane, ja' yac'ojbey ta sc'ab spisil te bitic aye.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

Colosenses 1:19

Melel te Cristoe yich'ojbey spisil te yutsilal te Tatile, yu'un jich la sc'an te Diose.

San Lucas 10:22

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna' stojol te mach'a a te Nich'anile. Ja' nax ya sna' stojol te Tatile. Soc ma'yuc mach'a ya sna' stojol te mach'a a te Tatile. Ja' nax ya sna' stuquel te Nich'anile, soc uuc te jayeb mach'a ya yac'bey sna'bey sbae —xi' te Jesuse.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

Colosenses 2:9

Melel te Cristoe ts'acal yich'ojbey stalel te Diose.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

Colosenses 2:3

Stuquel ay ta swenta spisil p'ijil-o'tanil soc spisil te bila ya sc'an ya jna'tic stojol te q'uejbil yu'un ta spisile.

San Juan 14:21

Te mach'a yich'ojbon te jmandale, soc teme ya xch'uune, ja' me te mach'a c'uxon ta yo'tane. Te mach'a c'ux ya yaiyon ta yo'tane, c'ux me ya x'aiyot yu'un uuc te Jtate. C'ux me ya caiy ta co'tan uuc, soc ya me cac' sna'bonic jba ta lec —xi' te Jesuse.