San Juan 15:6 - Bible in Tzeltal de Oxchuc y Tenejapa

⁶ Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

Nuevo Testamento Tzeltal de Amatenango

⁶ Te machꞌa ma jmeluk nax ya yakꞌ sba ta jtojole, ya me xchꞌojot lokꞌel ta jwera jich tutꞌil te skꞌab-kꞌab te ubae. Ya me xtakej te skꞌab-kꞌabe, y ya stsobot y ya yichꞌ chikꞌel ta kꞌajkꞌ.

Bible in Tzeltal Bachajón

⁶ Te mach'a ma ba jc'axel ya yac' sba ta jtojol, hich c'ohem te bin ut'il sc'ab te ya yich' ch'ayel loq'uel soc ya xtaquij; ya yich' tsobel ochel ta c'ahc', ya xlaj ta c'ahq'uel.

San Juan 15:6 Referans Kwoze

San Mateo 7:19

Spisil te' te ma lecuc site, ya yich' ts'etel. Ya me yich' chiq'uel ta c'ajc'.

San Juan 15:2

Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

San Mateo 13:41

Te Nich'anile, ya me sticun te ch'ul abatetic yu'une. Ya xba stsobic loq'uel te mach'atic ya syaleswanic ta mulile soc te mach'atic ya spasic bayal ta jten muliletique.

San Mateo 3:10

Pajal c'oemex soc te'etic te chapalix yechejul ta ts'etel c'alal ta yisim. Melel spisil ta pejt' te' te ma xyac' site, ya me yich' ts'etel soc ya me yich' ch'ojel ochel ta c'ajc'.

2 Pedro 2:20

Te mach'atic la sna'beyiquix sba te Jesucristoe te ja' Cajwaltic soc ja' Jcoltaywanej cu'untic stuquele, jich colemiquix loq'uel tey a ta bay sbolil te balumilale. Ja'uc me to, teme patil ya xcha'sujt'ic xan ta spasel te bila jil yu'unic ta neelale soc teme ya x'u'uninotic xan yu'une, c'axem to xan jich ya xbolobic a te bit'il ayic ta neelal toe.

Hebreos 10:27

Ja' xanix ya jmaliytic te castigo yu'un jmultic te xiweltic sbae, ja' bi ja' te chiq'uel ta c'ajc' te xumumet nax ta tilel ta slajinel spisil mach'atic scontroinejic te Diose.

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

Ezequiel 17:9

“Soc jich me xawalbey ta jwenta: “Jich la yal te Cajwaltique: ‘Te ts'usubiltic in to ma ba ya xjalaj. Te sbabial águila ya me sbulbey te yisime, soc ya me yac' lubajuc te site. Ma'yuc swocolil soc ma'yuc bayal winiquetic, ya xju' yu'un ya sbul soc yisim; ya me xtaquej spisil te yach'il spule.

Isaías 14:19

Yan te ja'ate, c'ubul ya xch'ojat loq'uel te muquenale, pajalat soc te bila amen te ilaybile, pajalat soc te mach'a lajem te pech'bil ta teq'uele. Tey ya xc'oat ta yolil ants-winiquetic te lajic ta milel ta lowel ta puñal, te ch'ojbilic bael ta xaab te nojel ta tonetique.

Salmos 80:15

Ja' te ts'usubil te ja'at nix ats'unoje; ja' te spul te ja'at nix la awac' ch'iuc ta lumq'uinale.

Job 15:30

Ma xju' ya scoltay sba ta stojol te ijc' q'uinale. Pajal soc te' te ya xchic'ot ta c'ajc' te spule, soc te ya x'eanot bael ta ic' te sniche.

San Mateo 27:5

Jich la xch'oj jilel ta yutil templo te taq'uine. Ba sjojc'an sba ta te' ta smilbel sba.

Isaías 27:10

Jinix jilel te lum te joytaybil ta tulan ts'ajq'ue, jich bit'il na te pijt'emix jilele, jich bit'il muc'ul jochol taq'uin q'uinal te ma'yuc yajwale. Ja' te bay ya sta swe'el te alaq'uil chambalametique, ja' te bay ya swe'ic te yabenal te' soc te bay ya smejts'an sbae.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

2 Samuel 23:7

Ja' to ya xju' ta tsaquel a teme ya jtsactic ta taq'uin, o ta lanza; jich ya yich'ic aq'uel ta c'ajc' swenta yu'un jc'axel me ya xlaj ta c'ajq'uel”, xi' te David.