San Juan 15:27 - Bible in Tzeltal de Oxchuc y Tenejapa

²⁷ Te ja'exe ya me awalbonic ta jamal jc'oplal ta testigo uuc, melel la ajoinonic ta xjajch'ibal to tel —xi' te Jesuse.

Nuevo Testamento Tzeltal de Amatenango

²⁷ Y te jaꞌexe jamal me ya awalbikon jkꞌoplal euk, porke ajoyinejikon kꞌalal ta slijkibal to tal —xchi te Jesuse.

Bible in Tzeltal Bachajón

²⁷ Ha nix hichex yac awalbonic jc'oblal, como ajoquinejonic c'alal ta shahchibal.

San Juan 15:27 Referans Kwoze

1 Juan 4:14

Jo'on testigoon soc te jo'taque, la quilbeytic sit te Jesucristo te ticunbil tel yu'un te Tatile, ja' te Snich'an Dios te Jcoltaywanej yu'un spisil te ants-winiquetique.

San Juan 21:24

Ja' nix te jnopojel te la xcholix tel ta spisil soc te la sts'ibuyix ochel ta june. Jna'ojtic stojol te melel spisil te bila ts'ibubil jilel yu'une.

San Lucas 24:48

Te ja'exe ja' me testigoex yu'un spisil te bila c'otix ta pasele.

Hechos 23:11

Ta ajc'ubal te Cajwaltique la stejc'an sba ta stojol te Pabloe. Jich albot yu'un: —Pablo, ac'a stulanil awo'tan. Jich te bit'il la awalbonix jc'oplal li'to ta Jerusalén, ja' nanix jich ya xc'o awalbon jc'oplal ta lum Roma —utot yu'un.

1 Pedro 5:12

Te quermanotic Silvano te jun yo'tan xch'uunej ya quil te Diose, la jmajanbey sc'ab soc yo'tan ta spasel in jun to. Tey la jtac'uyex a soc la cac'beyex ana'ic stojol te bit'il ay yutsil yo'tan ta mero melel te Diose. Jc'axel ainanic ta bay te xc'uxul yo'tane.

1 Pedro 5:1

Ta ora to ya jtac'uy te ancianoetic awu'unique, yu'un pajal ancianoon soc. Soc jo'on la quil ta jsit te bit'il c'ax swocol te Cristoe, soc pajal me ya quil utsilal soc te ancianoetic te c'alal ya xchicnaj tel ta patil te Cristoe.

Hechos 4:20

Melel ma xju' ya jcom jbatic ta yalel te bila quilojtique soc te bila caiyojtic stojole —xiic.

Hechos 1:8

Ja'uc me to, te ja'exe ya me awich' awu'elic te c'alal ya xjul ta awentaic te Ch'ul Espiritue. Jich me testigo ya xc'oex cu'un ta Jerusalén soc ta spamal sq'uinal Judea soc ta sq'uinal Samaria soc ta bayuc ta spamal te balumilale —xi'.

Apocalipsis 1:9

Jo'on Juanon te awermanoon te pajal ay ta jwentatic te woclajele soc te pajal ay ta jwentatic ya jointic ta ajwalil te Cristoe. Tey ac'bilon ta bay ch'in q'uinal te ay ta yolil mar te Patmos sbiile, ta scaj te sc'op Diose soc te jamal la cac' ta na'el te sc'oplal te Jesucristoe.

Apocalipsis 1:2

Ja' la yal ta testigo te Sc'op Diose. Ja' testigo yu'un uuc te Jesucristo ta swenta te bila ac'bot yile.

Hechos 18:5

Te c'alal julic te Silas soc te Timoteo te jilemic ta Macedonia, te Pablo ja' nax caj yat'elin yalel te lec yach'il c'ope. Jamal la yalbey te judioetic te ja' Cristo te Jesuse.

Hechos 13:31

Te Jesús bayal c'aal la yac'ulay sba ta ilel ta stojol te mach'atic la sjoinic loq'uel tel ta sq'uinal Galilea te c'alal bajt'ic ta Jerusalene. Ta ora to, ja'ic testigoetic yu'un te ya yalbeyic sc'oplal ta stojol te lume.

Hechos 4:33

Te jpuc-c'opetique ay bayal yipic ta yalel ta testigo te bit'il cha'cux tel te Cajwaltic Jesuse. Dios la yac'bey bendición ta c'axem to xan.

San Juan 19:35

Te mach'a la yil te bila c'ot ta pasele ja' testigo yu'un. Ma slotuc te bila ya yale. Soc sna'oj te melel te bi ya yale, swenta yu'un ya me ach'uunic te ja'exe.

Hechos 3:15

Jich la amilic te mach'a J'ac'cuxlejale, ja'uc me to, Dios la xcha'cuxes tel ta bay te animaetique. In te jo'otique, ja' testigootic yu'un.

San Marcos 1:1

Ja' xjajch'ibal te lec yach'il c'op yu'un Jesucristo te [Snich'an te Diose.]