San Juan 15:25 - Bible in Tzeltal de Oxchuc y Tenejapa

²⁵ Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

Nuevo Testamento Tzeltal de Amatenango

²⁵ Pero puersa jich ya xkꞌot ta pasel to te tut tsꞌibabil jilel te mantaliletik te yichꞌojike: “Maꞌyuk sluwaril te ya spꞌajikone”, xchi me.

Bible in Tzeltal Bachajón

²⁵ Te bin ut'il hich la spasic, yu'un hich ya xc'oht ta pasel a te bin ts'ihbabil hilel ta Ley yu'unic: Mayuc scuentahil te la sp'ajonic, te xchihe.

San Juan 15:25 Referans Kwoze

Salmos 109:3

Te sc'opic puro lab-o'tanil ta jtojol; ma'yuc swentail te ya yac'bonic guerra.

Salmos 69:4

Tsobolic te mach'atic ay slab yo'tanic cu'un te tojol naxe, c'ax jich yajtalul a te bit'il stsotsil jole; mero esmajix te jcontrotac, ja'ic te tojol nax ya sc'an ya slajinonique. Ya yac'bonic jsujt'es te bila quelc'anej ta sc'opique, pero ma'yuc bila quelc'anej.

Salmos 35:19

Ma me binuc nax yo'tanic ta jtojol te jcontrotaque; ma me sts'esitayon te mach'atic ma'yuc swentail te ya yilayonique.

San Lucas 24:44

La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

2 Corintios 11:7

Ma'yuc bi la jc'anbeyex xujt'uc te c'alal la jcholbeyex te lec yach'il c'op yu'un te Diose. ¿Ja' bal jmul ta ac'opic te jich peq'uel la cac' jbae swenta yu'un jich me ya xlecubex a te ja'exe?

Apocalipsis 21:6

Soc la yalbon xan: —Ju'ix cu'un. Jo'on Alfaon, jo'on Omegaon. Ayon ta xjajch'ibal soc ayon ta slajibal. Te mach'a taquin yo'tane, smajt'an me ya cac'bey yuch' te sloc'ja' te ya yac' cuxinele.

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

2 Tesalonicenses 3:8

soc ma jmajt'anticuc we'otic yu'un yan. Lubotic ta at'el ta c'aal ajc'ubal, yu'un ma la sc'an co'tantic te la cac'beyex awocolic jtuluc te ja'exe.

Gálatas 2:21

Ma ba ya jp'aj te yutsil yo'tan te Diose. Melel teme toj ya yilotic Dios yu'un spasel te bila ya yal te mandalile, jich tojol laj Cristo abi.

Romanos 3:24

Ja'uc me to, ta swenta yutsil yo'tan te Diose, ta majt'anil ya yac'otic ta libre yu'un jmultic, ta swenta bit'il la stojbotic jmultic te Cristo Jesuse.

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

San Juan 10:34

Te Jesús jich la yalbey yaiyic: —Ta bay te mandalil awu'unique ts'ibubil tey a te bit'il la yal te Diose te “ja'ex diosex”, te xie.

Salmos 7:4

¿Yu'un bal jpasoj te bila amen ta stojol te mach'a lec bila spasojbone? ¿Yu'un bal yacon ta sleel yuts'inel te jcontroe?

San Juan 19:36

Melel jich c'ot ta pasel swenta yu'un ts'acal ya xc'ot ta pasel te bila ts'ibubil jilel ta Sjun te Diose: “Xujt' ma xyich' c'asel jch'ixuc sbaquel stuquel”, te xie.

San Mateo 10:8

Soc ya me alamantesic jchameletic, soc jc'a'el-chameletic, soc ya me acuxesic animaetic, soc ya me aloq'uesic pucujetic. Ta majt'anil la cac'beyex; ac'aic ta majt'anil uuc.

San Juan 13:18

“Ma apisiluc te jich ya calbeyexe, melel na'bilix cu'un te mach'atic jtsaoje. Ja'uc me to, puersa ya xc'ot ta pasel te bi ts'ibubil ta Sjun te Diose: “Te mach'a pajal ya xwe'on soque, c'atp'ujix ta jcontro”, te xie.