San Juan 15:15 - Bible in Tzeltal de Oxchuc y Tenejapa

¹⁵ Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

Nuevo Testamento Tzeltal de Amatenango

¹⁵ Makꞌ ya kalbeyexix “kaj-aꞌtel”, porke te aj-aꞌtelile ma snaꞌ te tut ya spas te yajwale. Yan te jaꞌexe amigo ya kalbeyex, porke la kakꞌix anaꞌik spisil te tut yalojbon te jTate.

Bible in Tzeltal Bachajón

¹⁵ Ma ba ya calbeyex te ha a'batex cu'un, como te a'bat ma sna' bin ya spas te yajwale; pero la jcalbeyex te jun co'tan jbahtic, como spisil te bin la jca'iy ta stojol te Jtat la jca'beyex ana'ic.

San Juan 15:15 Referans Kwoze

Salmos 25:14

Te Cajwaltic ja' me sjoy te mach'a ya yich' ta muq'ue, soc ya me yac'bey sna' stojol te trato yu'une.

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

Santiago 2:23

Jich c'ot ta pasel te bila ts'ibubil jilel ta Sjun te Diose: “Te Abrahame la xch'uun te Diose, jich toj a c'ot ta stojol Dios yu'un”, te xie. Soc jich c'ot sc'oplal te Abrahame te ja' mero sjoy sba soc te Diose.

Colosenses 1:26

te ja' te c'op te muquen ay ta neelal to tel te ma'yuc ta na'el yu'un bayal ta jcum te ants-winiquetique. Ja'uc me to, la yac'botiquix jna'tic stojol te jayebotic te ch'ul lumotic yu'un te Diose.

Apocalipsis 1:1

Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.

Efesios 3:5

Melel ta namey q'uinal tel jtul ma'yuc mach'a ac'bot sna' stojol te bila muquen aye. Yan ta ora to, ac'botix sna'ic ta swenta Espíritu te ch'ul jpuc-c'opetique soc te j'alwanejetique.

Efesios 1:9

La yac'botiquix jna'tic stojol te sc'anjel yo'tan te muquen aye, ja' bi, ja' te bila la xchap stuquele.

San Juan 20:17

La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

2 Pedro 1:1

Jo'on Simón Pedroon, yabaton te Jesucristoe soc jpuc-c'opon yu'un. Ya jpatbeyex awo'tanic ja'ex te ay xch'uunjel awo'tanic, te jelawen yutsil jich te bit'il jch'uunejtique. Melel te Diose soc te Jcoltaywanej cu'untique, ja' te Jesucristoe, toj yo'tan stuquel.

Gálatas 4:6

Ta swenta te bit'il yal-snich'anex te Diose, la sticun tel ainuc ta awo'tanic uuc te Espíritu yu'un te Snich'ane. Ja' swentail te jich ya xc'opoje: “¡Abba, Jtat!”, xi' ta stojol te Diose.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Juan 8:26

Soc ay to bayal ac'oplalic te ya calbeyexe soc sc'oplal uuc te awat'elique. Te mach'a la sticunon tele melel te bi ya yale. Te bi ya cal li'to ta balumilale, ja' nix te bila caiyoj stojol yu'une —xi'.

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.

1 Pedro 1:11

La snopilayic mach'a a, soc te bi ora ya xc'ot ta pasel te bila la yal te Espíritu yu'un te Cristo te sjoinejique. La yalbey sc'oplal te bila woclajel ya yaiy te Cristoe, soc te bila utsilal ya sta ta patile.

Santiago 1:1

Jo'on Santiagoon, yabaton te Diose soc uuc te Cajwaltic Jesucristoe. Ya jpatbeyex awo'tanic ja'ex te lajchaychajbex te sts'umbalex Israel te pujq'uemex ta spamal balumilale.

Filemón 1:16

Ma jichuquix te bit'il amosoe, yu'un yan xan lec c'oemix ta ora to: Ja' awermanoix ta stojol Dios te bayal c'ux ta awo'tane. Te jo'one bayal c'ux ta co'tan ya caiy. In te ja'ate, ya sc'an te c'ax to xan jich c'ux ya awaiy ta awo'tan atuquel. Melel ma ja'uc nax awabat te winique, ja' awermanoix ta stojol te Cajwaltique.

San Juan 17:26

La cac'beyix sna'bat aba, soc ya to me cac'at xan ta na'el, swenta yu'un jich me ay xc'uxul yo'tanic ya xc'otic jich bit'il te xc'uxul awo'tan ta jtojole. Soc ya me x'ainon ta yo'tanic uuc —xi' ta sc'oponel Dios te Jesús.

San Juan 15:20

Juluc me ta awo'tanic bila la calbeyexe: “Ni jtuluc abat te cajal ya xc'ot ta stojol te yajwale”, te xoone. Teme la yuts'inon te jo'one, ya me yuts'inex uuc. Teme la yich'bonic ta muc' te jc'ope, jich nix ya yich'beyex ta muc' uuc te bila ya awalic te ja'exe.

San Juan 13:16

Jamal ya calbeyex, te abate ma ja'uc cajal ya xc'ot ta stojol te yajwale. Soc te mach'a ticunbil tel, ja' peq'uel sc'oplal ya xc'ot ta stojol te mach'a ticunwanej.

Judas 1:1

Jo'on Judason te abaton yu'un te Jesucristoe, soc ja' jbanquil te Jacoboe. Ya jpatbeyex awo'tanic ja'ex te ic'bilex yu'un te Jtatic Diose, soc te ch'ultesbilex yu'une, soc te canantaybilex yu'un te Jesucristoe.

Hechos 20:27

melel spisil la calbeyex ta jamal te bila chapal yu'un te Diose. Ma'yuc bila la jmuc ta co'tan xujt'uc.

San Juan 4:19

La yal te antse: —¡Tatic, j'alwanejat yilel yu'un te Diose!

San Lucas 10:23

Jich la sujt'es sba ta yilel te jnopojeletic yu'une, soc la yalbey yaiyic ta stuquelic nax: —Bin nax me yutsilic te mach'atic ya yilic ta sitic te bila yacalex ta yilele.

Proverbios 18:24

Ay nix jpat-jxujc'tic te ya xch'ay yutsil yo'tanic ta jtojoltique; ja'uc me to, ay jpat-jxujc'tic te bayal yutsil yo'tanic ta jtojoltic, c'ax jich a te bit'il mach'a jun jme'-jtatic soque.

San Juan 16:12

“Ay to bayal xan te bila c'an calbeyexe, ja'uc me to, ma to xju' awu'unic sna'el stojol ta ora to.

Romanos 7:15

Melel te bila ya jpase, ma c'oemuc ta co'tan, melel ma ja'uc ya jpas te bila lec ya sc'an te co'tane. Ja' ya xba jpas te bila ya yilay te co'tane.

1 Corintios 2:16

Melel jich ts'ibubil ta Sjun te Diose: “¿Ay bal mach'a ya sna' awaiy te bila ay ta yo'tan te Cajwaltique? ¿Ay bal mach'a ya xp'ijubtesot yu'un?”, te xie. Ja'uc me to, te jo'otique quich'ojbeytic sp'ijil yo'tan te Cristoe.