San Juan 15:14 - Bible in Tzeltal de Oxchuc y Tenejapa

¹⁴ Te jo'otique jun co'tan jbajtic teme ja' ya apasic te bila la calbeyex ta mandale.

Nuevo Testamento Tzeltal de Amatenango

¹⁴ Te jaꞌexe kamigoex, teme jaꞌ ya apasik te tut ya kalbeyex ta jmantale.

Bible in Tzeltal Bachajón

¹⁴ Jun me co'tan jbahtic teme yac apasic te bin ya calbeyexe.

San Juan 15:14 Referans Kwoze

San Mateo 12:50

Melel mach'auc a te ya spasbey sc'anjel yo'tan te Jtat te ay ta ch'ulchane, ja' quijts'inab soc ja' jme' c'oem —xi' te Jesuse.

1 Juan 5:3

Ja' in to, ja' xc'uxul co'tantic ta stojol Dios teme cat'elinejtic spasel te bi la yal ta mandale. In te smandal yalojbotique, ma ba wocol ta pasel.

Santiago 2:23

Jich c'ot ta pasel te bila ts'ibubil jilel ta Sjun te Diose: “Te Abrahame la xch'uun te Diose, jich toj a c'ot ta stojol Dios yu'un”, te xie. Soc jich c'ot sc'oplal te Abrahame te ja' mero sjoy sba soc te Diose.

San Juan 14:21

Te mach'a yich'ojbon te jmandale, soc teme ya xch'uune, ja' me te mach'a c'uxon ta yo'tane. Te mach'a c'ux ya yaiyon ta yo'tane, c'ux me ya x'aiyot yu'un uuc te Jtate. C'ux me ya caiy ta co'tan uuc, soc ya me cac' sna'bonic jba ta lec —xi' te Jesuse.

San Juan 14:15

“Soc teme c'uxon ta awo'tanique, ya me ach'uunbonic spisil te jmandale.

San Lucas 12:4

“Te bit'il jun ayotique, yo'tic ya calbeyex: Ma me ja'uc x'axi'ic te mach'a ya smilbeyex abaq'uetalic te patil ma'yuc bi ya xju' ya spasbeyex xane.

San Juan 13:17

Teme c'ot ta awo'tanique, bin nax me awutsil teme jich ya apasique.

Isaías 41:8

Te Cajwaltic ya yal: —Aiya awaiy stojol Israel, lum yu'un Jacob, te cabat te jtsaoj jtuquele, ja' te lum te sts'umbal Abraham, te jun co'tan jba soque:

San Juan 2:5

Ja'uc me to, te sme' te Jesuse ba yalbey yaiyic te abatetique: —Ya me apasic spisil te bi ya yalbeyexe —xi'.

San Juan 14:28

Awaiyojiquix stojol cu'un te ya xboone soc te ya xtal joinex xane. Teme c'uxon ta awo'tanic ta melele, bujts'najemix awo'tanic te jichuque, melel la calix te ya xboon ta bay te Jtate, yu'un ja' cajal cu'un stuquel.

2 Crónicas 20:7

Dios cu'untic, ja'at la aticunbey loq'uel yajwal te lumq'uinal ta stojol te lum Israel, la awac'bey yu'unin sbajt'el q'uinal te sts'umbal Abraham te ajoye.

Cantares 5:1

Ochonix tel ta nichimaltic cu'un, ja'at jch'ielat, te quinamate. La quich'ix te mirra cu'un soc te perfumeetic cu'une, la jpasix prueba te chab cu'une, la cuch'ix te vino soc te leche cu'une. Ja'ex te jun co'tantique, we'anic soc uch'aic, uch'aic spisil te bi ya ac'anique.

Proverbios 18:24

Ay nix jpat-jxujc'tic te ya xch'ay yutsil yo'tanic ta jtojoltique; ja'uc me to, ay jpat-jxujc'tic te bayal yutsil yo'tanic ta jtojoltic, c'ax jich a te bit'il mach'a jun jme'-jtatic soque.

Éxodo 7:6

Jich yu'un te Moisés soc te Aarón jich la spasic spisil te bit'il nix la yal mandal te Cajwaltique.

Rut 3:6

Jich yu'un te Rut bajt' ta bay te swuyojibal spat cebada, jich nix la spas spisil te bit'il pasot ta mandal yu'un te yalib-me'ele.

1 Reyes 4:5

Azarías snich'an Natán, jwentainwanej yu'un gobernadoretic; Zabud, snich'an sacerdote Natán, ja' jtojteswanej yu'un te muc' ajwalile;

2 Reyes 18:6

Jun yo'tan la yac' sba ta stojol Cajwaltic, ma'yuc bi ora la spijt'es sba ta stojol, la yac' c'otuc ta pasel te mandaliletic yu'un Cajwaltic ac'bot ta swenta te Moisés.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Ezequiel 12:7

Jich nix la jpas a te bit'il la yac'bon jpas te Cajwaltique. La jchajban te jbiluque. Ta c'aaleltic la quich' loq'uel te jbiluque, jich yilel te bit'il ya xboonix ta scaj ac'botonix quijq'uitay te jlumale. Ta mal c'aal la jut loq'uel ta jc'ab te ts'ajq'ue. C'alal ijc'ub q'uinal, ta comonsitil ta spisilic la jtsac te jbiluque, la cac' ta jnejq'uel, loc'on bael.