San Juan 15:1 - Bible in Tzeltal de Oxchuc y Tenejapa

¹ Soc la yal xan te Jesuse: —Jo'on mero smuc'ul yac'ulon te ts'usube. Te Jtate ja' jcanan-ts'usubiltic stuquel.

Nuevo Testamento Tzeltal de Amatenango

¹ Te Jesuse lijk yal xan: —Joꞌon te smukꞌul yakꞌilon te ubae; y te jTate jaꞌ ya xchap y ya skanantay.

Bible in Tzeltal Bachajón

¹ Ho'on te smelelil ch'oxalon ts'usub, soc ha jcanan-ts'usubil te Jtate.

San Juan 15:1 Referans Kwoze

Jeremías 2:21

Jo'on la jts'unat jichuc ts'usub te mero cajal yutsile, jich bit'il yawalil ts'usub te mero lec ta jyalele. ¿Bi yu'un te bayal bolobenate, te ma jna'batix aba ya quile?

1 Corintios 3:9

Melel te jo'otique, yaj-at'elotic te Diose. Te ja'exe, c'aljibalex yu'un te Diose. Soc pasbil naex yu'un te Diose.

Isaías 60:21

“Spisil te alumale lec me yo'tanic ya xc'ot; ja' me yajwalic sbajt'el q'uinal te alumale. Ja' spulic te te' te jo'onix la jts'un jtuquele; ja' te at'el la jpas soc te jc'abe, yu'un jich ya cac' ta ilel te cutsilale.

Isaías 4:2

Te bi c'aalile, ay bi ya yac' xpulin jajch'el te Cajwaltique, ja' me xch'alil yutsilal te jayeb mach'atic cuxulic ya xjilic ta lum Israel. Te bitic ya yac' te q'uinale, ja' smuc'ul yo'tanic ya yaiy soc ja' yich'el ta muc'.

San Juan 6:55

Melel te jbaq'uetale, ja' mero we'elil soc te jch'ich'ele ja' ya sc'an ya awuch'ic stuquel.

Jeremías 12:10

Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

1 Juan 2:8

Ja'uc me to, yu'un nanix ach' mandalil c'oem te ya jts'ibubeyexe, te melel yach'il c'ot yu'un te Cristoe soc yach'il yaquix ta c'oel awu'unic uuc. Jich yaquix ta ch'ayel bael te ijc' q'uinale; ja' yaquix ta xojobajel te mero saquil q'uinale.

San Marcos 12:1

Jesús jajch' yalbey yaiyic seña-c'opetic. Jich la yal: —Ay jtul winic te la sts'un ts'usubiltic, soc la sjoy ta ts'ajc'. La sjoc'bey xch'enal spits'jibal sit te sts'usube, soc la sts'ajc'uy moel iljibal-q'uinal na swenta yu'un ya yich' canantayel tey a te ts'usubiltique. “La yac' jilel ta wentainel yu'un j'at'eletic te ts'usubiltic yu'une, soc bajt' ta c'ubul q'uinal.

San Mateo 21:33

“Aiya awaiyic stojol yan seña-c'op: Ay jtul winic te la sts'un ts'usubiltic ta sq'uinal, soc la sjoy ta ts'ajc'. La sjoc'bey xch'enal te spits'jibal sit te sts'usube, soc la sts'ac'uy moel iljibal-q'uinal na, swenta yu'un ya yich' canantayel tey a te ts'usubiltique. La yac' jilel ta wentainel yu'un j'at'eletic te ts'usubiltic yu'une, soc bajt' ta c'ubul q'uinal.

Oseas 10:1

Te Israel jich c'oem bit'il ts'usub, nojel nax yu'un te site. Te bit'il bayal ay te site, bayal la spasic scajtijib majt'aniletic yu'un; te bit'il c'ax bayal yutsil ta jyalel te sq'uinale, jich bayal yutsil te teq'uel tonetic la xch'uunique.

San Juan 6:32

La yalbey te Jesuse: —Jamal ya calbeyex, ma ja'uc Moisés te ya yac' te waj te talem ta ch'ulchane. Ja' te Jtate te ya yac'beyex te waj te talem ta ch'ulchan ta melele.

San Lucas 13:6

Albot yaiyic yu'un Jesús in seña-c'op to: —Ay jtul winic sts'unoj jpejt' higo-te' ta yawal-sts'unub. Tal yil teme ay site, ma'yuc sit la stabey.

San Mateo 20:1

La yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te jtul winic te sab to a te loc' sle yaj'at'ele, swenta yu'un ya spas trato ta tsobel te sts'usube.

Cantares 7:12

Ta buen sab me ya xbootic ta ts'usubiltic, ya xba quiltic teme ayix spul, teme yaquix ta t'omel te sniche, soc teme nichinemix te granadoetique. Tey me ya cac' jba ta ac'ab a.

Zacarías 3:8

aiya me awaiy ta lec, soc ac'a me yaiyic te ajo'tac ta sacerdoteile. Ta apisilic te ja'exe, señaex te bila ya xc'ot ta pasel ta patil. Ya me quic' tel te cabat, te ja' te spul c'oeme.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

Isaías 61:3

te mach'atic ay swocolic ta Sión tal cac'bey scorona swenta sjelol te c'ajc'al tane, tal cac'bey yutsil q'uinal yaiyic te mach'atic smeloj yo'tanique, tal jc'atp'unbey ta yutsilal c'ayoj te woclajel ya yaiy ta yo'tanique. Ya me x'ac'bot sbiilic: “C'antulan swenta toj-o'tanil”, te ja' nix sts'unoj te Cajwaltic swenta yu'un ya yac' ta ilel a te yutsilale.

Ezequiel 19:10

“Te ame' pajal soc ts'usubil te yich'oj ts'unel ta nopol ja', la yac' sit soc la yac' yaxinal, ta scaj te bayal ja' ajch'esot yu'une.

San Mateo 15:13

La yal te Jesuse: —Spisil awal-ts'unubil teme ma ja'uc la sts'un te Jtat te ay ta ch'ulchane, ya me yich' bulel loq'uel.

San Juan 15:2

Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

Romanos 11:17

Te judioetic ay jich c'oemic bit'il sc'ab te olivo-te' te la yich' bojel loq'uel sc'abe. Te banti la yich' loq'uesele, la yich' ts'aquel ta sc'ab ja'mal olivo-te'. Ja'ex te la awich'ic ts'aquele. Jich jun c'oexix soc te yisim olivo-te'e. Jich la awich'beyic xcuxlejal te ts'unbil olivo-te'e.