San Juan 14:28 - Bible in Tzeltal de Oxchuc y Tenejapa

²⁸ Awaiyojiquix stojol cu'un te ya xboone soc te ya xtal joinex xane. Teme c'uxon ta awo'tanic ta melele, bujts'najemix awo'tanic te jichuque, melel la calix te ya xboon ta bay te Jtate, yu'un ja' cajal cu'un stuquel.

Nuevo Testamento Tzeltal de Amatenango

²⁸ La me awaꞌiyikix te ya xboone y te ya xchaꞌtal joyinex xane. Teme batsꞌi jich te kꞌuxon ta awoꞌtanike, butsꞌanix kꞌinal ya awaꞌiyik te jichuke, porke la kalix te ya xboon te ba ay te jTate yuꞌun jaꞌ mas mukꞌ stukel ke te joꞌone.

Bible in Tzeltal Bachajón

²⁸ La awa'iyiquix te la jcalbeyex: Ya xbohon, pero ya xcha'talon ta atojolic, te xchihone. Te ha'uc c'uxon ta awo'tanic, tse'el awo'tanic yu'un te ya xbohon ta banti ay te Jtate, como ha toyol cu'un te Jtate.

San Juan 14:28 Referans Kwoze

San Juan 14:18

Ma ba ya xjilex ta me'bal cu'un. Ya xtal joinex.

San Juan 20:21

Jesús la yal xan: —Muc'ubenuc me q'uinal ya awaiyic. Jich te bit'il la sticunon tel te Jtate, ja' nanix jich ta jticunex uuc te ja'exe —xi'.

San Juan 20:17

La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

San Juan 13:16

Jamal ya calbeyex, te abate ma ja'uc cajal ya xc'ot ta stojol te yajwale. Soc te mach'a ticunbil tel, ja' peq'uel sc'oplal ya xc'ot ta stojol te mach'a ticunwanej.

1 Pedro 1:8

Te ja'exe c'ux ta awo'tanic te Jesucristoe, manchuc teme ma ba awilojbeyic sit. Soc manchuc teme ma ba ya awilic ta asitic ta ora to, ja'uc me to, jun nax awo'tan ach'uunejic. Jich jelawen nax yutsil sbujts' awo'tanic ya awaiyic yu'un ta c'axem to xan te ma xju' ta alel sc'oplale.

1 Corintios 11:3

Ja'uc me to, ya jc'an te ya ana'ic stojol te ja' jolol yu'un spisil winiquetic te Cristoe, soc ja' jolol te winic yu'un te antse, soc ja' jolol yu'un Cristo te Diose.

San Juan 16:7

Ja'uc me to, ya me calbeyex ta melel te ja' lec te ya xboone, yu'un teme ma xboone, ma xtal ta atojolic te Jmuc'tesej-q'uinal awu'unique. Yan teme ya xboone, ya me jticunbeyex tel.

San Juan 14:12

Jamal ya calbeyex, te mach'a ya xch'uunone, te at'eliletic ya jpase, jich me at'eliletic ya spas uuc. Soc c'ax me jich ya spas stuquel, melel ya xboon ta bay te Jtate.

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Juan 5:18

Te judioetique, c'axem to xan la snopic te bi ya yut ya smilic te Jesuse. Melel ma ja'uc nax ya xc'axintay ta sc'opic te sc'aalelal te cux-o'tane, soc uuc te la yal te ja' Stat te Diose, soc te la yal te pajal soc te Diose.

San Mateo 12:18

“Li' ay to te cabat, te tsabil cu'une. C'ux ya caiy ta co'tan soc bin nax co'tan yu'un. Ya me cac'bey ta yo'tan te Espíritu cu'un. Jich me ya spuc ta alel ta stojol jyanlumetic te bila toj ta pasele.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

Salmos 68:18

Dios cu'un, moat bael, ta mero toyol la awic' bael ta chuquel te jchuqueletique; la awich'bey spatan te ants-winiquetique, soc te mach'atic stoyoj sbaic la yac' sbaic ta atojol, Cajwal.

Salmos 68:9

Dios cu'un, ja'at la awac' tel bayal ja'al, swenta yu'un la awac' xan lecubuc jajch'el te taquin lumq'uinal awu'une.

San Juan 7:33

Jich la yal te Jesuse: —Ma ba jalix c'aal te ya joinexe. Jich me ya xboon ta stojol te mach'a la sticunon tele.