San Juan 14:20 - Bible in Tzeltal de Oxchuc y Tenejapa

²⁰ Te bi c'aalil te ya xc'ot ta pasele, ya me ana'ic te ayon ta stojol te Jtate, soc te ja'exe, ayex ta jtojol, soc ayon ta atojolic uuc.

Nuevo Testamento Tzeltal de Amatenango

²⁰ Te tut kꞌaalil te jich ya xkꞌot ta pasele, te me ya anaꞌbeyik sluwaril a te jun nax ayon sok te jTate y te jaꞌexe jun nax ayotik euk.

Bible in Tzeltal Bachajón

²⁰ Ta patil ya me ana'ic te jun ayon soc te Jtat, soc te ayex ta jtojol soc ayon ta atojolic.

San Juan 14:20 Referans Kwoze

San Juan 17:26

La cac'beyix sna'bat aba, soc ya to me cac'at xan ta na'el, swenta yu'un jich me ay xc'uxul yo'tanic ya xc'otic jich bit'il te xc'uxul awo'tan ta jtojole. Soc ya me x'ainon ta yo'tanic uuc —xi' ta sc'oponel Dios te Jesús.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

1 Juan 4:12

Jtul ma'yuc mach'a yilojbey sit te Diose. Teme talel c'axel c'ux ya caiy jbajtique, yu'un nanix jc'axel ainemix ta co'tantic a te Diose, soc jich me ya cac'tic ta ilel te xc'uxul yo'tan Dios cu'untic.

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

Romanos 8:1

Jich yu'un ta ora to, te mach'atic ayic ta swenta te Cristo Jesuse, ma'yuquix ta swentaic te castigo yu'un te smulique. [Ja' te mach'atic ma ba st'unojix pasel te bila swenta nax te sbaq'uetale, te ja' st'unojix ta pasel te bila swenta te Espiritue.]

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

2 Corintios 13:5

Te ja'exe aiya me awaiyic ta awo'tanic teme ay xch'uunjel awo'tanique. Tsajtaya me awaiy abaic ta lec. ¿Ma bal yacuc ana'ic te ay ta awo'tanic te Jesucristoe?, teme ma tojoluc awalojic te ach'uunejique.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

San Juan 16:26

Te bi c'aalil ya cale ay bila ya ac'anic ta jwenta. Ma xcal te ya xc'opojon awu'unic ta stojol te Jtate,

Colosenses 2:9

Melel te Cristoe ts'acal yich'ojbey stalel te Diose.

Colosenses 1:19

Melel te Cristoe yich'ojbey spisil te yutsilal te Tatile, yu'un jich la sc'an te Diose.

San Juan 6:56

Te mach'a ya swe'bon te jbaq'uetale soc te ya yuch'bon te jch'ich'ele, jc'axel ayix ta jtojol soc jc'axel ayonix ta yo'tan uuc.

2 Corintios 5:17

Jich yu'un, te mach'a jun nax c'oemix soc te Cristoe, yach'il ants-winiquix. Jilemix spisil te spocol cuxlejale. Ta ora to, la yich'ix ach'ubtesel ta spisil.

San Juan 17:11

“Te jo'one ma ba ya x'ainonix ta balumilal. Te ja'ique ya xjilic ta balumilal stuquelic. Yan te jo'one ya xtalonix ta atojol. Ch'ul Jtat, te mach'atic awac'ojbone, canantaybon me ta awu'el swenta yu'un jun nax me ya xc'otic ta spisilic, jich te bit'il jun nax ayotique.

San Juan 16:23

“Te bi c'aalil ya xc'ot ta pasele, ma me ayuc bi ya ajojc'obonic xan. Jamal ya calbeyex, spisil te bila ya ac'anbey ta jwenta te Jtate, ya me yac'beyex.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

San Juan 17:7

Ta ora to, sna'ojiquix stojol te ja'at awu'un spisil te bila awac'ojbone.

2 Corintios 12:2

Ay jtul winic te xch'uunej Cristo te jna'ojbey sba ta leque, ayix ta xchanlajunebal ja'wil te ic'ot moel c'alal ta yoxcajal te ch'ulchane. (Ma jna' teme soc sbaq'uetal ic'ot moele o teme ma socuc sbaq'uetale. Ja' nax sna'oj te Diose.)

2 Corintios 5:19

Ja' bi, ja' te Dios ya yac' te ya xjunaj yo'tan sbaic soc te mach'atic ayic ta balumilal ta swenta Cristo. Ma ba ya sna'bey smulic te ants-winiquetique. Soc ja' yac'ojbotiquix cat'eltic ta xcholel te bit'il ya xjunaj yo'tan sbaic soque.

Romanos 16:7

Albon spatjibal yo'tanic uuc te Andrónico soc te Junias te jchapomale, te la quich' chuquel soque. Ja'ic te muc' sc'oplalic yu'un te jpuc-c'opetique. Ja' neel la xch'uunic Cristo cu'un.

San Juan 14:11

C'otuc ta awo'tanic te ayon ta stojol te Jtate; te Jtate ay ta jtojol uuc. O teme ma spas awaiyique, ja' me xach'uunonic yu'un te at'eliletic ya jpase.