San Juan 14:17 - Bible in Tzeltal de Oxchuc y Tenejapa

¹⁷ ja' bi, ja' te Espíritu te ya yac' ta na'el te smelelil c'ope. Jich yu'un te mach'atic ayic ta swenta te balumilale, ma xju' ya yic' ta yo'tanic, yu'un ma chicanuc ya yilic soc ma sna'beyic sba. Yan te ja'exe ya ana'beyic sba, yu'un ya sjoinex soc ya me x'ain ta awo'tanic spisil ora.

Nuevo Testamento Tzeltal de Amatenango

¹⁷ jaꞌ bi jaꞌ te Espíritu te ya yakꞌ ta naꞌbeyel sluwaril te tut batsꞌi jiche. Te machꞌatik ayik ta skuenta balmilale, ma xjuꞌ ya yikꞌik te Espiritue, porke ma xyilik y ni ma snaꞌbeyik sba. Pero te jaꞌexe ya anaꞌbeyik sba porke sjoyinejex, sok ya me xꞌayin ta awoꞌtanik sil tiempo.

Bible in Tzeltal Bachajón

¹⁷ ha te Espíritu yu'un smelelil, ha te ma xhu' ya yich' te mach'atic ayic ta scuenta bahlumilal, como ma ba ya yilic soc ma sna'beyic sba; yan te ha'exe, yac ana'beyic sba, como ay ta awo'tanic soc spisil ora ya sjoquinex.

San Juan 14:17 Referans Kwoze

Ezequiel 36:27

Ya me cac'beyex ta awo'tanic te espíritu cu'une, ya me cac' te ya apasic te bila ya yal spisil te mandaliletic cu'une.

San Juan 16:13

Yan te c'alal ya xtal te Espiritue, ja' ya yac' ta na'el te bila melele, ja' me ya yac'beyex ana'ic stojol spisil te bila smelelile. Melel ma stuquel yo'tanuc te bila ya yale. Ja' me ya xtal yalbeyex spisil te bila yaiyoj stojole, soc ja' me ya yac'beyex ana'ic te bila quechel ya xtale.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

San Juan 15:26

“C'alal ya xtal te Jmuc'tesej-q'uinal awu'unic te ya jticunbeyex tel ta swenta te Jtate, ja' me ya yalbon jc'oplal stuquel. Ja' te Espíritu yu'un te bila melele te talem ta stojol te Jtate.

1 Juan 4:6

Yan te jo'otique, ja' yu'unotic te Diose. Jich te jayeb mach'a ya sna'beyic sba te Diose, ya yaiybotic stojol jc'optic. Yan te mach'a ma yu'unuc te Diose, ma xyaiybotic stojol jc'optic stuquelic. Tey ya jna'tic stojol a te mach'a yic'oj te Espíritu yu'un te smelelil c'ope, soc te espíritu yu'un te mach'a jlo'laywaneje.

1 Corintios 3:16

¿Yu'un bal ma x'ana'ic te temploex yu'un te Diose, soc te nainem ta awolilic te Espíritu yu'une?

1 Corintios 2:14

Te ants-winic te ma ba yic'ojic te Espiritue, ma xc'ot ta yo'tanic te p'ijubtesel ta swenta te Espíritu yu'un te Diose, te melel jowil c'op nax c'oem ta yo'tanique. Soc ma xju' yu'unic sna'el stojol, yu'un ma ba ya yich'ic coltayel yu'un te Espiritue.

1 Corintios 6:19

¿Yu'un bal ma ba ana'ojic te abaq'uetalic te ja' templo yu'un Ch'ul Espíritu te yac'ojbeyex te Diose? Jich te Ch'ul Espiritue ja' nainem ta awo'tanic. Te ja'exe, ma ba awu'uninej abaic,

2 Timoteo 1:14

Soc canantaya me te bila lec ac'bilat jilel ta awenta yu'un te Diose. Ja' me ya scoltayat ta scanantayel te Ch'ul Espíritu te ainem ta co'tantique.

San Juan 14:16

Ya me jc'anbey te Jtate te ya sticunbeyex tel yan Joinwanej te ya sjoinex spisil ora stuquele,

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

1 Juan 3:24

Spisil mach'a yat'elinej xch'uunel smandal te Diose, jich jc'axel ainemix ta yo'tan te Diose soc ainemix ta yo'tan uuc. Jna'ojtic stojol te jc'axel ainem ta co'tantic ta swenta te Espíritu te yac'ojbotique.

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

Efesios 3:17

soc te ya snainbeyex awo'tanic te Cristoe ta swenta te bit'il ay xch'uunjel awo'tanique. Soc te bit'il ismajemex ta lec soc te ay yip awo'tanic ta swenta te xc'uxul awo'tanique,

Gálatas 4:6

Ta swenta te bit'il yal-snich'anex te Diose, la sticun tel ainuc ta awo'tanic uuc te Espíritu yu'un te Snich'ane. Ja' swentail te jich ya xc'opoje: “¡Abba, Jtat!”, xi' ta stojol te Diose.

2 Corintios 13:5

Te ja'exe aiya me awaiyic ta awo'tanic teme ay xch'uunjel awo'tanique. Tsajtaya me awaiy abaic ta lec. ¿Ma bal yacuc ana'ic te ay ta awo'tanic te Jesucristoe?, teme ma tojoluc awalojic te ach'uunejique.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Efesios 2:22

Jich ta swenta nax Cristo te pajal yacalex ta ts'ajc'uyel soc te yantique, swenta yu'un ya xnain tey a te Dios ta swenta te Espíritu yu'une.

San Mateo 10:20

Melel ma ja'uc ya xc'opojex te ja'exe, ja' ya xc'opoj ta awo'tanic te Espíritu yu'un te Jtatique.

Apocalipsis 2:17

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.

Isaías 59:21

Te Cajwaltic ya yal: —Ya jpas jun trato soc te ja'exe, ya calbeyex ta jamal: Te cu'el soc te p'ijubtesel te la cac'beyexe jc'axel ma me xch'ay ta awo'tanic, soc ma me xch'ay ta yo'tanic te ats'umbal ta spisil bael ta sbajt'el q'uinal —xi' te Cajwaltique.

Proverbios 14:10

Te o'tanil ya sna' te swocole, soc teme ay yutsil q'uinal ya yaiy, ma ba ya yalbey yantic te ma sna'bey sbae.

1 Juan 5:7

Ay oxeb testigoetic yu'un ta bay ch'ulchan: Ja' te Tatile, soc te C'opile, soc te Ch'ul Espiritue. Jun nax ay ta yoxebalic.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

1 Corintios 14:15

Jich yu'un, ¿bila ya sc'an ya jpas jiche? Ja' ya sc'an te ya jc'opon Dios soc te jch'ulele soc uuc te sp'ijil co'tane. Soc ya xc'ajinon soc te jch'ulele soc uuc te co'tane.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.