San Juan 13:34 - Bible in Tzeltal de Oxchuc y Tenejapa

³⁴ Ta ora to ya calbeyex yach'il mandalil: C'ux me x'awaiy abaic ta awo'tanic, jich te bit'il c'ux la caiyex ta co'tane.

Nuevo Testamento Tzeltal de Amatenango

³⁴ Ya kaꞌbeyex te achꞌ mantal to: Te kꞌux me xꞌawaꞌi abaik ta juju-tule, jich te tutꞌil kꞌux a kaꞌiyexe, jich me kꞌux ya awaꞌi abaik ta juju-tul te jaꞌexe.

Bible in Tzeltal Bachajón

³⁴ Ay jun yach'il mandaril ya calbeyex: Talel c'axel c'ux xawa'iy aba ta awo'tanic; hich te bin ut'il c'ux la jca'iyex ta co'tan, ha nix hich talel c'axel c'ux xawa'iy abahic ta awo'tanic.

San Juan 13:34 Referans Kwoze

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Levítico 19:18

“Ma me xasujt'esbey spacol, soc ma me xaq'uej ta awo'tan, teme ay bila ya spasbotat yu'un te alumale. C'ux me x'awaiy ta awo'tan te alumale, jichuc me ta awo'tan te bit'il ja'ate. Jo'on Ajwalilon.

San Juan 15:17

Te jmandal ya calbeyexe, ja' te talel c'axel c'ux ya awaiy abaic ta awo'tanique.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

Gálatas 6:2

Juju-jtul jech cuchbeya abaic te awijc'atsique. Jich me ts'acal ya xc'ot ta ch'uunel awu'unic a te smandal te Cristoe.

1 Juan 3:23

Te smandal yaloje, ja' in to: Ja' te ya jch'uunbeytic sbiil te Snich'ane, ja' te Jesucristoe, soc te talel c'axel c'ux ya caiy jbajtique, jich bit'il yalojbotic mandal te Cristoe.

1 Juan 4:21

Melel jich la yalbotic mandal te Diose: “Te mach'a c'ux ya yaiy ta yo'tan te Diose, c'uxuc me ac'a yaiy ta yo'tan uuc te yermanoe”, te xie.

Santiago 2:8

Ja' to lec ya xc'oex ta stojol Dios teme ya ach'uunic spasel te smandal Dios te cajal sc'oplale, jich te bit'il ts'ibubil ta Sjun Diose: “C'ux me x'awaiy te apat-axujq'ue, jich te bit'il c'ux ya awaiy aba atuquel te ja'ate”, te xie.

1 Tesalonicenses 3:12

Te Cajwaltique, ac'a me yesmantesbeyex ta c'axem to xan te bit'il c'ux ya awaiy abaic ta awo'tanic ta juju-jtulexe, soc te c'ux me ya awaiyic ta awo'tanic uuc spisil te yantique, jich nix te bit'il c'ux ya caiytiquex ta co'tantic uuc te ja'exe.

Romanos 12:10

Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul.

2 Juan 1:5

Ta ora to, me'tic, ya calbat wocol te c'ux me ac'a caiy jbajtic ta co'tantic ta jpisiltic. Te bit'il la jts'ibubat in to, ma ach' mandaliluc te la calbate. Ja' nix te caiyojtic stojol ta xjajch'ibal toe.

Gálatas 6:10

Jich yu'un, te bay c'alal ya xju' cu'untique, ac'a me jpastic jpisiltic te bila leque. Ja' c'axem to xan ac'a jpastic ta stojol te quermanotactic te pajal ay xch'uunjel co'tantic soque.

1 Juan 3:11

Melel ja' sc'op Dios in to, te awaiyojic stojol ta xjajch'ibal to tele, ja' te bit'il talel c'axel c'ux me ya caiy jbajtique.

Levítico 19:34

Jichuc me ta awo'tanic te bit'il ja'exe, c'ux me x'awaiy ta awo'tanic, melel ja' nix jich jyanlum ayex ta Egipto. Jo'on Ajwalilon, Dioson awu'unic.

Hebreos 13:1

Ma me xawijq'uitayic te talel c'axel c'ux ya awaiy abaic te bit'il awermano abaique.

2 Tesalonicenses 1:3

Quermanotac, spisil ora ya calbey wocol Dios ta awentaic yu'un te bit'il yac ta esmajel xch'uunjel awo'tanic, soc te bit'il talel c'axel c'ux ya awaiy abaic juju-jtulex soc te yantique.

Gálatas 5:22

Yan te sit stuquel te Espiritue, ja' te xc'uxul-o'tanil, sbujts'-o'tanil, lamal q'uinal, sts'iquel, yutsil-o'tanil, lequil-o'tanil, xch'uunjel-o'tanil,

2 Pedro 1:7

Teme la ana'ic spisil ora te Diose, junuc me awo'tan abaic soc te awermanotaque. Teme junaj awo'tanique, c'ux me x'awaiy abaic.

Colosenses 1:4

Yu'un la caiytiquix stojol te bit'il ay xch'uunjel awo'tanic ta stojol te Cristo Jesuse, soc te bit'il c'ux ya awaiy abaic ta awo'tanic soc spisil te mach'atic ch'ul lum yu'un te Diose.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

San Juan 17:21

Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

Salmos 119:63

Ja' me joy jba soc te mach'atic ya yich'at ta muc', ja' te mach'atic ya xch'uunic te mandaliletic awu'une.

Salmos 16:3

Te yajcananic te ay ta jlumale, bayal yu'el ta sc'opic, jich ya yalic te mach'atic bin nax yo'tanic yu'un.

San Mateo 5:44

Ja'uc me to, jo'on ya calbeyex: C'ux me x'awaiy te acontroe, c'anbeya bendición te mach'a ya sbolc'optayexe. Pasbeyaic bila lec te mach'atic ya yilayexe. C'oponbeyaic Dios ta stojol te mach'atic ya yixtac'optayexe soc te ya yuts'inexe.

Romanos 13:8

Ma me ayuc mach'a ay abet ta stojol. Ja' nax me quechel ta awentaic te talel c'axel c'ux ya awaiy abaique. Melel te mach'a c'ux ya yaiy ta yo'tan te spat-xujq'ue, jich ju'ix yu'un xch'uunel te bila ya yal te mandalile.

Romanos 13:10

Te mach'a ay xc'uxul yo'tane ma spas bila amen ta stojol te spat-xujq'ue. Jich yu'un te sju'tesel ta pasel te mandalile, ja' te c'uxul-o'tanile.