San Juan 13:14 - Bible in Tzeltal de Oxchuc y Tenejapa

¹⁴ Te bit'il maestroon soc ajwalilon awu'unic te la jpocbeyex awacanique, jich nix ya sc'an ya apocbey aba awacanic te ja'exe.

Nuevo Testamento Tzeltal de Amatenango

¹⁴ Jaꞌ yuꞌun ya skꞌan ya apokbeya aba awokik jich tutꞌil te la jpokbeyex awokik te joꞌon te maestroon awuꞌunike sok te Ajwalilon awuꞌunike.

Bible in Tzeltal Bachajón

¹⁴ Teme ho'on, te Ajwalilon soc te Maestrohon awu'unic, la jpocbeyex awoquic, ha nix hich ya sc'an te talel c'axel yac apocbe aba awoquique.

San Juan 13:14 Referans Kwoze

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

Hechos 20:35

Spisil ora la cac'beyex awilic te bit'il ya sc'an ya x'at'ejotic ta lec ta jpisiltique, swenta yu'un jich me ya jcoltaytic te mach'atic ay swocolic te ma'yuc bi ay yu'unique. Ac'a juluc ta awo'tanic te jich la yal te Cajwaltic Jesuse: “Ja' me bin nax yutsil te mach'a ay bila ya yaq'ue, ma ja'uc te mach'a ay bila ya yich'e”, te xie —xi' te Pabloe.

Gálatas 5:13

Melel te ja'ex quermanotac, Dios la yiq'uex ta stojol swenta yu'un jich me jc'axel libre ya x'ainex yu'un. In te bit'il libre ayexe, ¿yu'un bal lec teme ya xjajch' apasic spisil te bila stalel ya smulan spasel te jmulawil jbaq'uetaltique? Ja' lec teme talel c'axel ya awac' abaic ta abatinel ta swenta bit'il c'ux ya awaiy abaic ta awo'tanic.

Romanos 12:16

Junuc me awo'tan abaic spisil ora. Ma me toybauquex. Ja' ya sc'an te ya ajoin abaic soc te mach'atic peq'uel ayique. Ma me xacuy abaic ta p'ij atuquelic.

1 Pedro 4:1

Jich yu'un, te bit'il c'ax swocol ta sbaq'uetal ta jwentatic te Cristoe, ja' ya sc'an te jichuc co'tantic uuc te bit'il yo'tan stuquele. Yu'un te mach'a c'axix swocol ta sbaq'uetale, jich la stsalix te mulile.

1 Corintios 8:13

Jich yu'un teme ya cac' yaluc jtuluc quermano ta swenta te jwe'ele, ja' lec te ma me jti' te milbil majt'anile, swenta yu'un ma ba ya jyales a te quermanoe.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

2 Corintios 8:9

Melel ana'ojiquix te bit'il ay yutsil yo'tan te Cajwaltic Jesucristoe. Manchuc teme ay sc'ulejale, ta swenta xc'uxul yo'tan awu'unic te la sc'atp'un sba ta me'ba, swenta yu'un jich me ya yac'beyex ac'ulejalic ta swenta bit'il la yac' sba ta me'ba stuquel.

Romanos 12:10

Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul.

San Juan 11:2

(Ja' in to, ja' te María te la smalbey perfume te yacan te Cajwaltique soc te la scusbey yacan ta stsotsil sjole. Ja' yijts'in te ay ta chamele.)

1 Corintios 12:3

Jich yu'un ya jc'an te ya ana'ic stojol te ma ja'uc ya xc'opoj ta swenta te Espíritu yu'un Dios te mach'a ya yal te mero amen te Jesuse. Soc ma'yuc jtuluc mach'a ya yal: “Ja' Cajwal te Jesuse”, te xie, te manchuc ja'uc ta swenta yu'el te Ch'ul Espiritue.

Filipenses 2:11

Spisilic ya me yalic ta jamal te ja' Ajwalil stuquel te Jesucristoe. Jich me jelawen yutsil sc'oplal ya xc'ot te Jtatic Dios yu'une.

1 Timoteo 5:10

Soc ya sc'an te lec sc'oplal yu'un te yat'el spasoje, jich bit'il teme jun yo'tan la xch'ijtes te yalataque, soc teme ya xnajc'anwane, soc teme ay la spocbeyix yacan te mach'atic ch'ul lum yu'un te Diose, soc teme ay la xc'uxtayix te mach'atic ay swocolique, soc teme c'aem ta spasel spisil te lequil at'elile.