San Juan 12:49 - Bible in Tzeltal de Oxchuc y Tenejapa

⁴⁹ Yu'un ma jo'ocon jc'op te ya cale, ja' sc'op te Jtat te la sticunon tele. Ja' la yac'bon te mandalil te bila ya cale soc te bila ya cac' ta nopele.

Nuevo Testamento Tzeltal de Amatenango

⁴⁹ Porke ma joꞌukon jkꞌop te ya kale, ja skꞌop te jTat te la stikonon tale. Jaꞌ yalojbon mantal te tut ya kale sok te tut ya kakꞌ ta nopele.

Bible in Tzeltal Bachajón

⁴⁹ Ma jtuquel-o'tanuc c'opojon ta jcuenta; te Jtat te la sticonon tal, ha la spason ta mandar te bin ya sc'an ya cal soc te ya jpuc ta halel.

San Juan 12:49 Referans Kwoze

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 8:26

Soc ay to bayal ac'oplalic te ya calbeyexe soc sc'oplal uuc te awat'elique. Te mach'a la sticunon tele melel te bi ya yale. Te bi ya cal li'to ta balumilale, ja' nix te bila caiyoj stojol yu'une —xi'.

San Juan 5:30

“Te jo'one ma'yuc bila ya xju' cu'un spasel ta jtuquel. Ya caiy chajbanwanej jich te bit'il pasbilon ta mandale; soc toj te bila ya cal ta chajbanwanej, yu'un ma ja'uc ya jle te sc'anjel co'tan jtuquele. Ja' ya jpasbey sc'anjel yo'tan stuquel te Jtatic Dios te la sticunon tele.

San Juan 17:8

Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

Deuteronomio 18:18

Jo'on me ya cac' chicnajuc ta yolilic j'alwanej yu'unic, jich bit'il te ja'ate. Te ya cac' chicnajuque, ja' ni me jtul te slumalique. Ya me x'albotic yu'un te bila ya calbey. Ja' me ya sc'asesbey yaiyic te bila ya calbeye.

San Juan 14:31

Swenta yu'un ya me sna'ic te mach'atic ayic ta balumilal te c'ux ta co'tan te Jtate, ya jpas te bila yalojbon ta mandale. Jajch'anic, ya xbootiquix —xi' te Jesuse.

San Juan 15:15

Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

San Juan 8:42

Te Jesús jich la yalbey yaiyic: —Te meleluc te ja' atatic te Diose, c'ux ya awaiyonic te jichuque, melel te jo'one talemon ta stojol te Diose te bit'il li' ayon to. Ma jtuquel-o'tanuc te talone. Ja' la sticunon tel te Diose.

San Juan 3:32

Te bila la yile soc te bila yaiyoj stojole, ja' ya xcholbey sc'oplal. Ja'uc me to, ma'yuc mach'a ya xch'uun te bi ya yale.

San Juan 3:11

Jamal ya calbat, ja' ya caltic te bila jna'ojtique, soc te bila quilojtique; ja'uc me to, ma xc'ot ta awo'tan te bila ya caltique.

Apocalipsis 1:1

Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.

San Juan 5:19

Te Jesús caj yalbey yaiyic: —Jamal ya calbeyex, te Nich'anile ma'yuc bila ya spas ta stuquel nax te bila ya sc'an te yo'tane. Ja' ya spas te bila ya yil te ya spas te Tatile, ja' nix ya spas uuc te Nich'anile.

San Juan 6:68

Te Simón Pedro la yal: —Cajwal, ¿mach'a yan ya xbootic ta stojol? Melel ja'at nax atuquel te ay cuxinel sbajt'el q'uinal ta swenta te ac'ope.

San Juan 7:16

Te Jesús jich la yalbey: —Te bila ya cal ta p'ijubteswanej, ma jo'ocon jc'op te ya cale. Ja' sc'op te mach'a la sticunon tele.

San Juan 8:28

Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

San Juan 14:24

Te mach'a ma c'uxucon ta yo'tane, ma xch'uunbon te jc'ope. Te c'op yacalex ta yaiyel stojole ma cu'unuc, ja' yu'un te Jtat te la sticunon tele.