San Juan 12:46 - Bible in Tzeltal de Oxchuc y Tenejapa

⁴⁶ Jo'on te sacuben q'uinal cu'un, talemon ta balumilal swenta yu'un spisil te mach'a ya xch'uunone ma x'ain ta ijc' q'uinal.

Nuevo Testamento Tzeltal de Amatenango

⁴⁶ Joꞌon te sakil kꞌinal te talemon ta balmilale. Te machꞌa ya xchꞌuuunone makꞌ xjilix ta ijkꞌal kꞌinal.

Bible in Tzeltal Bachajón

⁴⁶ Ho'on te sacal q'uinalon te talemon ta bahlumilal scuenta yu'un spisil te mach'a ya sch'uhunon, ma ba ya x'ayin ta yihc'al q'uinal.

San Juan 12:46 Referans Kwoze

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

Salmos 36:9

melel te ja'ate ay ta awenta jichuc sloq'uibja' te cuxlejale. Ta swenta axojobil ya xtojobon.

San Juan 9:5

Te bit'il ayon to ta balumilale, sacuben q'uinal cu'un ta stojolic te mach'atic ayic ta balumilale —xi'.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Isaías 42:7

Ya jc'an ya ajambey sit te mach'atic ma'sitetique, soc ya aloq'ues te mach'a ayic ta chucjibale, ja' te chucjibal ta bay nainemic ta ijc' q'uinal.

San Juan 3:19

Ja' smulic c'ot te c'alal tal ta balumilal te saquil q'uinale, te ants-winiquetic ma la smulanic. Ja' toyol yo'tanic yu'un te ijc' q'uinale scaj te bit'il amen te yat'elique.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

San Mateo 4:16

te ants-winiquetic te ayic ta ijc' q'uinale, tilemix muc'ul luz ta stojolic. Sacubenix q'uinal ta stojol te mach'atic ayic ta yaxinal te lajele”, te xie.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

San Lucas 2:32

Ya me sacub q'uinal yu'un ta bay te jyanlumetique; soc ay me yutsilal ya xc'ot yu'un te lum Israel awu'une —xi' te Simeone.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Isaías 42:15

Ya me jin te witstiquil soc te ch'in witsetique; taquin ya quijq'uitay te ste'elique. Ya jc'atp'un ta taquin q'uinal te ja'etique; taquin ya quijq'uitay jilel te pampam ja'etique.

San Juan 9:39

La yal te Jesuse: —Talemonix li' ta balumilal to swenta yu'un ya xchicnaj te mach'a leque soc te mach'a amene. Jich yu'un te mach'atic ma xyilic q'uinale, ya me xjam sitic. Yan te mach'atic ya yilic q'uinal ta sc'opique, ya me xc'atp'ujic ta ma'sit —xi'.

Isaías 40:1

Te Dios awu'unic ya yal: —Muc'tesbonic, muc'tesbonic q'uinal yaiy te lum cu'une;