San Juan 12:38 - Bible in Tzeltal de Oxchuc y Tenejapa

³⁸ swenta yu'un jich ya xc'ot ta pasel te bila la sts'ibuy jilel te j'alwanej Isaiase: “Cajwal, ¿ay bal mach'a la xch'uunix te bila yaiyojix stojol cu'untique? ¿Ay bal mach'a ac'botix yilbey yu'el te Cajwaltique?”, te xie.

Nuevo Testamento Tzeltal de Amatenango

³⁸ yuꞌun jich me ya xkꞌot ta pasel te tut stsꞌibaye jilel te jꞌalwanej Isaiase: “Kajwal, ¿me ay machꞌa xchꞌuunix te tut kalojbetik jile? ¿Me ay machꞌa aꞌbotix yil spoder te Kajwaltike?” xchi me.

Bible in Tzeltal Bachajón

³⁸ scuenta yu'un hich ya xc'oht ta pasel a te bin yaloj te jalwanej Isaías, te hich la yal: Cajwal, ¿mach'a sch'uhunej te bin la jcalcotic? ¿Soc mach'a a'bot yil bin ut'il ay te sc'ab te Cajwaltique? xchi.

San Juan 12:38 Referans Kwoze

Isaías 53:1

¿Mach'a ya xch'uun te bi caiyojtic stojole? ¿Mach'a yac'ojbey sna' stojol Cajwaltic te yu'ele?

Romanos 10:16

Ja'uc me to, ma spisiluc la yich'ic ta muc' te lec yach'il c'ope. Jich bit'il la yal te Isaiase: “Cajwal, ¿ay bal mach'a la xch'uunix te c'op la caltique?”, te xie.

Romanos 10:20

Soc jich la yal uuc te Isaiase: “La staoniquix te mach'atic ma la sleonique, soc la cac' sna'bonix jba te mach'atic ma la sjojc'oonique, xi' te Diose”, te xie.

1 Corintios 1:24

Yan te mach'atic ic'bilic yu'un te Diose, chican teme judioetique o teme jyanlumetique, jich c'oem ta yo'tanic te bit'il ja' yu'el Dios soc ja' sp'ijil Dios te Cristoe.

Gálatas 1:16

Te c'alal jich la sc'an yo'tan, la yac'bon jna'bey sba te Snich'ane, swenta yu'un jich me ya jchol te sc'op Dios ta stojol te jyanlumetique. Ma ja'uc ba jojc'obey te ants-winique,

San Mateo 16:17

La yal te Jesuse: —Bin nax me awutsil te ja'ate, Simón te snich'anat Jonase, te melel ma ants-winicuc te la yac'bat ana' yalel in to. Ja' la yac'bat ana' stojol te Jtat te ay ta ch'ulchane.

Salmos 44:3

Melel ma ja'uc ta sc'abique, ni ja'uc soc te spuñalique, te ju' yu'unic tsalawe; melel ma ja'uc te ju' yu'unic te la yu'uninic te q'uinale. Ja' ta swenta awu'el soc ta swenta awip atuquel; ja' ta swenta te xojobil asit-awelaw te ju' yu'unic tsalaw ta scaj te xc'uxul ta awo'tane.

2 Crónicas 32:20

Ja' yu'un te muc' ajwalil Ezequías soc te j'alwanej Isaías, te snich'an Amoz, la sc'oponic te Diose, la sc'anic coltayel ta ch'ulchan.

San Juan 19:24

Jich la yalbey sbaic: —Ma me jch'i'tic. Ja' lec ya jpastic ta número quiltic te mach'a ya xc'ot ta swentae —xiic. Jich c'ot ta pasel te bila ts'ibubil jilel ta Sjun te Diose: “La spucbey sbaic te jc'u'-jpaq'ue. La spasbeyic snumeroil ta na'el te mach'a ya xc'ot ta swenta te jc'u'e”, te xie. Jich nix la spasic te soldadoetique.

San Juan 17:12

Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

San Juan 15:25

Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

San Mateo 15:7

Cha'lam awo'tanic te ja'exe. Jich nix la yalbeyex ac'oplalic te namey q'uinal j'alwanej yu'un Dios te Isaiase:

Isaías 51:9

Wic'a asit, wic'a asit, yu'el Cajwaltic, chajbana aba soc awip; wic'a asit jich bit'il la apas ta namey, ja' te mero namey q'uinale. Ja'at la asesan te Rahab, te muc'ul xi'bil chambalam ta mar.

Isaías 51:5

Ya xnoptsaj tel ta ora te tsalaw cu'une; te cat'el ta jcoltaywanej ay meix tel ta be. Ta swenta cu'el ya me xmandalajon ta stojol te lumetique. Te lumetic ta ti'mar ya me smaliyonic, ja' me ya smuc'ulin yo'tanic te cu'ele.

San Mateo 27:35

Te c'alal la sjijp'aniquix ta cruz, te soldadoetic caj spasic ta número yilic te bila ya xc'ot ta swentaic juju-jtul yu'un te sc'u'-spac' te Jesuse. Jich c'ot ta pasel te bila yaloj jilel te j'alwanej yu'un te Diose: “La spucbey sbaic te jc'u'-jpaq'ue. La spasic ta número yilic te mach'a ya xc'ot ta swenta te jc'u'e”, te xie.

San Juan 12:37

Manchuc teme bayal ta jchajp te señailetic la spas ta stojolic te Jesuse, ma ba c'ot ta yo'tanic te mach'a a,

San Juan 12:39

Te Isaiase la sts'ibuy jilel te bi swentailuc te ma ju' yu'unic xch'uunel te banti jich la yale: