San Juan 12:34 - Bible in Tzeltal de Oxchuc y Tenejapa

³⁴ La yal te ants-winiquetique: —Caiyojtic stojol te bit'il ya yal te mandalil cu'untic te stalel cuxul sbajt'el q'uinal te Cristoe. ¿Bit'il ay a te jich la awal te puersa ya xjijp'anot te Nich'anile. ¿Mach'a a te Nich'anil ya awale? —xiic.

Nuevo Testamento Tzeltal de Amatenango

³⁴ Te gentee la yalik: —Kaꞌiyejtik te tut ya yal te mantaliletik te kuxul sbajtel qꞌuinal te Cristoe. ¿Tutꞌil kꞌoem yuꞌun te jich ya awal te puersa ya yichꞌ jojkꞌanele te Nichꞌanile? ¿Machꞌaa te Nichꞌanil ta akꞌope? —xchiik.

Bible in Tzeltal Bachajón

³⁴ Hich la sjaq'uic te ants-winiquetique: Ca'iyejcotic ta Shun Dios te stalel cuxul te Cristo. Ha yu'un ¿bin yu'un yac awal te ya sc'an ya yich' toyel hahchel te Nich'anil ay ta scuenta winic? ¿Mach'a a te Nich'anil ay ta scuenta winic yac awale? xchihic.

San Juan 12:34 Referans Kwoze

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Daniel 7:14

Ac'bot yu'el, ac'bot yutsilal, soc ac'bot yich' yat'el ta muc' ajwalil; la yac' sbaic ta abatinel yu'un ants-winiquetic ta spisil nacionetic soc ta spisil ta jchajp c'opiletic. Stalel ay sbajt'el q'uinal te yu'ele, ma sna' xyanaj, sbajt'el q'uinal ma xlaj yat'el ta mandalteswanej.

Salmos 110:4

Te Cajwaltic ay bila yaloj ta jamal, ma xju' ya xcha'sujt'es xan te sc'ope: “Ja'at sacerdoteat swenta sbajt'el q'uinal, te ja' nix pajal sacerdote ayat soc te Melquisedec”, xi'.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

2 Samuel 7:13

Ja' me ya spasbon jun templo; soc ya me cac'bey yat'el ta muc' ajwalil sbajt'el q'uinal.

Romanos 5:18

Jich bit'il ta swenta jtul winic te la xc'axintaybey smandal te Diose, jich tal castigo ta stojol spisil ants-winiquetic, ja' nanix jich ta swenta te bila toj la spas te jtul Winic, jich ac'otic ta libre yu'un smulic soc ac'botic xcuxlejalic spisil ants-winiquetic.

Salmos 72:7

Ac'a esmajuc lamal q'uinal soc te bitic yich'oj swentail ta lec ta pasele te jayeb c'aal ochem ta ajwalil ja' to teme laj te ue.

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

San Juan 15:25

Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

San Juan 12:32

Te c'alal ya quich' jijp'anel ta balumilale, ya me quic' tel ta jtojol spisil ants-winiquetic —xi'.

San Juan 10:34

Te Jesús jich la yalbey yaiyic: —Ta bay te mandalil awu'unique ts'ibubil tey a te bit'il la yal te Diose te “ja'ex diosex”, te xie.

Isaías 53:8

Ma'yuc swentail la yiq'uic bael, ma'yuc mach'a c'opoj yu'un; ma'yuc mach'a la smel yo'tan yu'un. La sloq'uesic bael ta q'uinal, la yaq'uic ta lajel ta swenta smulic te lum cu'une.

San Mateo 21:10

C'alal och bael Jesús ta lum Jerusalén, xch'inch'on nax jajch'el spisil te lume. La sjojc'oyic: —¿Mach'a a me to? —xiic.

San Mateo 16:13

Te Jesús c'ot ta bay te q'uinal te Cesarea Filipo. Tey la sjojc'obey yaiy a te jnopojeletic yu'une: —¿Bi ya yalic awaiy te ants-winiquetique? ¿Mach'a ta sc'opic te Nich'anile? —xi'.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

San Juan 8:28

Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

Hebreos 7:24

Yan te Jesuse stalel ay sbajt'el q'uinal stuquel. Ma xjelon ta sacerdoteil stuquel.