San Juan 12:29 - Bible in Tzeltal de Oxchuc y Tenejapa

²⁹ Te ants-winiquetic te yacalic ta yaiyel stojole, ay la scuyic ta chawuc te c'opoje. Soc ay la yalic: —Ch'ul abat c'oponot yu'un —xiic.

Nuevo Testamento Tzeltal de Amatenango

²⁹ Te gente te teꞌelan ae la yaꞌiyik sok la skuyik te jaꞌ chauk te kꞌopoje. Pero ay yan la yalik: —Chꞌul ángel wan a kꞌoponot yuꞌun —xchiik.

Bible in Tzeltal Bachajón

²⁹ Te mach'atic tey ayic a te la ya'iyic te c'ope, ay la yalic te ha chahwuc; ay yantic la yalic: Ha ch'ul a'bat te jucot ta c'op yu'une, xchihic.

San Juan 12:29 Referans Kwoze

Apocalipsis 14:2

Soc la caiy stojol ay bila c'opoj ta bay ch'ulchan te pajal sc'op soc te snojel ja'etique soc sc'op te tulan chawuque. Jich sc'op la caiy te bit'il ay tsobol mach'atic yac ta stijel te yarpaique.

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

Apocalipsis 8:5

Te ch'ul abate la stsac xan te xchic'jibal pome. La snojes ta yac'alel c'ajc' te ay ta scajtijib majt'anile. La sbusq'uin coel ta balumilal te yac'alele. Tey chicnaj chawuc a soc ay bila yac ta bul sc'op soc tsantsewal soc tulan nijq'uel.

Apocalipsis 6:1

La quil te Alalchij te c'alal la sjam jun ta sjuquebal te selloetique. Soc la caiy stojol te c'opoj jcojt' te bitic cuxajtique. Jich c'opoj la caiy te bit'il sc'op chawuque: “La' me, ila awil”, xi' la caiy.

Ezequiel 10:5

Te sc'op te xic' te querubínetic chican to ta aiyel ta amac'. Jich yaiyel te bit'il yac ta c'op te Dios te Spisil ya xju' yu'une.

Job 40:9

¿Yu'un bal mero tulanat, jich bal atulanil te bit'il jo'one? ¿Jich bal ac'op ya xc'opojat te bit'il sc'op te chawuque? ¿Pajal bal soc te bit'il ya xc'opojon te jo'one?

Éxodo 20:18

Te israeletic la yaiyic t'om chawuquetic soc la yilic tsantsewaletic, la yaiyic stojol c'opoj xulubiletic, soc te bit'il potsot ta ch'ail te witse, xiw yo'tanic yu'un, q'uejel to la yac' sbaic.

Éxodo 19:16

C'alal sacub q'uinal ta yoxebal c'aal, chicnaj tel tsantsewaletic soc chawuc, soc mero pimil tocal te jul ta sba te witse. Tulan a jajch' ta oq'uel te xulubiletic. Spisil te lum te ay ta scampamentoique, nijq'uic yu'un xiwel.

Hechos 9:7

Te winiquetic te sjoinej ta beele, xiwic yu'un, melel la yaiyic stojol te mach'a c'opoje, ja'uc me to, ma'yuc mach'a la yilic.