San Juan 12:28 - Bible in Tzeltal de Oxchuc y Tenejapa

²⁸ Jich yu'un, Jtat, ac'a me ta ich'el ta muc' te abiile —xi' te Jesuse. Ay mach'a c'opoj tel ta ch'ulchan. Jich la yal: —La cac'atix ta ich'el ta muc' soc ya me cac'at xan ta ich'el ta muc' —xi'.

Nuevo Testamento Tzeltal de Amatenango

²⁸ JTat akꞌa ta ilel te slekilal abiile —xchi te Jesuse. Jicha chiknaj jun kꞌop ta chꞌulchan. Jich a yal: —La kakꞌix ta ilel slekil te jbiile, y ya me kakꞌ xan ta ilel —xchi.

Bible in Tzeltal Bachajón

²⁸ Jtat, ac'a ta ich'el ta muc' te abihile, xchi te Jesús. Tal c'op ta ch'ulchan te la yal: Cac'ojix ta ich'el ta muc', soc ya cac' xan ta ich'el ta muc', xchi.

San Juan 12:28 Referans Kwoze

San Mateo 26:42

Jich bajt' ta xchebal buelta ta sc'oponel te Diose: —Jtat, teme puersa ya xc'ax jwocole, ac'a pasuc te bila ya sc'an awo'tane —xi'.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

2 Pedro 1:17

La quiltic ta sitic te c'alal chicnantesbot yutsilal soc ac'ot ta ich'el ta muc' yu'un te Jtatic Diose. Soc la caiybeytic stojol yutsil sc'op te Diose: “Ja' in to, ja' Jnich'an te bayal c'ux ta co'tan te bin nax co'tan yu'une”, te xie.

Efesios 3:21

Ac'a chicnajuc yutsilal te Cristo Jesús ta yolil te jch'uunjeletique soc ta lamalam bael ta sbajt'el q'uinal. Jichuc.

Efesios 3:10

Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

Efesios 2:7

Jich me ya xchicnaj ta ilel ta patilal bael, te ay bayal yutsil yo'tan cu'untic te la xc'uxtayotic ta swenta te Cristo Jesuse.

San Juan 18:11

Te Jesús jich la yalbey te Pedroe: —Ac'a ochel ta sna te apuñale. ¿Yu'un bal ma puersauc ya xwoclajon te bit'il jich ya sc'an te Jtat te ya xc'ot ta jwentae? —la yut.

San Juan 11:4

C'alal la yaiy stojol te Jesuse, jich la yal: —Ja' in chamel to ma swentauc lajel. Swenta yu'un ya x'ac'ot ta ilel yutsilal a te Diose, soc swenta yu'un ya x'ac'ot ta ilel yutsilal uuc te Snich'ane —xi' te Jesuse.

San Juan 9:3

La yal te Jesuse: —Ma scajuc smul, soc ma scajuc smul sme'-stat. Yu'un nax ya x'ac'ot ta ilel yat'el Dios ta swenta.

San Lucas 9:35

Ay mach'a c'opoj tel ta yolil tocal: —Ja' in to, ja' te Jnich'an te tsabil cu'une. Aiybeya awaiyic stojol sc'op stuquel —xi'.

San Lucas 3:22

Jich coj tel ta stojol Jesús te Ch'ul Espiritue. Chican ta ilel, melel jich bit'il stsumut te jul ta stojole. Soc la yaiyic stojol te ay mach'a c'opoj tel ta ch'ulchan te jich la yale: “Ja'at Jnich'anat te bayal c'uxat ta co'tan. Bin nax co'tan awu'une”, te xie.

San Marcos 14:36

Jich la yal: —Jtat, te spisil ya xju' awu'une, te yacuc aq'uejbon bael in woclajel to. Ja'uc me to, ma me ja'uc ya yich' pasel te bila ya sc'an co'tane. Ja' me ac'a pasuc te bila ya sc'an awo'tan atuquele —xi'.

San Marcos 9:7

Talic ta axintesel yu'un te tocale. Ay mach'a c'opoj tel ta yolil te tocale: —Ja' in to, ja' te Jnich'an te bayal c'ux ta co'tane. Aiybeya awaiyic stojol sc'op stuquel —xi'.

San Marcos 1:11

Soc ay mach'a c'opoj tel ta ch'ulchan te jich la yale: —Ja'at Jnich'anat te bayal c'uxat ta co'tane. Bin nax co'tan awu'un —xi'.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

San Mateo 11:26

Jich, Jtat, te melel jich la sc'an awo'tan atuquel —xi'.