San Juan 12:27 - Bible in Tzeltal de Oxchuc y Tenejapa

²⁷ “Ta ora to bayal ayon ta mel-o'tan. ¿Bi ya cal yu'un? ¿Ya bal cal: “Jtat, coltayawon te bila ya xc'ot ta pasel ta jtojole”, xoon bal? Ja'uc me to, ja' talemon yu'un.

Nuevo Testamento Tzeltal de Amatenango

²⁷ “Te ora to bayal ayon ta ajtal-oꞌtan. ¿Y tut ya kal? ¿Me ya wan kal: “jTat, koltayaon yuꞌun te wokol to”, me xchon wan? Pero puersa jaꞌ talemon yuꞌun.

Bible in Tzeltal Bachajón

²⁷ Ta ora ini, bayel ayon ta wocol ya ca'iy. ¿Bin ya cal yu'un? ¿Jtat, coltayawon loq'uel ta jwocol ta ora ini, xchihon bal? como ha nix talemon yu'un a.

San Juan 12:27 Referans Kwoze

San Juan 12:23

Te Jesús la yalbey yaiyic: —C'otix yorail te ya x'ac'ot ta ilel yutsilal te Nich'anile.

Hebreos 5:7

Te jayeb c'aal ay ta balumilal te Cristoe, ma la scom sba ta sc'oponel Dios. Bayal la yoq'uetay sba ta yalel wocol ta stojol, te yacuc xju' ya xcoltayot ta yu'el te manchuc ya x'ac'ot ta lajele. Dios aiybot stojol sc'op yu'un, melel jun nax yo'tan yich'oj ta muc'.

San Juan 13:21

C'alal laj yo'tan ta yalel in to te Jesuse, bayal la smel yo'tan soc jamal caj yal: —Jamal ya calbeyex, ay jtulex te ya awac'onic ta c'abale —xi'.

San Mateo 26:42

Jich bajt' ta xchebal buelta ta sc'oponel te Diose: —Jtat, teme puersa ya xc'ax jwocole, ac'a pasuc te bila ya sc'an awo'tane —xi'.

Isaías 38:15

Ja'uc me to, ¿bi ya xju' ya cal ta stojol, teme jich la spase? Ma xtal te jwayele, scaj te ch'aubenix ya caiy te co'tane.

Hebreos 2:14

Te bit'il ch'ich'-baq'uet ayic te “alnich'anetic” te xie, jich nix ch'ich'-baq'uet c'ot uuc te Jesuse, swenta yu'un jich ju' yu'un tsalaw a te bit'il laje. Jich ju' yu'un te la slajinbey yip yu'el te lajele, ja' bi ja' te pucuje.

San Lucas 22:44

Te bit'il bayal ay ta woclajel te yo'tane, la yac' xan puersa ta sc'oponel te Diose. Te xchiq'ue ja' pajal soc ch'ich' te xt'ulajan coel ta lume.]

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Lucas 22:53

Melel jujun c'aal la joinex ta templo. Ma ba yal ac'abic ta jtojol. Ja'uc me to, la staix yorail te ya xju' awu'unic soc yip te ijc' q'uinale —xi' te Jesuse.

Salmos 88:3

Mero bayal te bila ma lecuc julem ta jtojole; mero nopol ayonix soc te lajele.

Isaías 53:3

te ants-winiquetique la yilayic, ma la yich'ic ta wenta. Jich yilel sit-yelaw te nojel ta yo'tan te bila c'uxe, c'aem ta woclajel. Jich c'oem te bit'il mach'a ma'yuc ta ilele, la quilaytic, ma la quich'tic ta wenta.

1 Timoteo 1:15

Mero melel in to te ya sc'an ya yich' ch'uunel te ja' xtaluc ta balumilal yu'un scoltayel jmulawiletic te Cristo Jesuse. Jich bit'il te jo'one, ja' c'ax bayal te jmule.

San Juan 11:41

Jich la sloq'uesic te tone. Te Jesús la stoy moel sit ta ch'ulchan. Jich la yal: —Jtat, wocol awal te la awaiybonix stojol te jc'ope.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

Salmos 6:3

Yacon ta nijq'uel yu'un xiwel. Yan te ja'at Cajwal, ¿bi ora ya xtalat?

San Mateo 11:26

Jich, Jtat, te melel jich la sc'an awo'tan atuquel —xi'.

San Mateo 26:45

Soc tal xan yan buelta ta bay ay te jnopojeletic yu'une. Jich la yalbey yaiyic: —¿Yu'un bal ya to xwayex, soc ya to bal awich'ic lewa? Ilawilic, c'otix yorail te ya x'ac'ot ta sc'ab jmulawiletic te Nich'anile.