San Juan 12:15 - Bible in Tzeltal de Oxchuc y Tenejapa

¹⁵ “Ma me xiwat, lum yu'un Sión. Ilawilic, talix te Muc' Ajwalil awu'unique. Ya me awil cajal ya xtal ta ch'in burro te ja' yal te me' burrae”, te xie.

Nuevo Testamento Tzeltal de Amatenango

¹⁵ “Ma me xiꞌan, mukꞌul jtejklum Sion. Ila awil te Rey awuꞌunike, moem tal ta jkojt chꞌin buru”, xchi me.

Bible in Tzeltal Bachajón

¹⁵ Ma xiwat, yantsilel Sión; ilawil, yac ta talel te Ajwalil awu'un, mohem ta tut burro te ha yal burra, xchi.

San Juan 12:15 Referans Kwoze

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Isaías 62:11

Te Cajwaltic ya me yal bael ja' to ta sti'il te balumilale: —Albeyaic te lum Sión te julemonix tel te Jcoltaywanejon yu'une. Te jo'on Yajwalon, ya quic' tel te lum cu'une, teme la jcoltayix loq'uel tel ae —xi'.

2 Samuel 16:2

Jojc'obot yu'un te muc' ajwalile: —¿Bi stuc te bi awich'oje? —xi' sc'oplal yu'un. La sjac' te Siba: —Te burroetic yu'un ja' ya xmoic a te mach'atic ay awu'un te ja'at te muc' ajwalilate, te pan soc te sit awalts'unubiletique, yu'un ja' ya swe'ic te soldadoetique. Jich nix te vino, ja' ya yuch'ic te mach'atic ya xlubic ta jochol taquin q'uinale —xi'.

Miqueas 4:8

Te ja'at, Jerusalén, balal ts'ajc' soc tulanil ts'ajc' yu'un Sión, ja'at mero centro ya xc'oat yu'un te muc' ajwalile. Ants c'oemat, te muc' ac'oplal ya xc'oat, jich bit'il ta neelal to —xi'.

Isaías 41:14

Te Cajwaltic tulan ya yalbey sc'oplal: —Israel, te lumat yu'un Jacob, manchuc me ch'in xujt'at, soc teme ma'yuc awipe, ma me xiwat, jo'on ya jcoltayat. Jo'on, te Ch'ul Dioson yu'un Israel, jo'on Jcoltaywanejon awu'un.

1 Reyes 1:33

jich albotic yu'un: —Ic'a ajoinic ta spisil te jo'tac ta at'el ta ajwalil, mojt'esaic ta jmula te jnich'an Salomón, ic'aic bael ta Gihón.

Jueces 12:14

waxaqueb ja'wil. Te Abdón nich'naj, ay cha'winic (40) ta jtul queremetic soc ay lajuneb xcha'winic (30) ta jtul smamatac. Te juju-jtul la scajtibinic burro.

Jueces 5:10

“¡Alaic ja'ex te ya xmoex ta t'ujbil burroetic, soc ja'ex te ya xnajc'ajex ta bay limbil alfombra-pac', soc ja'ex te jbeomexe.

Deuteronomio 17:16

Pero te muc' ajwalile ma me xju' ya sman bayal caballoetic, soc ma xju' teme ay mach'atic ya sticun ta Egipto swenta yu'un ya x'esmaj a te caballoetic yu'une. Melel jich yaloj te Cajwaltique: “Jc'axel ma me ayuc bi ora ya xcha'sujt'ex xan tel yan buelta li' ta be”, te xie.

2 Samuel 15:1

C'alal c'ax bael jtebuc c'aal, te Absalón wejt' yu'un jun scarreta swenta guerra soc caballoetic, la xchajban lajuneb yoxwinic (50) winiquetic te ya xcanantayot yu'une.

San Mateo 21:5

“Albeya te lum yu'un Sión: ‘Ilawilic, talix te muc' ajwalil awu'unique. Peq'uel yac'oj sba. Scajtibinej tel te yal me' burra soc te alal burro te yal te cuch-ijc'atsil’, xaat me”, te xie.

San Juan 12:14

Te Jesús la sta cojt' burro. La scajtijibin bael jich te bit'il ts'ibubil jilel ta Sjun te Diose: