San Juan 12:13 - Bible in Tzeltal de Oxchuc y Tenejapa

¹³ Jich yu'un la sbojtilayic tel yabenal palmera. Jich loc' staic ta be te Jesuse. Jich la yalic ta aw: —¡Jelawen yutsil! ¡Bin nax yutsil te mach'a talem ta swenta te Cajwaltique! ¡Bin nax yutsil te Muc' Ajwalil yu'un te Israele! —xiic ta aw.

Nuevo Testamento Tzeltal de Amatenango

¹³ Jich a sbojtalanik tal skꞌab palmera-teꞌ y lokꞌ staik te Jesuse. Xꞌawlajanik ta yalel: —¡Ben tsaꞌam te machꞌa talemix ta stojol te Kajwaltike! ¡Ben tsaꞌam slekil! ¡Ben tsaꞌam slekil te Rey yuꞌun te Israele! —xchiik.

Bible in Tzeltal Bachajón

¹³ la yich'ic bahel ya'binal xahn soc baht stahic tal te Jesús, hich la yalic ta aw: ¡Hosana! ¡Bayel yutsil te mach'a talem ta scuenta sbihil te Cajwaltic, te Ajwalil yu'un Israel! xchihic ta aw.

San Juan 12:13 Referans Kwoze

Apocalipsis 15:3

Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Mateo 23:39

Ya calbeyex ta ora bael to, ma ba ya awilbonic xan jsit ja' to teme ya awalic: “Bin nax yutsil te mach'a talem ta swenta te Cajwaltique”, teme xaexe —xi' te Jesuse.

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

San Juan 19:15

Cajic ta aw: —¡Bajt'uc ta milel! ¡Bajt'uc ta milel! ¡Mila ta cruz! —xiic ta aw. La yal te Pilatoe: —¿Ya bal stac' ya cac' ta milel ta cruz te muc' ajwalil awu'unique? —xi'. Te jwolwanej-sacerdoteetic la yalic: —Ma'yuc yan muc' ajwalil cu'untic, ja' nax stuquel te Césare —xiic.

Sofonías 3:15

Te bit'il chapal ac'oplal te ya awich' castigo, la slajinbeyix sc'oplal te Cajwaltic, soc la stenix bael te acontrotaque. Te Cajwaltic, te Muc' Ajwalil yu'un Israel, ay me ta awolilic; ma'yuc bila amen ya axi'ic.

Apocalipsis 19:16

Soc ay sbiil ts'ibubil ta bay te sc'u'e soc ta bay te ya'e: “Muc' Ajwalil yu'un te muc' ajwaliletique, Ajwalil yu'un te ajwaliletique”, xi' te sbiile.

Isaías 44:6

Te Cajwaltic, ja' te muc' ajwalil soc J'ac'wanej ta libre yu'un Israel. Te Cajwaltic te Spisil ya xju' yu'une, ya yal: —Jo'on ayon ta sbabial soc ta slajibal; ma me ayuc yan dios jich te bit'ilone.

Levítico 23:40

Ta sbabial c'aal ya me awich'ic tel te sc'abc'ab mero t'ujbil te'etic, yabenal xanetic, yabenal mero t'ujbil muc'ul te'etic soc sauce-te'etic ta ti'ti'ja'etic. Juqueb c'aal binuc nax me awo'tanic ta jtojol jo'on te Ajwalilon te Dioson awu'unique.

San Juan 12:15

“Ma me xiwat, lum yu'un Sión. Ilawilic, talix te Muc' Ajwalil awu'unique. Ya me awil cajal ya xtal ta ch'in burro te ja' yal te me' burrae”, te xie.

San Mateo 27:42

—La scoltay yantic, ja'uc me to, ma xju' ya scoltay sba stuquel. Teme melel te ja' muc' ajwalil yu'un te Israele, couc tel ta cruz ta ora to. Jich me ya jch'uuntic.

San Juan 12:14

Te Jesús la sta cojt' burro. La scajtijibin bael jich te bit'il ts'ibubil jilel ta Sjun te Diose: