San Juan 11:9 - Bible in Tzeltal de Oxchuc y Tenejapa

⁹ La yal te Jesuse: —¿Ma bal lajchayeb ora yich'oj te jun c'aale? Jich yu'un te mach'a ya xbeen ta c'aaleltique, ma ba ya sc'ojch'in yacan, melel ya yil q'uinal te bit'il sacuben q'uinal ta balumilale.

Nuevo Testamento Tzeltal de Amatenango

⁹ Te Jesuse la yaltalanbe: —¿Me ma wan lajchayebuk ora yichꞌoj te jun kꞌaale? Jaꞌ yuꞌun te machꞌa ya xbeen ta kꞌajkꞌaltike makꞌ xkꞌochin yok, yuꞌun ya yil te sakil kꞌinal te ay ta balmilale.

Bible in Tzeltal Bachajón

⁹ La sjac' te Jesús: ¿Ma bal lahchayebuc ora yich'oj te jun c'ahc'al? Te mach'a ya xbehen ta c'ahc'alel ma ba ya sc'ohchin yoc, como ya yil q'uinal ta scuenta te sacal q'uinal yu'un te bahlumilale.

San Juan 11:9 Referans Kwoze

San Juan 9:4

Te bit'il ayotic to ta c'aleltique, puersa me ya jpasbey yat'el te mach'a la sticunon tele. Yu'un ya xtal te ajc'ubale, c'alal ma'yuquix mach'a ya xju' ya x'at'ej.

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

Jeremías 31:9

Ya me xtal sc'opononic soc oq'uel. Jo'on ya quic' bael ta beja'etic soc ta pamal be, ta bay ma sc'ojch'in te yacanique. Melel jo'on Staton te Israele, soc te jnich'an Efraín, te ja' banquilale.

Proverbios 3:23

Jich me jun awo'tan ya xju' ya xbeenat ta be, ma me ayuc bi ora ya ac'ojch'in awacan.

San Juan 11:10

Yan te mach'a ya xbeen ta ajc'ubale, ya sc'ojch'in yacan stuquel, melel ma sacubenuc q'uinal ta stojol —xi'.

1 Juan 2:10

Te mach'a c'ux ya yaiy ta yo'tan te yermanoe, ainemix ta bay te saquil q'uinale. Jich ma'yuc bi ya syalesot xan ta mulil yu'un.