San Juan 11:55 - Bible in Tzeltal de Oxchuc y Tenejapa

⁵⁵ Nopolix yorail a te q'uin Pascua yu'un te judioetique. Neelajemic bael ta Jerusalén tsobol judioetic ta juju-jpam lum, swenta yu'un ya xba yac' sbaic ta utstesel ta stojol Dios neeluc te bit'il ya xjajch' spasic te q'uin Pascuae.

Nuevo Testamento Tzeltal de Amatenango

⁵⁵ Xnopetix a te kꞌin Pascua yuꞌun te juriyoetike, y bayal genteetik yuꞌun te jtejlumetik yipalik ta bael ta Jerusalene yuꞌun ya xba yakꞌ sbaik ta lekutesel ta stojol Dios antes ke ya xkꞌot te kꞌin Pascuae.

Bible in Tzeltal Bachajón

⁵⁵ Nopol sta yorahil a te Q'uin Pascua yu'un te judíohetic, tsobolic hahchic bahel tey a, bahtic ta Jerusalén yu'un ya slecubtes sbahic te ma to sta yorahil Pascua a.

San Juan 11:55 Referans Kwoze

San Juan 12:1

Waqueb xan c'aal sc'an sta a te q'uin Pascuae, te Jesús bajt' ta lum Betania ta banti ay te Lázaro te la yich' cha'cuxesel tel ta bay animaetique.

San Juan 6:4

Nopolix yorail te q'uin Pascua yu'un te judioetique.

San Juan 2:13

Nopolix yorail q'uin Pascua yu'un te judioetique. Jich te Jesuse mo bael ta Jerusalén.

Éxodo 19:10

Te Cajwaltic jich la yal yu'un: —Baan chajbana te israeletic yo'tic to soc te pajele. Ac'a slecubtes sbaic, soc ya me sac' sc'u'ic.

Génesis 35:2

Jich te Jacob la spas ta mandal mach'a jayeb ay ta sna soc te mach'a jayeb sjoineje: —Ch'ojaic loq'uel te jayeb bitic acuyojic ta Dios te awich'ojique, soc poca abaic, lapa yan ac'u'ic.

Santiago 4:8

Noptsajanic ta stojol te Diose, jich me ya xnoptsaj ta atojolic uuc. Jmulawiletic, poca ac'abic; ja'ex te cheb awo'tanique, ac'a abaic ta utstesel.

1 Corintios 11:28

Ja'uc me to, juju-jtul ac'a stsajtay yo'tan neeluc te ya swe' te waje soc te ya yuch' te bila ay ta vaso yu'un te Cajwaltique.

Hechos 24:18

Jich yacon ta spasel a te la staonic ta yutil templo cha'oxtul judioetic te talemic ta Asia. Lajix co'tan ta utstesel a, soc ma yu'unuc ayuc tsobol jwinictac soc ma'yucon ta xjajch'esel c'op tey a.

San Juan 18:28

La yiq'uic loq'uel ta sna Caifás te Jesuse soc la yiq'uic bael ta stojol ajwalil ta bay Pretorio. Yaquix sacubel tel a te q'uinale. Te judioetic ma ba ochic bael ta bay te Pretorioe. Ja' la sna'ic te ma lecuc sc'oplalic ya xc'ot teme ya x'ochique. Jich ma xju' sti'ic te chij swenta q'uin Pascua.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Juan 5:1

Patil la sta yorail q'uin yu'un te judioetique. Jich cha'mo xan bael ta Jerusalén te Jesuse.

San Juan 2:6

Ay waqueb tinaja tey a te spulil ja'e, yu'un te judioetique c'aemic te ya spoquilay sc'abic swenta xch'uunel Dios ta sc'opic. Ay che'oxeb muc'ul q'uib sbaalic te jujune.

San Marcos 14:1

Cheb xanix c'aal sc'an xjajch' te q'uin Pascuae soc te ya swe'ic te waj te ma'yuc levadura yich'oje. Te jwolwanej-sacerdoteetic soc te jts'ibojometic, yacalic ta snopel te bi ya yut ya stsaquic ta muquen te Jesuse, swenta yu'un ya smilic.

San Mateo 26:1

C'alal lajix yo'tan ta yalel spisil in to te Jesuse, jich la yalbey te jnopojeletique:

Salmos 26:6

Pocbilix c'oem te jc'ab, ma'yuquix te jmule. Cajwal, ya jc'an xnoptsajonix bael ta bay scajtijib amajt'an,

Job 1:5

Te c'alal ya xlaj te q'uin yu'unic ta jujun snaic te snich'nab te Jobe, ya stsob te snich'nabe. Ta buen sab ya xjajch', ya yac'bey milbil smajt'an Dios te ya yich' chiq'uel ta scojt'ol yu'un ta juju-jtul te snich'nabe, swenta yu'un jich ya yich'ic lecubtesel yu'un smulic a. Jich la spas spisil ora te Job, la yal ta yo'tan teme repente ay staoj smulic te snich'nabe. Soc teme ay la yixtac'optayic Dios ta yo'tanique.

1 Samuel 16:5

La sjac' te Samuel: —Ja', swenta lamal-o'tanil. Talon ta yaq'uel milbil smajt'an te Cajwaltique. Ac'a me abaic ta ch'ultesel ta stojol te Diose. La' joinawonic ta spasel te milbil smajt'an Diose —xi'. Te Samuel la xch'ultes te Isaí soc te snich'nabe. La yic' ta sti'el te milbil smajt'an te Diose.

Números 9:6

Ja'uc me to, ay winiquetic te ma ba lec sc'oplalic ta scaj te spicoj anima, jich yu'un ma ju' yu'unic spasel te q'uin Pascua ta sc'aalelal. Te winiquetic ba yilic te Moisés soc Aarón ta yorail nix.

Números 9:10

“Apisilic te ja'ex soc ats'umbalic ya me apasic te q'uin Pascua swenta quich'jibal ta muc'. Te mach'atic ma ba lec sc'oplalic te spicojic anima, o teme yu'un c'ubul beenique,

San Mateo 26:2

—Ana'ojic stojol te cheb xanix c'aal sc'an te q'uin Pascuae. Te Nich'anile tey ya x'ac'ot ta c'abal a, yu'un ya me smilic ta cruz —xi'.

San Lucas 22:1

Nopolix yorail a te q'uin Pascua sbiil te ya swe'ic wajetic te ma ba yich'oj levadurae.

Hechos 21:24

Ic'a bael, joina ta utstesel ta stojol Dios, soc tojbeya te jayeb ya xlaj yu'unic te ya yac' ta joxel te sjolique. Jich me ya sna'ic stojol te ach'uunej te mandalile.

Hechos 21:26

Jich te Pablo la sjoin sba soc te chantul winiquetique. Ta yan c'aal la sjoin ta utstesel ta stojol Dios. Jich och bael ta templo yu'un tey ya yalic a te jich yipal c'aal sc'an ts'acaj te yutsteselique, ja' bi, ja' te bi c'aalil ya sc'an ya xc'o yaq'uic juju-jtul te milbil smajt'an Diose.