San Juan 11:36 - Bible in Tzeltal de Oxchuc y Tenejapa

³⁶ Te judioetic la yalbey sbaic: —¡E! Bayal c'ux ta yo'tan —xiic.

Nuevo Testamento Tzeltal de Amatenango

³⁶ Te juriyoetike jich a yalbe sbaik: —Ila awilik, lom skꞌanoj ta yoꞌtan —xchiik.

Bible in Tzeltal Bachajón

³⁶ Ha yu'un hich la yalic te judíohetique: Ilawilic, mero bayel c'ux ta yo'tan, xchihic.

San Juan 11:36 Referans Kwoze

San Juan 11:3

Jich yu'un te cheb antsetique la sticunic ta alel ta stojol te Jesuse, jich la yalic bael: —Cajwal, ay ta chamel te mach'a c'ux ta awo'tane —xiic bael.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

1 Juan 3:1

Awaiy bit'il bayal c'uxotic ta yo'tan te Jtatic Diose, swenta yu'un ja' jbiiltic ya xc'ot te yal-snich'anotic te Diose. Ja' swentail te ma sna'botic jbatic te mach'atic ayic ta swenta te balumilale, te melel ma sna'beyic sba te Diose.

Efesios 5:25

Winiquetic, te nujbinemexe, c'ux me x'awaiy ta awo'tanic te awinamique; jich bit'il te Cristoe, c'ux la yaiy ta yo'tan te jch'uunjeletique. Melel la yac' sba ta lajel yu'unic.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

San Juan 11:19

Talemic tsobol te judioetic ta smuc'tesbel q'uinal yaiyic te Martae soc te Mariae te bit'il lajemix te Lázaroe.