San Juan 11:28 - Bible in Tzeltal de Oxchuc y Tenejapa

²⁸ Te c'alal laj yo'tan ta yalel in to te Martae, ba yic' tel te María ja' te yijts'ine. Jich c'o yalbey ta muquen: —Te Maestroe li' ayix to. Ya me yic'at —xi'.

Nuevo Testamento Tzeltal de Amatenango

²⁸ Patil te laj yal to, te xMartae ba yikꞌ tal te yijtsꞌine, jaꞌ te xMariae. Jicha kꞌo yalbe ta mukul: —Liꞌiyix to te Maestroe. Baan laj me —xchi.

Bible in Tzeltal Bachajón

²⁸ C'alal laj yalbel a, baht sjuc ta c'op te María te yihts'in, hich muquen la yalbe: Hulix te Maestro, yac yic'belat, xchi.

San Juan 11:28 Referans Kwoze

San Juan 13:13

Te bit'il “Maestro” soc “Cajwal”, ya awutonic, melel xawalic, yu'unix jo'on a.

San Juan 11:20

C'alal la yaiy stojol te Marta te julelix tel te Jesuse, loc' bael ta stael. Yan te Mariae nacal jilel ta na stuquel.

San Marcos 10:49

Te Jesús la stejc'an sba: —Ic'aic tel —xi'. Jich la yiq'uic tel te ma'site soc la yalbeyic: —Ac'a smuc'ul awo'tan. Jajch'an. Ya yic'atix —xiic.

San Juan 21:7

Jich te jnopojel te bayal c'ux sba ta yo'tan soc te Jesuse la yalbey yaiy te Pedroe: —¡Ja' te Cajwaltique! —xi'. Te c'alal la yaiy stojol te Simón Pedro te ja' te Cajwaltique, la slap sc'u' ta ora. La xch'oj sba ochel ta ja'.

San Juan 20:16

La yal te Jesuse: —¡María! —xi'. Te antse la sujt'es sba. La sc'opon ta hebreo-c'op: —¡Raboni! —xi'. (“Maestro”, xi' c'oem.)

San Juan 10:3

Te jcanan-ti'corrale ya sjambey sti' te corrale. Te chijetique ya sna'beyic sc'op te jcanan-chije. Jich ya yic'tilay ta sbiilic te chijetic yu'une. Ya sloq'ues bael ta corral.

San Juan 1:45

Te Felipe la sta sba soc te Natanaele, jich la yalbey: —La jtatiquix te mach'a ts'ibubil jilel sc'oplal yu'un Moisés ta sjunal mandalil soc te ts'ibubil jilel sc'oplal yu'un te j'alwanejetique. Ja' te Jesús te snich'an José te talem ta lum Nazarete —xi'.

San Juan 1:41

Te Andrés ja' bajt' ta yo'tan sleel ta ora te sbanquile, ja' te Simone. Jich la yalbey: —La jtatiquix te Mesiase —xi' c'oel. Te Mesías te xie, Cristo, xi' c'oem.

San Lucas 22:11

Jich me xawalbeyic te yajwal nae: “La yal tel te Maestroe: ‘¿Banti ay te jtsal ana ta bay ya xwe'on soc te jnopojeletic cu'un ta swenta te q'uin Pascuae?’ xi' me,” ya me awutic.

San Marcos 14:14

Ta banti ya x'och bael ya awilique, c'oponaic te yajwal nae. Jich me xawalbey: “La yal tel te Maestroe: ‘¿Banti ay te jtsal te sba ana ta bay ya xwe'on soc te jnopojeletic cu'un swenta q'uin Pascua?’, xi' tel te maestroe”, ya me awutic.

San Mateo 26:18

La yal te Jesuse: —Baanic ta bay te muc'ul lume. Tey me ya xc'o ac'oponic a te jtul winique. Jich me xawalbeyic: “La yal tel te Maestroe: ‘Nopolix te coraile. Ya me xtalon ta ana ta we'el soc te jnopojeletic cu'un ta spasel te q'uin Pascuae’ xi' tel te maestroe”, ya me awutic —xi' te Jesuse.

Zacarías 3:10

Te c'alal ya xc'ot sc'aalelal, ya me xju' te talel c'axel ya awic' abaic ta yaiybeyel yutsilal te lamal q'uinal ta yaxinal ats'usubiletic soc higueraetic awu'unic. Jo'on, Ajwalilon te Spisil ya xju' cu'une ya cal ta jamal”, xi' me te Cajwaltic —xi' te ch'ul abate.

Hebreos 12:12

Jich yu'un, ac'beya yich' xan yipic te ac'ab te yaquix ta sayp'ujele soc te awacan te ma'yuquix yipe.

1 Tesalonicenses 5:11

Jich yu'un, talel c'axel jech muc'tesbeya aba q'uinal awaiyic a, soc jech ac'beya aba yip awo'tanic a, jich te bit'il yacalex ta spasele.

San Juan 11:29

C'alal la yaiy stojol te María, ora ba yil te Jesuse.

San Juan 11:30

Ma to ochemuc ta lum a te Jesuse. Tey to ay a te banti taot yu'un te Martae.