San Juan 10:37 - Bible in Tzeltal de Oxchuc y Tenejapa

³⁷ Teme ma pajaluc soc yat'el Jtat te bila ya jpase, ma me xach'uunbonic te bila la cal jiche.

Nuevo Testamento Tzeltal de Amatenango

³⁷ Teme ma pajaluk sok yaꞌtel jTat te tut ya jpase, ma xꞌachꞌuunbikon.

Bible in Tzeltal Bachajón

³⁷ Teme ma ba yacon ta spasbeyel ya'tel te Jtate, ma me xach'uhunonic.

San Juan 10:37 Referans Kwoze

San Juan 15:24

Te manchuc la jpasbey yilic at'eliletic te ma'yuc mach'a ju'em yu'un spasele, ma'yuc smulic te jichuque. Ta ora to la yiliquix te bila la jpase. Ja' ya yilayonic yu'un, soc ya yilayic uuc te Jtate.

San Juan 10:25

Te Jesús la yal: —La calbeyex, ja'uc me to, ma x'ac'an ach'uunbonic jc'op. Te at'eliletic ya jpas ta swenta sbiil te Jtate, ja' testigoetic cu'un.

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 10:32

Te Jesús jich la yalbey: —Bayal lequil at'eliletic la jpas ta atojolic ta swenta yu'el te Jtate. ¿Bila amen la jpas te ya amilonic ta ch'ojel ta ton yu'une? —xi'.

San Juan 5:31

Teme jo'on jtuquel te ya cal jc'oplal ta testigo-c'ope, ma'yuc sc'oplal te bila ya cale.